1 KƆ̀RƐ̀ŊTYƐŊ 8:12 - Bafia Nouveau Testament

¹² I ɓì sɛ̀rii kì kìi fɔlɔɔ ri ɓɛ̀geni ɓin ɓɛ ɓi rìgherɛ̀n cààmɛ̀n ki ɓì yɛɛsii mɛ̀rem maa mɛ mɛ ri kɛ̀ɛ̀ ìtèɗ, di Kiris nyimiɗ innɛ ɓì kìi kìɓe.

1 KƆ̀RƐ̀ŊTYƐŊ 8:12 ပူးပေါင်းရင်းမြစ်များ

MATYOO 18:10

Kɔ̀riina ɗyomzɛ̀n lɛ kɛ̀ ɓi sɛɛti kibog ki ɓi ɓɔɓti ɓɛ. Lɛ ǹkalii mìni lɛ, ɓum ɓɛ titom ɓaa ɓɛ rɛrɛlii cààmɛ̀n kìcèm ɓi mis mɛ Seŋi wɛ̀m ànɛ à rì aɗyòò.

MATYOO 18:21

Nni Pyɛɛri à tyòŋdɛ̀ngà Yeesus a nyoo, à tɔg nyi lɛ: Kan ǹghɛ̀ɛ̀sɛɛ kì cenɛɛ geni wɛ̀m di à kìi mɛ̀ kìɓe gɛ̀n yaŋ? Ǹɗì lɛ ǹcenɛ̀n nyi lɔŋ gɛ̀n taàɓɛ̀ɛ̀?

MATYOO 18:6

Kìɓan kifog, ì ŋwaà kɛ̀ɓtii kìbog ki ɓi ɓɔɔ ɓɔɓti ɓɛ ɓɛ gherɛɛ mɛ̀ ɓɛ fìɓàg, ki ɓa tì kìrɔɔ ɓisu wii lɛ, ɓɛɛ kaŋ̀ nyi coo gɔ̀g ì kìpɛn ɓi kìmììgh, ɓɛɛ ɓimzi nyi ɓi rìɓày.

MATYOO 25:40

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

MATYOO 25:45

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓi ɓèngà kì kìi kibog ki ɓi ɓɔɔɓɔɓti ɓɛ fɔlɔɔ, mɛ̀ nnɛ ɓì ɓèngà kì kìi lɔɔ.

MARIKUS 9:42

Wɔ̀lɛ i mum à kɛ̀ɓtii kìbog ki ɓi ɓɔɔɓɔɓti ɓɛ ɓɛ gherɛɛ mɛ̀ ɓɛ fiɓàg, ki ɓa tì kìrɔɔ lɛ ɓɛɛ suŋ nyi coo gɔ̀g ì kìpɛn ɓi kìmììgh, di ɓɛɛ pig nyi ɓi rìɓày à kìkòn.

LUKAS 17:2

Ki ri kìrɔɔ ɓisu wii lɛ ɓɛɛ kaŋ̀ nyi coo gɔ̀g ì kìpɛn ɓi kìmììgh, di ɓɛɛ pig nyi ɓi rìɓày à kìkòn à cee ɗi lɛ a kɛɓti kìbog ki ɓi ɓɔɓti ɓɛ fìɓàg.

RÒMƐŊ 14:20

Kɔ̀ɔ yogsi kisay ki Bɛ̀ll lɛ kìɓan ki ɓiɗilàg. Ki ri lɔŋ saaɗ lɛ ɓìɗilàg ɓìcèm ɓi ri kɛ̀ɛ̀ kìsyeg, wɔ̀lɛ ki ɓeɓtɛɛ lɛ mum a ɗi com di kìɓan kiǹ ki ri lɛ ki kɛɓtì ɓum ɓɛdɛŋ fìɓàg.

1 KƆ̀RƐ̀ŊTYƐŊ 12:12

Ɓisuulɛ nyoo ì mum ì rì lɔŋ bog, wɔ̀lɛ ì teghɛ̀n ɓìkàɓ; kìɓan kifog, nsoò yɛ̀ɛ ɓìkàɓ ɓiǹ ɓìcèm ɓi teghɛɛ bàlì, ɓyɛɛ toŋi lɔŋ mbobog à nyoo, fɔlɔɔ nnɛ Kiris à rì girig.