1 ZYAŊ 1:3 - Bafia Nouveau Testament

³ Kìɓan ki tì kìghà lɛ, tì ghɛn tì ki wog kɛɛ̀ki ti ghaaghagsì girig mìni, lɛ di mìni girig, ɓi ɓa ɓɛ̀ràrɛn ri ɓìsi. Nni ɓìsii ri ɓɛ̀ràrɛn lɛ rì Seŋi, rì Yeesus Kiris à Man wiì.

1 ZYAŊ 1:3 ပူးပေါင်းရင်းမြစ်များ

ZYAŊ 17:11

Mɛ̀ ǹ-yiìdi ti ɓi ziinɛ, ɓɔ yɛɛ rɔɓi ɓi ziinɛ, yɛ̀ɛ mɛ̀ ǹ-yùu a lɔ̀ŋkɔɔ. Tààta ànɛ à rì ǹtɛnɛn, ɓèŋa ɓumɓɛ ù faghà mɛ̀ rì ɗii ɗyɔɔ, lɛ di ɓɛɛ ɓa ɓɛ̀ràrɛn yɛ̀ɛ ɓìsii ri ɓɛ̀ràrɛn lɛ rì mɛ̀ rì wɔ̀.

ZYAŊ 17:21

M̀ɓɔ̀ŋzii wɔ̀ lɛ ɓɛɛ ɓa ɓɛ̀ràrɛn kìbyɔg kìfog Tààta, yɛ̀ɛ ù rì ɓi mɛ̀, mɛ̀ ɓi wɔ̀, kìya lɛ ɓɔ girig ɓɛɛ ɓa ɓɛ̀ràren ɓi ɓìsi di fɔɔnnɛ ziinɛ yɛ̀ɛ gherɛn lɛ, wɔ̀ yɛɛ romgày mɛ̀.

ZYAŊ 17:25

Tààta ànɛ à rì lɛ saaɗ, ziinɛ ì yighà ɓi wɔ, lɔŋ mɛ̀ yɛɛ yighà wɔ̀, ɓɛ̀roɓɛ ɓɛ ki yi lɛ wɔ̀ yɛɛ romgày mɛ̀.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

ZYAŊ 19:35

Ŋwaànɛ a kpaakpaa ɓiɓan ɓi, à ghɛngà ɓyɔ (rì mis). Nni com ki a kpaakpàà ki ri saaɗ, nyimiɗ a yii lɛ, a kpaakpaa saaɗ lɛ, di mìni girig ɓi gherɛn.

MƐ̀KÌKÌÌ MƐ ƁƐKƐ̀NÌ-FÌTOM 13:32

Ɓìsi girig, tì yùu mìni rì Syeesyee à Ɓɔlɛ ànɛ lɛ, ǹkàg wu wu falɛ̀ngà a ɓɛ̀seŋi ɓis,

MƐ̀KÌKÌÌ MƐ ƁƐKƐ̀NÌ-FÌTOM 13:41

Mìni ɓɛ̀daŋàdaŋa, ghɛɛna di ɓi kuughrag, ɓì ki pɛ̀sɛn mɛ ɓi mis, ɓisuulɛ ǹɗì ɓiì kìi rikuu ɗi kiɓan ɗidɛŋ ɓi mɛ̀ru min ɗi ɓì ɓaghà ɓi lɛ ɓì gherɛ̀n lɛ, ɗi ri lɛ ɗi kilɛ̀n di ŋwaàdɛŋ yɛɛ kpaa mìni lɛ ɗyaa kìlɛɛ.

MƐ̀KÌKÌÌ MƐ ƁƐKƐ̀NÌ-FÌTOM 2:42

Ɓɛ siìrɛ̀ngà ɓi rìwowòg ɗi rirèsàg ɗi ɓɛkɛ̀nì-fìtom, rì ɓi cɛɓ ki rigeni, rì ɓi rìcusàg ɗi bìrɛs, rì ɓi bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 20:27

Ɓisuulɛ, ǹkpàkàkà mìni dwìɗ i Bɛ̀ll bimiɗ, kɛ̀ɛ nnyam mini nsoò maa kìɓan adɛŋ.

MƐ̀KÌKÌÌ MƐ ƁƐKƐ̀NÌ-FÌTOM 4:20

Lɛ ɓìsii yin lɛ tì rɔ̀ɓ lɛ tì kpaa ɓi kiɓan ki ti ghɛngà, tì ki wog.

RÒMƐŊ 15:27

Lɛ ɓɔmiɗ ɓɔ yɛɛ reǹgà kìɓan kiǹ, ki ki ghɛ̀ɛ̀sɛn fɔlɔɔ lɛ, i ɓumɓɛ ɓɛ yin Ɓɛ̀yudɛ̀n ɓɛ ti rì gàɓ ɓi ɓìrɔɔ ɓi ɓi nghay ɓi ɓi ɓaghà ɓisuu Ɓɛ̀yudɛ̀n, ɓɛ ghɛɛ̀sɛɛ girig ɓɔ kì ghɛɓsii cààmɛ̀n ki ɓɛ ri rì mɛ̀tɔɓ mɛ kisoghà.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 1:9

Bɛ̀ll ànɛ à reŋìghà mìni lɛ ɓi ghɛɓ ɓɛ̀ràrɛn ri Man wiì Yeesus Kiris ànɛ à rì Kan wìs, à rì Bɛ̀ll ànɛ à ti à roòzàg mɛ̀kàg mii.

1 KƆ̀RƐ̀ŊTYƐŊ 15:1

Ɓɔɔsoŋ̀, n-yiti mìni Syeesyee à Ɓɔlɛ ànɛ ǹkalìghà mìni, ànɛ ɓì tekà, innɛ ɓì rì ɓɛ̀sììrɛn miì;

EFÈZYƐŊ 3:6

Ɓumɓɛ ɓɛ yin Ɓɛ̀yudɛ̀n ɓɛ ti girig ɗì gàɓ ɓi ɓyom ɓi Bɛ̀ll à nyamgà ɓisuu ɓum ɓii, ɓɛ ɓa ɓìkàɓ ɓi nyoo bog, ɓɛ ki ɓa girig ɓumɓɛ ɓɛ ri ɓi nkàg wu Bɛ̀ll à faghà ɓi Yeesus Kiris lɛ Syeesyee à Ɓɔlɛ,

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

FÌLÌPYƐŊ 2:1

I ǹtyweeyi wu yɛ̀ɛ Kiris wu ki rì lɛ wu fɔɔsì mum ǹɗem, i rìfalɛ̀n ɗi itèɗ ɓi ǹkɔ̀nɛ̀n ɗi ki rì wɔɔ, i rìràrɛ̀n ɗi rì Nghay ɗi ri wɔɔ, i ǹɗem wu nyìighnyìg wu geesɛ̀n wu ri lɛ wu ɓa wɔɔ,

FÌLÌPYƐŊ 3:10

Com ki nkɔ̀nkɔ̀n ki ri lɛ: n-yi Kiris, ǹ-yi ìtèɗ wu rìghèmɓɛ̀n ɗii, ɗi a ɓìloŋ, ǹteɗ gàɓ ɓi mɛ̀tɔɓ mii, ǹki pisɛn nyi ɓi rìwu ɗi à wughà

KÒLÒSYƐŊ 1:13

À kwèɗkà ɓìsi ɓi rìkpàn ɗi mɛtèɗ mɛ birìm, à ceesì ɓìsi ɓi kìlɔ̀ŋ ki Man wiì à ǹɗem,

TÈSÀLÒNÌSYƐŊ 1:10

ɓì ɓoŋɓòŋ lɛ Man wiì Yeesus, ànɛ à ghèmzìghày a ɓìloŋ, a sɛǹ yì aɗyoo, di a kweɗ ɓìsi ɓi rìbaŋì ɗi Bɛ̀ll ɗi ɗi riì.

TIMOTE 6:2

Fɔɔnnɛ ɓɛ̀kpàn ɓɛ ɓɛ̀masà ɓaa ɓɛ ri ɓɛ̀gherɛ̀n, ɓɛ ghɛɛ̀sɛɛ ɓi ki sɛɛtii ɓɛ̀masà ɓaa rì ǹkpaà lɛ ɓɛ ri ɓɛ̀geni ɓaa ɓɛ righerɛ̀n; kìɓan kifog ɓɛ ghɛɛ̀sɛɛ ɓɔ kì kìkii ɓisay à cee fɔlɔɔ ɓisuulɛ ɓɛ ri ɓɛ̀gherɛ̀n, rì tì lɛ ɓɛ̀geni ɓaa ɓɛ nɗem ɓɛɛ̀ɓɛ ɓɛɛ̀ kìki kisay fɔlɔɔ lɛ syeesyee.

EBIREEGH 2:12

yɛ̀ɛ à kpaaghà lɛ: Ǹɗì ɓiì ghagsii ɓɛgeni ɓɛ̀m ɗii ɗyɔɔ, ǹkemzì wɔ̀ ɓi nyìinyìm à ǹtaŋzɛ̀n.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.

EBIREEGH 3:14

Lɛ tì rì ɓum ɓɛ ɓɛɛ̀ kɛ̀ɛ̀kɛɛ nɗaŋ ri Kiris, di tì sììrɛɛ lɛ, ti ɓeŋ̀ ǹtyweeyi wu tì ɓaghà rì wɔ a rìtumɛ̀n.

1 PYƐƐRI 5:1

Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,

2 PYƐƐRI 1:16

Lɛ yɛ̀ɛ tì rèsìghà mìni kìɓan ki lɛ Kan wìs Yeesus Kiris à rì ɓiì sugtii yi, à ɓay rì ìtèɗ, tì ɓaàdɛ̀ngà ɓi ɓi mɛ̀kànkàn mɛ ɓum ɓɛ konaagh kì syaàgh, tì rèsìghà lɔŋ mini kìɓan kiǹ ɓisuulɛ ɓìsiìɓɔmiɗ tì ghɛngà rìgwey ɗii fɛlɛ rì mis mìs.

1 ZYAŊ 1:1

Tì kàni mìni kìɓan ki jɛ̀ɛ̀ ì cɛɓ ìnɛ ì ɓaghà, a rìtumɛ̀n ɗi ɓyom ɓìcèm; tì wokà yɔ̀ di yɛɛ̀ tòtòg, tì ghɛn yɔ̀ ri mis, tì sìŋì yɔ̀, tì ki kòm yɔ̀ ri ɓyàg ɓis.

1 ZYAŊ 1:5

Ɓɔlɛ ànɛ ɓìsii wokà rì nyi, innɛ ɓìsii ki ghagsii mìni; nnyɛɛ lɛ: Bɛ̀ll à rì kìtɛɛtɛn, birìm ì yin a lɔ̀ŋkii.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.