TÈSÀLÒNÌSYƐŊ 4:8 - Bafia Nouveau Testament

⁸ Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.

TÈSÀLÒNÌSYƐŊ 4:8 ပူးပေါင်းရင်းမြစ်များ

LUKAS 10:16

I mum à woogh mìni, di mɛ̀ nnɛ à woogh; ŋwaànɛ à ɓeni mìni di à ɓèni mɛ̀; wɔ̀lɛ i mum à ɓèni mɛ̀ di, à ɓèni girig roànɛ à romgày mɛ̀.

ZYAŊ 12:48

Nni ŋwaànɛ à ɓèni mɛ̀, kɛ̀ɛ ghàɓ ɓiɓan ɓyɛm̀, à rì rì ŋwaànɛ à ɓiì renì kìɓan kii. Ɓìɓan ɓi ǹkalìghà ɓyɛɛ ri ren kiɓan kii ɓi siitòn a ŋwos.

MƐ̀KÌKÌÌ MƐ ƁƐKƐ̀NÌ-FÌTOM 13:41

Mìni ɓɛ̀daŋàdaŋa, ghɛɛna di ɓi kuughrag, ɓì ki pɛ̀sɛn mɛ ɓi mis, ɓisuulɛ ǹɗì ɓiì kìi rikuu ɗi kiɓan ɗidɛŋ ɓi mɛ̀ru min ɗi ɓì ɓaghà ɓi lɛ ɓì gherɛ̀n lɛ, ɗi ri lɛ ɗi kilɛ̀n di ŋwaàdɛŋ yɛɛ kpaa mìni lɛ ɗyaa kìlɛɛ.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

1 KƆ̀RƐ̀ŊTYƐŊ 2:10

Ɓìsi ɓɛɛ̀ɓɛ Bɛ̀ll à mɛ rèsi ɗyomzɛ̀n ɗiǹ rì Ǹghay, ɓisuulɛ Ǹghay à ti à timgì ɓìɓan ɓìcèm, nsoò ɓɛ̀fèg ɓɛ Bɛ̀ll ɓɛ ɓɛ ri ɓɛ̀rimɛn lɛ kɔɔ̀kɔɔ̀.

1 KƆ̀RƐ̀ŊTYƐŊ 7:40

Nni wɔ̀lɛ ɓi rìghɛn ɗyɛ̀m, giɓ anɛ̀n à ɓiì ɓiisɛɛ ki ɓaà lɛ syeesyee, di à kɔ̀rii fɔ̀lɔ̀ɔ̀; nni mɛ̀ɛ nfèki lɛ ǹɗì girig rì Ǹghay à Bɛ̀ll.

2 KƆ̀RƐ̀ŊTYƐŊ 1:22

À rèmzìghà girig ɓìsi rì sìtam̀ wìì, à foŋ ɓìsi ɓìɗùn ɓi Nghay ɓi mɛ̀rem, ɓi ɓi resii lɛ, tì ɓiì terì ɓìrɔɔ ɓi à nyamgà ɓisu wis.

GÀLAT 4:6

Com ki ki resii lɛ ɓì ti ɓɔn ɓɛ Bɛ̀ll ki ri lɛ: Bɛ̀ll à romgày Ǹghay à Man wiì ɓi mɛ̀rem mis, Ǹghay ànɛ̀n yɛɛ̀ làalamɓɛ̀n jɛ̀ɛ̀ aɗyoo lɛ: Aba, yɛɛlɔɔ lɛ Tààta.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

2 PYƐƐRI 1:21

ɓisuulɛ ɓum ɓɛ ti kɛ̀ ɓɛɛ̀ kpaŋzi-ɓiɓan ɓi Bɛ̀ll ɓi rìkɔ̀n ɗyaa ɗi ɓɔmiɗ, kìɓan kifog ɓum ɓɛ toòghrɛ̀ngà ɓi ɗii ɗi Bɛ̀ll lɛ Kìtɛntɛ̀ɛ̀n ki Nghay ki tinìghà ɓɔ lɛ ɓɛɛ toòghrɛn.

1 ZYAŊ 3:24

Ŋwaànɛ à ti à ɓègì ɓìdɔ̀gsɛna ɓi Bɛ̀ll à rì lɔŋ nɗàrɛn ri Bɛ̀ll, Bɛ̀ll girig ǹɗàrɛn ri nyi. Com ki tì ti tì yilàg miì lɛ, Bɛ̀ll à rì a lɔ̀ŋkis kɛɛ̀kìn; tì ki ti tì yilàg fɔlɔɔ lɛ Kìtɛntɛ̀ɛ̀n ki Nghay ki à faghà ɓìsi.

ZYUUDƐ 1:8

Nsoò fɔlɔɔ ɓumɓɛ ɓɛ sɔlɛ̀ngà ɓɛǹ ɓɛɛ̀ kìki girig mɛ̀kuu mɛ ɓiɓan mɛǹ, lɛ ɓìtɛ̀ŋtɛ̀ŋ ɓyaa ɓi mɛyitì ɓi ti ɓi tinàg ɓɔ lɛ ɓɛɛ ki ɓìɓan ɓi tifin ri nyoo yàà, ɓɛ sɛɛtì kìlàmì ki Kan, ɓɛ ki feefengì ɓumɓɛ aɗyoo ɓɛ Bɛ̀ll à kemzìghà.