1 ZYAŊ 1:10 - Bafia Nouveau Testament

¹⁰ I tì ki kpaa lɛ tì kìghà ɓi kiɓe, di tì ghaasii nyi pwààpwaà, jɛ̀ɛ̀ yìì yɛ̀ kɛɛ̀ ki ɓa ɓisi ɓi mɛ̀rem.

1 ZYAŊ 1:10 ပူးပေါင်းရင်းမြစ်များ

ZYAŊ 3:33

I mum à ki teri rìrèsì ɗii, di à gherɛɛ yɛɛ lɔɔ lɛ Bɛ̀ll à ti à kpaaghì saaɗ.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

1 ZYAŊ 1:8

I tì kpaa lɛ, tì yin ɗi ɓìɓe, di tì pwààrɛɛ ɓìsiìɓɔmiɗ, saaɗ kɛ̀ɛ ki ɓa a lɔ̀ŋkis.

1 ZYAŊ 2:14

Ǹkàni mìni ɓɛ̀seŋi, ɓisuulɛ ɓì yii roànɛ à ɓaghà à tumɛ̀n a rìtumɛ̀n; ǹkàn mìni ɓɛ̀dɛlì ɓisuulɛ ɓì tèèsɛɛ, jɛ̀ɛ̀ ì Bɛ̀ll ì ɓa mìni ɓi mɛ̀rem, rì tì lɛ ɓì mɛ yag ghèghey à mum.

1 ZYAŊ 2:4

Ŋwaànɛ à kpaa lɛ, à mɛ yi Bɛ̀ll, kɛ̀ɛ ki ɓèŋ ɓidɔ̀gsɛna ɓii, à rì pwààpwaà, saaɗ kɛ̀ɛ ki ɓa a lɔ̀ŋkii.

1 ZYAŊ 4:4

Mìni ɓɔn ɓɛm, ɓì rì ɓɔn ɓɛ Bɛ̀ll, ɓì mɛ yag ɓumɓɛ̀n ɓisuulɛ, Nghay wu wu ri ɓi mìni wu teèsɛɛ wu cee wu wu ri ɓi ziinɛ.

1 ZYAŊ 5:10

Ŋwaànɛ à gherɛɛ Man à Bɛ̀ll à rì ɗì rìrèsì ɗiǹ ɓi nyimiɗ, wɔ̀lɛ ŋwaànɛ à gherɛɛ ɓi Bɛ̀ll, à teri Bɛ̀ll yɛ̀ɛ pwààpwaà ɓisuulɛ, à gherɛɛ ɓi saaɗ ànɛ Bɛ̀ll à rèsìghà ɓi kìɓan ki Man wiì.

2 ZYAŊ 1:2

lɛ saaɗ ànɛ à rì ɓi ɓìsi, ànɛ à ki rì ɓiì kɔ̀rii a lɔ̀ŋkis fiɗyàɓ fikɔ̀ɔ̀.