1 KƆ̀RƐ̀ŊTYƐŊ 9:1 - Bafia Nouveau Testament

¹ Mɛ̀ɛ nfèki nya lɛ ǹɗì rì ìtèɗ wulɛ ǹkì com ki ǹkɔ̀ni? Nfèki nya lɛ ǹɗì ǹkɛ̀nì-fìtom a Yeesus? Mɛ̀ɛ nti nya lɛ ǹghɛngà Yeesus Kan wìs? Àa mìni yɛɛ ri kìsay kɛm̀ ɓi Kan ɓi ɗùm?

1 KƆ̀RƐ̀ŊTYƐŊ 9:1 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 14:14

Yɛ̀ɛ ɓɛ̀kɛ̀nì-fìtom ɓɛ lɛ, rì Pol rì Ɓarinaɓas ɓɛ ghɛngà fɔlɔɔ, nni ɓɛ ghaskàkà ɓìlàà ɓyaa ɓɛ tɔy ɓi gwìy di ɓɛɛ̀ kpaakpaa jɛ̀ɛ̀ aɗyoo lɛ:

MƐ̀KÌKÌÌ MƐ ƁƐKƐ̀NÌ-FÌTOM 14:4

Fɔɔnnɛ ɓumɓɛ ɓi bàn ìnɛn ɓɛ lanɛ̀ngà gàɓ yiɓɛɛ̀ lɛ, ɓɛ̀roɓɛ ɓɛ sug jɛ̀m ɗì Ɓɛ̀yudɛ̀n, ɓɛmbog ɓɛ sug jɛ̀m ɗi ɓɛ̀kɛ̀nì-fìtom ɓɛ Yeesus.

MƐ̀KÌKÌÌ MƐ ƁƐKƐ̀NÌ-FÌTOM 23:11

Yɛ̀ɛ ìru wu fingà, Kan à rèsɛ̀n Pol à kpaa nyi lɛ: Pol, kɔ̀ɔ càrɛn! Lɔŋ yɛ̀ɛ wɔ̀ɔ ǹlòmi kìtɛɛtɛn ɓi kìɓan ki ki seesee mɛ̀ a Yorisalɛm, nnɛ ù ghɛ̀ɛ̀sɛɛ tì kì lòmì aà Rom.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

MƐ̀KÌKÌÌ MƐ ƁƐKƐ̀NÌ-FÌTOM 9:17

Fɔɔnnɛ Ananyas à kɛ̀ngà min wɔɔ; nni yɛɛ̀ à ɗiŋìghà ɓi naa ìnɛ Sol à ɓaghà miì, à saagh nyi ɓyàg ɓi nyoo a ki kpaa nyi lɛ: Geni wɛ̀m Sol, Kan Yeesus ànɛ àa ǹɗèsɛɛ yì wɔ̀ ɓi bee di u yùyuiy fɛ, yɛɛ romiì mɛ̀ a lɔ̀ŋkɔɔ, lɛ mɛ̀ nsaagh wɔ̀ ɓyàg ɓi nyoo di wɔ̀ɔ ghɛnɛn tì, ù ki ɓa nɗonɛn ɗi Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 9:3

Yɛ̀ɛ à kɛ̀nkɛni a Damas, di à ti ɓiì wuuwuɓsɛ̀n bàn, nni à sìgmɛ̀ngà di kìtɛɛtɛn ki mɛ làn yi ɗyoo lɛ ŋwààɗ, ki ceŋzɛ̀n nyi.

MƐ̀KÌKÌÌ MƐ ƁƐKƐ̀NÌ-FÌTOM 9:5

Sol à tɔg lɛ: Kan, wɔ̀ ghɛn wɔ̀ yɛɛ ri? Jɛ̀ɛ̀ ì pɛ̀ɛ̀zì nyi lɛ: Mɛ̀ yɛɛ ri Yeesus ànɛ u tɔtɔ̀ɓ ki ri wɔ̀ ɓiì ɓaà ǹtɔɓ lɛ u ki ti ǹtoòtèɗ di mɛ̀kɔ̀ŋ mɛɛ̀ roorogì wɔ̀. Nni Sol à risìghà, à tumɛ̀n rìnììghnìŋdɛ̀n à kpaa lɛ: Kan nni wɔ̀ɔ kɔ̀ngi lɛ nki la? Kan à ɓàg min nyi lɛ:

RÒMƐŊ 1:1

Pol, ǹkìì-kìsay a Yeesus Kiris, ànɛ Bɛ̀ll à reŋìghà lɛ a ɓa ǹkɛ̀nì-fìtom a Yeesus, à ki ɓa ti nɗɛsiyɛn dɛgà ɓi rìghagsì ɗi Syeesyee à Ɓɔlɛ à Bɛ̀ll.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 11:13

Mɛ̀ ǹkalii mìni ɓɛ ɓi yin Ɓɛ̀yudɛ̀n lɛ, ǹɗì ǹkɛ̀nì-fìtom a Yeesus ànɛ à rì ɓisuu ɓumɓɛ ɓɛ yin Ɓɛ̀yudɛ̀n, nni ɓi rìɓa ɗyɛ̀m ɗiǹ, mɛ̀ɛ nnyàanyaàrɛ̀n rì kìsay ki ki falɛ̀ngà kiǹ a lɔ̀ŋkɛm̀.

1 KƆ̀RƐ̀ŊTYƐŊ 1:1

Mɛ̀ Pol ànɛ ǹɗì ǹɗeŋiyɛn lɛ mɓa ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì Sostɛn à geni wìs.

1 KƆ̀RƐ̀ŊTYƐŊ 10:29

Kìɓan ki nkpaakpaa ki, ki seesee ɓi nɗem win wu righerɛ̀n wɔmiɗ, ki ri ɓisuu nɗem wu righerɛ̀n wu ŋwaànɛ̀n. Nni ɓisuucɛ nnɛ rìɓa ɗyɛ̀m ɗi ǹɗì rì ìtèɗ wu kìyɛn com kìcèm ki ǹkɔ̀ni ɗi ri lɛ ɗi ɓa rì mɛ̀rèè lɛ nɗem wu righerɛ̀n wu ŋwaàdɛŋ?

1 KƆ̀RƐ̀ŊTYƐŊ 10:30

I mɛ̀ ǹfaa Bɛ̀ll ɓìtògsɛ̀n ɓisuu com ki nɗiɗì, ɓisuucɛ nnɛ ɓɛ ri lɛ ɓɛ totòg mɛ̀ kìɓe ɓi ɓìɗilàg ɓi m̀mɛ fa Bɛ̀ll ɓìtògsɛ̀n miì?

1 KƆ̀RƐ̀ŊTYƐŊ 11:16

Wɔ̀lɛ i mum à kɔ̀ni ɓi lɛ a nyolɛn ɓi kìɓan kiǹ, à ghɛ̀ɛ̀sɛɛ kì yiì lɛ ɓìsii yin ɗi kìsyɔ̀ɔ̀ kiǹ, nsoò ɓìseŋi ɓi Bɛ̀ll ɓi yin girig rì kɔ.

1 KƆ̀RƐ̀ŊTYƐŊ 3:6

Mɛ̀ m̀ɓɛ̀là boo ì ɓyom, Apolos à yù kì tùɓii, kìɓan kifog Bɛ̀ll yɛɛ kighà lɛ ɓyom ɓyɛɛ roò.

1 KƆ̀RƐ̀ŊTYƐŊ 9:19

Ǹ-yin ǹkpàn a mum nsoò bog, kìɓan kifog, ǹghaasìghà mɛ̀ɛmiɗ ǹkpàn a ɓum ɓɛ̀cèm, lɛ di nsyoŋ kìgwey ki ɓi ɓɔ.

2 KƆ̀RƐ̀ŊTYƐŊ 10:7

Ghɛngiina ɓìɓan lɔŋ yɛ̀ɛ ɓi ri; i ŋwaàdɛŋ à konaagh kì yii rì nɗem wii wucèm lɛ, à rì mum à Kiris, à ghɛ̀ɛ̀sɛɛ kì yitii ɓi nɗem wii lɛ, ɓìsi girig tì rì ɓum ɓɛ Kiris lɔŋ yɛ̀ɛ nyi.

2 KƆ̀RƐ̀ŊTYƐŊ 11:5

Mɛ̀ɛ nfèfeg lɛ ɓum ɓin ɓɛ ɓi seesee lɛ ɓɔ yɛɛ ri ɓyoo ɓɛkɛ̀nì-fìtom ɓɛ cee ɓi mɛ ɓi com kidɛŋ nsoò lɛsàg.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

GÀLAT 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris, àa lɛ rìkɔ̀n ɗi ɓum, nsoò lɛ rìkì ɗi bimiɗ à mum, ǹɗì lɔŋ fɔlɔɔ lɛ Yeesus Kiris, rì Bɛ̀ll Seŋi ànɛ à ghèmzìghà nyi a ɓìloŋ, mɛ̀ yɛɛ kaniì kaàtà ànɛ,

GÀLAT 5:1

Kiris à kwèɗkà ɓìsi lɛ ti ɓa ɓɛ̀kan; nni kɛ̀ ɓi foŋɗɛn ti mìniìɓɔmiɗ ɓi kìɓèg lɛ ɓi sugti ɓi rìkpàn.

TÈSÀLÒNÌSYƐŊ 2:6

Tì kaaghà ɓi lɛ ɓum ɓɛɛ kemzi ɓisi, nsoò a lɔ̀ŋkin, nsoò a ɓum ɓɛm̀bog, kɔlɛ tì ɓaghà lɛ tì làmì mìni ɓi-tèɗ ɓi ɗii ɗi lɛ ɓɛ̀kɛ̀nì-fìtom ɓɛ Kiris.

TIMOTE 2:7

Kìɓan kiǹ kɛɛ̀ki ɓɛ rɛsìghà mɛ̀ miì lɛ mɓa ǹghagsì-ɓɔlɛ rì ǹkɛ̀nì-fìtom anɛ miì. Nkpaakpaa saaɗ, m̀pwàa ɓi, ǹɗì ǹɗèsàg à ɓumɓɛ ɓɛ yin Ɓɛ̀yudɛ̀n, ànɛ a rèresi ɓɔ rìgherɛ̀n, rì saaɗ.

2 TIMOTE 1:11

Syeesyee à Ɓɔlɛ ànɛ̀n innɛ ɓɛ rɛsìghà mɛ̀ lɛ nlaàlamɓɛ̀n m̀ɓa ǹkɛ̀nì-fìtom rì ǹɗèsàg ànɛ miì.