1 KƆ̀RƐ̀ŊTYƐŊ 9:8 - Bafia Nouveau Testament

⁸ Ɓìɓan ɓi ǹteri dàɗkì ɓiǹ miì ɓi yin ɓiì ghɛɛghɛnɛ̀n lɔŋ lɛ ɓi cɛɓ ki ɓum kɔrìkɔ, nsoò ɓìdɔ̀gsɛna ɓyɛɛ̀ rèresi girig fɔ̀lɔ̀ɔ̀.

1 KƆ̀RƐ̀ŊTYƐŊ 9:8 ပူးပေါင်းရင်းမြစ်များ

RÒMƐŊ 3:31

Kìɓan kiǹ ki resii nya yɛɛ lɔɔ lɛ tì pisii ìtèɗ wu ɓidɔ̀gsɛna lɛ rìgherɛ̀n? Èe èe, fɔlɔɔ a rì kɔm̀ lɛ tì sììraagh ɓìdɔ̀gsɛna.

RÒMƐŊ 3:5

Wɔ̀lɛ i ki ri lɛ rìɓa ɗis ɗi tì rì ɓìtɛ̀ŋtɛ̀ŋ ɓi ɓum ɗyɛɛ̀ rèresi ɓi kìtɛɛtɛn lɛ Bɛ̀ll à rì lɛ saaɗ, cɛ tì rì min lɛ tì kpaa? Ti kpaa nya lɛ Bɛ̀ll à rì ɗì kìtɛ̀ŋtɛ̀ŋ di à paàzii rì ɓìsi? Ǹkpaa fɔlɔɔ yɛ̀ɛ ɓum ɓɛ ti ɓɛ kpaaghì.

RÒMƐŊ 6:19

Ǹkpaa fɔlɔɔ yɛ̀ɛ ɓum ɓɛ ti ɓɛ kpaaghì ɓisuulɛ, ɓì rì rì ìɓwɛɗ ɓi nyoo; fɛlɛ yɛ̀ɛ ɓì càɗkà ɓìkàɓ ɓin ɓi nyoo lɛ ɓyɛɛ ɓa ɓɛ̀kpàn ɓi rìkì ɗi ɓiɓan ɓi tifin, rì kìɓùùsì, lɛ ɓi ghɛɓ cɛɓ ki ɓùùɓuu, fɔlɔɔ nnɛ càrina ɓyɔ ɓigomìnɛ lɛ ɓyɛɛ ɓa ɓɛ̀kpàn ɓɛ saaɗ di ɓi ghɛɓ cɛɓ ki ki ri kìtɛnɛn.

1 KƆ̀RƐ̀ŊTYƐŊ 14:34

ɓɛ̀yiɓ ɓɛ ghɛɛ̀sɛɛ kì maarɛɛ ɓi mɛ̀taŋzɛn lɛ ki ri ɓɔ kìrèghɛn lɛ ɓɛɛ toòghrag ɓi nyìinyìm à ǹtaŋzɛn; ɓɛ ghɛɛ̀sɛɛ lɔŋ lɛ ɓɛɛ ɓa rì mɛ̀wog yɛ̀ɛ ki ri girig kì kaliyɛn ɓi ɓìdɔ̀gsɛna.

1 KƆ̀RƐ̀ŊTYƐŊ 7:40

Nni wɔ̀lɛ ɓi rìghɛn ɗyɛ̀m, giɓ anɛ̀n à ɓiì ɓiisɛɛ ki ɓaà lɛ syeesyee, di à kɔ̀rii fɔ̀lɔ̀ɔ̀; nni mɛ̀ɛ nfèki lɛ ǹɗì girig rì Ǹghay à Bɛ̀ll.

GÀLAT 1:11

Ɓɛ̀geni ɓɛ̀m ǹkalii mìni lɛ, Syeesyee à Ɓɔlɛ ànɛ maà ghaàghàgsì à yin kiɓan ki mum à zɛy yɛɛ syaagh,

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

TÈSÀLÒNÌSYƐŊ 4:8

Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.