1 KƆ̀RƐ̀ŊTYƐŊ 9:22 - Bafia Nouveau Testament

²² Mɛ̀ kɔ̀kɔg ɓi nyìinyìm à ɓumɓɛ ɓɛ ri kɛ̀ɛ̀ ìtèɗ lɛ di nsyoŋ ɓɔ, fɔɔnnɛ ǹghaasìghà mɛ̀ɛmiɗ rikuu ɗi com ɗìcèm ɓi ɓɛg ànɛ a ɓum ɓɛ̀cèm, lɛ nsoò kaa ɓaa la, nsyoŋ gàɓ ìdɛŋ ìnɛ ɓi ɓɔ.

1 KƆ̀RƐ̀ŊTYƐŊ 9:22 ပူးပေါင်းရင်းမြစ်များ

RÒMƐŊ 11:14

Lɛ i bee yàa rì lɛ ì ɓa, ǹkì lɛ ɓumɓɛ ɓi kìlɔ̀ŋ kɛm̀ ɓɛɛ wog yɔ̀ɔ̀tì, di gàɓ ìdɛŋ yɛ̀ɛ ghɛ̀ɓ.

RÒMƐŊ 14:1

Ghàɓkiina ŋwaànɛ à rì lɛ kpɔ̀gkpɔ̀g ɓi rìgherɛ̀n, kɛ̀ ɓi nyolɛn ri nyi ɓi mom̀zɛ̀n mɛ à rì rì mɔ ɓi kìɓan ki righerɛ̀n.

RÒMƐŊ 14:2

Rìgherɛ̀n ɗi ŋwaàdɛŋ ɗi ri lɛ ɗi tinì nyi lɛ a ɗiɗi ɓyom ɓìcèm kɔlɛ ŋwaàmbog ànɛ rìgherɛ̀n ɗii ɗi teèsɛɛ ɓi, nyii ɗiɗì lɔŋ lɛ ɓìnyàa.

RÒMƐŊ 15:1

Ɓìsi ɓɛ tì rì rì ìtèɗ ɓi rìgherɛ̀n tì ghɛ̀ɛ̀sɛɛ kì ghɛɓsii ɓɛroɓɛ ɓɛ ri kɛ̀ɛ̀ ìtèɗ, lɛ ɓɛ̀ kɛɛ̀ càrɛn ɓi-ɓwɛɗ waa; tyɛ̀ ki kaa lɛ ti ki ɓìɓan ɓi ɓyɛɛ puɓsi ɓìsi nɗem.

RÒMƐŊ 15:2

Mum ǹcèm ànɛ ɓi ɓìsi à ghɛ̀ɛ̀sɛɛ kì puɓsii geni nɗem ɓi kìɓan ki ki rɔɔtɛɛ, lɛ a siìrag nyi ɓi rìgherɛ̀n.

1 KƆ̀RƐ̀ŊTYƐŊ 10:33

Fɛlɛ yɛ̀ɛ mɛ̀ɛ ntèeteèsì nyoo lɛ mpuɓsi ɓum ɓɛ̀cèm mɛ̀rem ɓi ɓìɓan ɓicèm; mɛ̀ ǹ-yin ɓiì kaakaa kirɔɔ kɛ̀m ki mɛ̀ɛmiɗ, nkaakaa lɔŋ kirɔɔ ki ɓum lɛɛ̀gwey lɛ di ɓɛɛ ghɛǹ cɛɓ.

1 KƆ̀RƐ̀ŊTYƐŊ 7:16

Wɔ̀ kìristɛ̀n a giɓ ù yii la nkòo wɔ̀ yɛɛ ghɛɓsii gɛ yii wɔɔ, nsoò lɛ wɔ̀ baŋì ìnɛ ì rì kìristɛ̀n, ù yii la nkòo wɔ̀ yɛɛ ghɛɓsii gɛ giɓ wɔɔ̀?

1 KƆ̀RƐ̀ŊTYƐŊ 8:13

Ɓisu wìn innɛ, i ɓìɗilàg ɓidɛŋ ɓi ri lɛ ɓi kɛɓtì geni wɛ̀m fìɓàg, m̀ɓàŋ kì cèlii ɓyɛn ìsuùcèm yɛɛ ri, à cee lɛ nkɛɓti geni wɛ̀m fìɓàg.

1 KƆ̀RƐ̀ŊTYƐŊ 9:19

Ǹ-yin ǹkpàn a mum nsoò bog, kìɓan kifog, ǹghaasìghà mɛ̀ɛmiɗ ǹkpàn a ɓum ɓɛ̀cèm, lɛ di nsyoŋ kìgwey ki ɓi ɓɔ.

1 KƆ̀RƐ̀ŊTYƐŊ 9:23

Nkìki ɓìɓan ɓiǹ ɓìcèm ɓisuu Syeesyee à Ɓɔlɛ, lɛ di mɓa miì rì gàɓ.

2 KƆ̀RƐ̀ŊTYƐŊ 11:29

I ŋwaàdɛŋ à rì kɛ̀ɛ̀ ìtèɗ, ǹghɛnɛ̀n mɛ̀ɛmiɗ kɛ̀ɛ̀ ìtèɗ, i ŋwaàdɛŋ à kpìi ɓi kìɓe ɓiɗùm, kìɓan kiǹ ki fa mɛ̀ coo rikɛŋ lɛɛ̀gwey ɓi nɗem.

GÀLAT 6:1

Ɓɔɔsoŋ̀, i ɓì sììdii mum di à rì ɓi rìnàn ɗiɗɛŋ, mìniɓɛ ɓì rì rì Kìtɛntɛ̀ɛ̀n ki Nghay, pɛ̀ɛ̀ziina nyi kì rɛsii ɓi syeesyee à bee rì nɗem wu tɛ̀tɛ̀rɛ̀ɛ̀. Ù konàg rì wɛ̀ɛmiɗ lɛ kɔ̀ɔ kɛ̀ɓtɛn girig fìɓàg.