1 ZYAŊ 1:6 - Bafia Nouveau Testament

⁶ I tì kpaa lɛ, tì rì ɓɛ̀ràrɛn ɗi nyi, tì ki kɛ̀ɛ̀kɛɛ ɓi birìm di tì pwàa, tyɛ̀ ki ki kì yɛ̀ɛ saaɗ a kpaakpàà.

1 ZYAŊ 1:6 ပူးပေါင်းရင်းမြစ်များ

MATYOO 7:22

Ɓum lɛɛ̀gwey ɓɛ ri kpaa gɛ mɛ̀ ɓi ŋ̀wos anɛ̀n lɛ: Kan, Kan àa ɓi ɗii ɗyɔɔ nnɛ tì kpaàkpàŋzìghà ɓìɓan ɓi Bɛ̀ll? Àa rì ɗii ɗyɔɔ nnɛ tì nànàɓkà ɓìɓeɓtàg ɓi mɛghay? Ti kìkìghà ɓi nya dàm yi ɓiɓan lɛɛ̀gwey rì ɗii ɗyɔɔ?

ZYAŊ 11:10

Wɔ̀lɛ i mum a kɛ̀ɛ̀kɛɛ ri ìru, à rì lɛ à ɓàgtɛ̀n ɓisuulɛ à yin ɗi kìtɛɛtɛn ɓi nyimiɗ.

ZYAŊ 12:35

Yeesus à kpaa ɓɔ lɛ: Kìtɛɛtɛn ki kaka a lɔ̀ŋkin ɓi maa cààmɛ̀n, fɔɔnnɛ kɛ̀ɛ̀ghiina, cààmɛ̀n ki ɓì kaka rì kìtɛɛtɛ̀n; lɛ, birìm yɛ̀ kɛɛ̀ ràɗ mini. Ŋwaànɛ a kɛ̀ɛ̀kɛɛ ɓi birìm à yii ɓi fe nnɛ a kɛ̀nkɛ̀n.

ZYAŊ 12:46

Mɛ̀ ǹ-yùghà ɓi ziinɛ fɛlɛ yɛ̀ɛ kìtɛɛtɛn, lɛ mum ǹcèm ànɛ à gherɛɛ mɛ̀ kɛ̀ɛ ɓa ɓi birìm.

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

ZYAŊ 8:55

Ɓì ki yii ɓi nyi; mɛ̀ ǹ-yii nyi. I ǹkpaa lɛ ǹ-yii ɓi nyi, di ǹɗì pwààpwaà yɛ̀ɛ mìni. Kiɓan kifog mɛ̀ ǹ-yii nyi, mɛ̀ɛ ǹki ɓèŋɓeŋ jɛ̀ɛ̀ yìì.

TIMOTE 4:2

ɓi fyɛɛ̀-fyɛɛ̀ ɓi ŋwɔm ìghèy ɓi ɗùm à ɓumɓɛ ɓɛɛ̀ rèresi ɓiɓan ɓi ɓɛpwàà ɓumɓɛ̀n ɓɛɛ̀ɓɛ mɛ̀rem maa mɛ ri mɛ̀ tɔ̀nɛn ɗi swiɗ ànɛ à ɓàŋiì ɓi ɗuu lɛ pɔɔŋ.

ZYAG 2:14

Ɓɛ̀geni ɓɛ̀m, ki ghɛɓsii cɛ lɛ mum a kpaàkpaa rì ŋwɔm lɛ à rì rì rìgherɛ̀n di à yin ɗi mɛ̀kìkìì mɛ syeesyee? Rìkuu ɗi righerɛ̀n ɗiǹ ɗi ri nya lɛ ɗi ghɛɓsì nyi?

ZYAG 2:16

nnɛ kìbog ki ɓi mìni ki kalii ɓɔ lɛ: Kɛ̀ɛna lɛ fyòoog, ɓi ɓaɓɓɛn a ɗuu ɓi wurag, kɛ̀ɛ fa ɓɔ com ki ki ri ɓɔ rì gɛɓsɛ̀n ɓi san ànɛ a mɛ̀mùù, fɔlɔɔ a ghɛɓsii cɛ?

ZYAG 2:18

Kìɓan kifog ŋwaàdɛŋ à rì lɛ à kpaa lɛ: Wɔ̀ɔ̀ rì rì rìgherɛ̀n, mɛ̀ rì mɛ̀kìkìì; rèsi mɛ̀ rìgherɛ̀n ɗyɔɔ ɗi ɗi ri kɛ̀ɛ̀ mɛ̀kìkìì, mɛ̀ɛ nɗesi wɔ̀ ɗiŋkɛ̀m ɓi mɛ̀kìkìì mɛm̀.

1 ZYAŊ 1:10

I tì ki kpaa lɛ tì kìghà ɓi kiɓe, di tì ghaasii nyi pwààpwaà, jɛ̀ɛ̀ yìì yɛ̀ kɛɛ̀ ki ɓa ɓisi ɓi mɛ̀rem.

1 ZYAŊ 1:3

Kìɓan ki tì kìghà lɛ, tì ghɛn tì ki wog kɛɛ̀ki ti ghaaghagsì girig mìni, lɛ di mìni girig, ɓi ɓa ɓɛ̀ràrɛn ri ɓìsi. Nni ɓìsii ri ɓɛ̀ràrɛn lɛ rì Seŋi, rì Yeesus Kiris à Man wiì.

1 ZYAŊ 1:8

I tì kpaa lɛ, tì yin ɗi ɓìɓe, di tì pwààrɛɛ ɓìsiìɓɔmiɗ, saaɗ kɛ̀ɛ ki ɓa a lɔ̀ŋkis.

1 ZYAŊ 2:4

Ŋwaànɛ à kpaa lɛ, à mɛ yi Bɛ̀ll, kɛ̀ɛ ki ɓèŋ ɓidɔ̀gsɛna ɓii, à rì pwààpwaà, saaɗ kɛ̀ɛ ki ɓa a lɔ̀ŋkii.

1 ZYAŊ 4:20

I mum à kpaa lɛ: Ǹkeesii Bɛ̀ll nni à ɓèèzɛɛ geni, di à rì pwààpwaà, ɓisuulɛ, i mum à keesii ɓi geni ànɛ a seesèè, lannɛ à rì lɛ à keesì Bɛ̀ll ànɛ à ghɛɛ ɓi?