1 KƆ̀RƐ̀ŊTYƐŊ 9:16 - Bafia Nouveau Testament

¹⁶ Ɓisuulɛ, rìghagsì ɗi Syeesyee à Ɓɔlɛ ɗi yin mɛ kìɓan ki teterɛn rikem, ɗi ri mɛ̀ syeesyee à kìɓan anɛ à ghɛ̀ɛ̀sɛɛ kì kìlɛɛ, ànɛ ǹɗì ǹtiniyɛn lɛ nki. Nyìinyìg rì mɛ̀ di ǹghagsii ɓi Syeesyee à Ɓɔlɛ.

1 KƆ̀RƐ̀ŊTYƐŊ 9:16 ပူးပေါင်းရင်းမြစ်များ

MATYOO 25:16

Nni ǹkìì-kìsay ànɛ ɓɛ faghà tìraŋ̀ titaǹ à ghàskà kì tumɛɛ dùne rì tyɔ à fɔ̀n tìraŋ̀ tidɛŋ titaǹ.

LUKAS 9:62

Yeesus à ɓàg nyi lɛ: Ŋwaànɛ à rì lɛ, i à ɓeegh kìɓan, à tumɛn kɔ, wɔ̀lɛ kɛ̀ɛ kì kɔ lɛ, a fèfeg ɓiɓan ɓidɛŋ ɓi nyi ajɛ̀m, à ghɛ̀ɛ̀sɛɛ ɓi ri kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 4:20

Lɛ ɓìsii yin lɛ tì rɔ̀ɓ lɛ tì kpaa ɓi kiɓan ki ti ghɛngà, tì ki wog.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

MƐ̀KÌKÌÌ MƐ ƁƐKƐ̀NÌ-FÌTOM 9:6

Pɛ̀sɛn aɗyoo, u ɗiŋi ɓi bàn, wɔɔnnɛ ɓɛ ri wɔ̀ ɓiì kpaà com ki ù ghɛ̀ɛ̀sɛɛ kì kìi.

RÒMƐŊ 1:14

Ɓisuulɛ ǹɗì rì ǹtɛ̀g wulɛ nkɛǹ a ɓum ɓɛ̀cèm, a ɓɛ̀roɓɛ ɓɛ yii cɛɓ rì a ɓɛ̀roɓɛ ɓɛ ka yi ɓi cɛɓ, a ɓɛ̀yiì-ɓìɓan, rì a ɓumɓɛ ɓɛ yii ɓi com.

RÒMƐŊ 15:17

Ǹɗì min lɛ ǹsanɛ̀n kìsay ki nkìki Bɛ̀ll ɓi Yeesus ɓi ɗùm.

RÒMƐŊ 4:2

I Bɛ̀ll à ghɛngà lɛ Abiraham à rì saaɗ à mum ɓi mɛ̀kìkì mii, di à rì lɛ à saàsànɛ̀n; kìɓan kifog, kɛ̀ɛ sanɛn ɓi mis mɛ Bɛ̀ll.

1 KƆ̀RƐ̀ŊTYƐŊ 4:15

Ɓisuulɛ nsoò ɓyàa rì rì ɓɛ̀rèsàg ɓɛ̀tɔɔsìm ǹtɛ̀ɗ ɓi cɛɓ ki ɓi ghɛghɛɓ ɓi Kiris ɓi ɗùm, ɓì yin lɛ ɓì ɓa rì ɓɛ̀seŋi kìtuu, lɛ mɛ̀ yɛɛ yali mìni ɓi Yeesus Kiris ɓi ɗùm, rì Syeesyee à Ɓɔlɛ ànɛ ǹghagsìghà mìni.

1 KƆ̀RƐ̀ŊTYƐŊ 9:12

I ɓum ɓɛdɛŋ ɓɛ ri rì ìtèɗ wulɛ ɓɛ ɓoŋɓòŋ ɓìrɔɔ ɓidɛŋ a lɔ̀ŋkin, ɓìsi yaa ghɛ̀ɛ̀sɛɛ lɛ ti ɓiìsɛn kìkìi fɔlɔɔ, kìɓan kifog, ɓìsii tɔkà ɓi kiɓan ki tì ɓaghà rì ìtèɗ wulɛ ti tɔg; ɓìsiì ceecenɛ̀n lɔŋ mɛtɔɓ mɛ̀cèm lɛ tyɛ̀ ki naŋ kiɓan kidɛŋ ki ki ri lɛ ki nyug Syeesyee à Ɓɔlɛ à Kiris.

1 KƆ̀RƐ̀ŊTYƐŊ 9:14

Fɔlɔɔ nnɛ Kan à rèɓsìghà girig ɓumɓɛ ɓɛɛ̀ ghaaghagsì Syeesyee à Ɓɔlɛ lɛ ɓɛ ghɛɛ̀sɛɛ kì ghɛɓì ɓi Syeesyee à Ɓɔlɛ ànɛ̀n.

2 KƆ̀RƐ̀ŊTYƐŊ 2:12

Yɛ̀ɛ ǹkpagà a Tirowas lɛ nghagsi Syeesyee à Ɓɔlɛ à Kiris wɔɔ, ki soo ɓaghà lɛ Kan à nɛmgà mɛ̀ bee lɛ syeesyee lɛ nki kìsay kiǹ wɔɔ.

KÒLÒSYƐŊ 4:17

Kaliina Arisip lɛ: Ù konàg rì kìsay ki Kan à faghà wɔ̀, tèèsi nyoo lɛ u konag kɔ kì kìi.