1 KƆ̀RƐ̀ŊTYƐŊ 8:1 - Bafia Nouveau Testament

¹ Ɓi ɓɛg ànɛ a ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓìsiìcèm tì yii lɛ, tì rì rì ɓìɓan ɓi tì konaagh kì yiì, nni rìyi ɗi ti ɗi falàg mum ǹcàŋà wɔ̀lɛ ǹkɔ̀nɛ̀n à falàg ìtèɗ ɓi rìgherɛ̀n.

1 KƆ̀RƐ̀ŊTYƐŊ 8:1 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 15:10

Nni lannɛ ɓi kɔ̀nkɔn lɛ ɓi feèghrɛn Bɛ̀ll, yɛ̀ɛ ɓi kìki lɛ ɓi tɛgsi ɓɛ̀yilàg ǹtɛ̀g wu wu kighà lɛ, wu yag ɓɛ̀seŋi ɓis, wu ki yag ti ɓisi rìtɛ̀g?

MƐ̀KÌKÌÌ MƐ ƁƐKƐ̀NÌ-FÌTOM 15:29

Kɛ̀ ɓi ɗi ɓyɛn ɓi nyàm ìnɛ ɓɛ woli ɓi rìɓɔgsì ɗi ɓinùn, rì bwaɓ, rì ɓyɛn ɓi nyàm ìnɛ ì wii lɛ swììɗ, kɛ̀ ɓi kì tisɔ̀mɔ̀g, i ɓì lɛɛgh ɓìɓan ɓiǹ, di ɓì konaagh, ÒO òona yàà!

MƐ̀KÌKÌÌ MƐ ƁƐKƐ̀NÌ-FÌTOM 21:25

Ɓi ɓɛg ànɛ a ɓum ɓɛ zɛy ɓɛ ɓɛ ti ɓɛ̀gherɛ̀n, tì kàngà ɓɔ ɓìɓan ɓi tì rengà lɛ, ɓɛɛ celi ɓyɛn ɓi nyàm ìnɛ ɓɛ woli ɓi rìɓɔgsì ɗi ɓinùn ɓi zɛy rì zɛy, ɓɛ celì tì bwaɓ yi nyàm ìnɛ ì wii lɛ swììɗ, rì tìsɔ̀mɔ̀g.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 12:16

Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.

RÒMƐŊ 14:10

Nni wɔ̀ɔ yɔmgi goni ɓisuucɛ? Nsoò lɛ wɔ̀ɔ sɛɛtag goni lɛ la? Ɓìsi ɓɛ̀sɛ̀ɛ̀ ɓɛ̀cèm tì rì ɓiì rɛlii ɓɛyɔ̀m ɓi kìkpana ki ɓɛyɔ̀m ki Bɛ̀ll.

RÒMƐŊ 14:14

Mɛ̀ ǹ-yii kɔɔ̀kɔɔ̀ à rìyi lɛ ɓi Yeesus Kiris com kidɛŋ ki yin ɗi kìsyeg ɓi kɔmiɗ, wɔ̀lɛ i ŋwaà ghɛɛ lɛ com kidɛŋ ki ri rì kìsyeg, com kìn ki ghay lɛ ki ti rì kìsyeg ɓisu wìì.

RÒMƐŊ 14:19

Fɔlɔɔ nnɛ tì ghɛ̀ɛ̀sɛɛ min kikaà lɛ ti ki ɓìɓan ɓi ɓyɛɛ̀ kìki lɛ fyòoog a ɓa, ɓi ki fa ti ɓisi ɓɛ̀sɛ̀ɛ̀ ɓɛ̀cèm ìtèɗ ɓi rìgherɛ̀n.

RÒMƐŊ 14:22

Fèg ànɛ rìgherɛ̀n ɗyɔɔ ɗi faa wɔ̀ ɓi kìɓan kiǹ, ɓeŋa nyi ɓisu wɔɔ, ɓi mis mɛ Bɛ̀ll. Mààgh rì ŋwaànɛ à ti kɛ̀ɛ̀ falɛn nyimiɗ zɔɔ ɓi cààmɛ̀n ki à teri ǹɗɛli lɛ a ki kìɓan.

RÒMƐŊ 14:3

Fɔɔnnɛ ŋwaànɛ a ɗiɗi ɓyom ɓìcèm à ghɛ̀ɛ̀sɛɛ ɓi lɛ à sɛɛtì roànɛ à yin ɓiì ɗiɗii, roànɛ à ki yin ɓiì ɗiɗii ɓyom lɛ ɓus ɓùs ɓus à ghɛ̀ɛ̀sɛɛ ɓi lɛ à sɛɛtì ŋwaànɛ a ɗiɗi ɓyom ɓìcèm ɓisuulɛ Bɛ̀ll à ghàɓkà ŋwaànɛ a ɗiɗi ɓyom ànɛ̀n.

RÒMƐŊ 15:14

Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

1 KƆ̀RƐ̀ŊTYƐŊ 1:5

Rì tì lɛ ɓi Kiris, ɓì mɛ teɗ ɓɛmààgh ɓɛ̀cèm, à ɓiisɛ̀n ɓɛ ɓɛ seesee kìtòkì, rì rìyi ɗi ɓiɓan.

1 KƆ̀RƐ̀ŊTYƐŊ 10:15

Ntòtog ri mìni yɛ̀ɛ ɓum ɓɛ ɗyomzɛ̀n, mìniìɓɔmiɗ fiɓiina ɓìɓan ɓi nkpaakpàà.

1 KƆ̀RƐ̀ŊTYƐŊ 10:28

Kìɓan kifog, i ŋwaà kpaa mìni lɛ, ɓyom ɓi, ɓi ri ɓyom ɓi ɓɛ nfùnɛɛ ɓi ɓìnùn, ɓì ghɛ̀ɛ̀sɛɛ ɓi ɓyɔ kì ɗiì, lɛ kɛ̀ ɓi kɛ̀ɓti ŋwaànɛ àa kalii mìni fɔlɔɔ fiɓàg rì tì lɛ, nɗem wɛ̀ kɛɛ̀ fa mini bɛ̀lɛn.

1 KƆ̀RƐ̀ŊTYƐŊ 14:20

Ɓɔɔsoŋ̀, kɛ̀ ɓi ɓa yɛ̀ɛ ɓɔɓti ɓi rìfifìɓì ɗi ɓiɓan, wɔ̀lɛ ɓi kìɓe nnɛ ɓì ghɛ̀ɛ̀sɛɛ kì ɓaà yɛ̀ɛ ɓɔɓti; ɓì rìfifìɓì ɗi ɓiɓan, ɓì ɓa ɓɛ̀sɛ̀ɛ̀mɛn.

1 KƆ̀RƐ̀ŊTYƐŊ 15:34

Sugtiina ɓi mìniìɓɔmiɗ yɛ̀ɛ ki ghɛɛ̀sɛɛ kɛ̀ ɓi kì kiɓe. Ɓisuulɛ ɓum ɓɛdɛŋ ɓɛ ɓi nyìinyìm wìn ɓɛ yii ɓi Bɛ̀ll; kìɓan ki ǹkpaa kìn ki ri ǹtoòrìɗ ɓi ɓɛg wìn.

1 KƆ̀RƐ̀ŊTYƐŊ 4:10

Tì rì ɓɛ̀ghalɛn ɓiyèg lɛ Kiris, wɔ̀lɛ mìnii ri rì ɗyomzɛ̀n ɓi Kiris ɓi ɗùm; ɓìsii ri ɓɛ̀kɔ̀kɔg, mìni ɓɛ̀tèteɗ; ɓum ɓɛ nyaànyààsì mìni, wɔ̀lɛ ɓɛ sɛɛ̀sɛ̀ɛ̀tì ɓìsi.

1 KƆ̀RƐ̀ŊTYƐŊ 4:18

Ɓum ɓɛdɛŋ ɓɛ ɓi nyìinyìm wìn ɓɛ ntumɛɛ rìkìkì ɗi ɓidaŋà rì fèg ànɛ lɛ màa kpaŋdi ɓi a lɔ̀ŋkin.

1 KƆ̀RƐ̀ŊTYƐŊ 4:6

Ɓɔɔsoŋ̀, ɓisu win nnɛ màa teri dàɗkì yiǹ lɛ rì ɓi Apolos rì ɓi mɛ̀ɛmiɗ, lɛ i ɓì nɔ̀ɔ̀tii kìrèmzɛnà kis, fɔɔnnɛ ɓì ɓiì yilaagh yɛ̀ɛ ɓì rì lɛ ɓì rɔ̀ɓ kɛ̀ ɓi ceesi nɗèè wu ɓiɓan ɓi ɓi ri ɓìkànɛn, kɛ̀ ɓi faafàlɛ̀n mìniìɓɔmiɗ rikem lɛ ɓìi nsuugh ɓi jɛ̀m ì tɛɛnɛ à tɛɛnɛ, ɓì sɛɛtì tɛɛnɛ àmbog.

1 KƆ̀RƐ̀ŊTYƐŊ 5:2

Ɓìdaŋà ɓyɛɛ̀ɓi ɓì kìkì, kɛ̀ ɓi waatɛn ɓilɛ̀ɓì lɛ di ɓɛɛ pisi ŋwaànɛ àa nkìi kìɓan kiǹ ɓi nyìinyìm wìn.

1 KƆ̀RƐ̀ŊTYƐŊ 5:6

Ɓi kìki ɓidaŋà ɓi zɛy! ɓì yii ɓi lɛ maa nwìɗ lɛsàg à ti à ɓɔgsàg ǹkùŋ wu ɓɛ tɔɓi?

1 KƆ̀RƐ̀ŊTYƐŊ 8:2

I mum a fèfeg lɛ à yii com, ŋwaànɛ̀n à ka konag ɓi ki yiì yɛ̀ɛ ki ghɛɛ̀sɛɛ.

1 KƆ̀RƐ̀ŊTYƐŊ 8:4

Nni ɓi ntɔɔ̀tɔɔgh wu lɛ ŋwaà rì nya lɛ à ɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn, ɓìsii yii lɛ kìnùn ki yin ɓi ziinɛ nsoò kìfog; Bɛ̀ll à rì lɔŋ bog.

1 KƆ̀RƐ̀ŊTYƐŊ 8:7

Wɔ̀lɛ àa ɓum ɓɛ̀cèm ɓɛɛ yi fɔlɔɔ, lɛ ɓɛ̀ro ɓɛdɛŋ ɓɛ kaka ɓɛ̀mɛ̀ɛ̀tɛn ri kìɓan ki ɓinùn ɓi lèg ànɛ lɛ, ɓɛ ti ɓɛ ɗilàg ɓyɛn ɓi fɔlɔɔ, yɛ̀ɛ ɓɛɛ̀ kali lɛ ɓyɛn ɓìn ɓi ri ɓyɛn ɓi ɓinùn; yɛ̀ɛ ǹɗem waa wu ri kɛ̀ɛ̀ ìtèɗ, ɓìɗilàg ɓiǹ ɓi caɗ ɓɔ tìfin ɓi mɛ̀rem.

EFÈZYƐŊ 4:16

Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

KÒLÒSYƐŊ 2:18

Kɛ̀ ɓi càrɛn lɛ mɛ̀lèɓ mɛ ɓi mɛ̀ree mɛ ɓi ghɛghɛŋì ŋwaàdɛŋ a ɓatɛn mìni mɔ yɛ̀ɛ ki kɔni nyi, rì ìghèy lɛ à rì ǹsɛɛ̀dɛn nyimiɗ ɓi zi, rì tì lɛ, a ɓɔɔɓɔgsì ɓum ɓɛ titom; rìkuu ɗi mum ɗìn ɗi ti ɗi ɓiisàg kì kuughraagh ɓiɓan ɓi ɗi ghɛɛ fɛlɛ yɛ̀ɛ ɓìdɛ̀ndɛm̀; ɗi ki ɓalag ɗi ronɛn ɗi ɓìdaŋà ɓi kɛ̀ɛ̀-su, ɓi ɓɔɔ mɛyitì ɓii ɓɛ à rì rì ɓɔ, ɓi rìɓa ɗii ɗi lɛ mum.

ÀPÒKÀLIƁSƐ̀ 2:14

Nsoò fɔlɔɔ, ǹɗì rì ɓìɓan ɓidɛŋ ɓi ɓi ɓeɓi mɛ̀ rì wɔ̀; ù rì foo ri ɓum ɓɛdɛŋ ɓɛ ɓɛɛ̀ nɔ̀ɔnɔɔ̀tì dɔgtɛ̀n ì Balam; Balam àa nɗèsàg Balag lɛ a ki com ki lɛ ɓɔn ɓɛ Isirayɛl ɓɛɛ kɛɓtɛn fìɓàg lɛ ɓɛ ɗii ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓɛ ki ɗiŋi ɓi rìkìkì ɗi tisɔ̀mɔ̀g.

ÀPÒKÀLIƁSƐ̀ 2:20

Kìɓan kifog kìɓan ki ki ɓeɓi mɛ̀ rì wɔ̀ ki ri lɛ, ù ti ù càɗkì giɓ anɛ lɛ Zyezaɓɛl ànɛ à ti à kalàg lɛ à rì ǹkpaŋzì-ɓìɓan lɛ a reresi, à ki syòŋsyoŋ ɓɛ̀kìì-ɓìsay ɓɛm lɛ ɓɛɛ ɗiŋi ɓi tìsɔ̀mɔ̀g ti kìkiyɛn, ɓɛ ki ɗiɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn.