1 KƆ̀RƐ̀ŊTYƐŊ 6:9 - Bafia Nouveau Testament

⁹ Ɓì yii ɓi lɔŋ lɛ ɓumɓɛ ɓɛɛ̀ kìki ɓiɓeɓtàg ɓi ɓiɓan, ɓaa ɓa ɓi ri ìkɔ̀ɔ̀ ɓi kìlɔ̀ŋ ki Bɛ̀ll? Kɛ̀ ɓi pwààrɛn, à tumɛɛ lɛ, ɓumɓɛ ɓɛɛ̀ ghɛghɛɓ cɛɓ ki tifin, à kpaŋ lɛ ɓɛ̀kìì-ɓìnùn, rì ɓɛ̀kìì-tìsɔ̀mɔ̀g,

1 KƆ̀RƐ̀ŊTYƐŊ 6:9 ပူးပေါင်းရင်းမြစ်များ

MATYOO 19:29

Fɔɔnnɛ mum ǹcèm ànɛ à rinìghày mɛɛ mii, nsoò lɛ ɓɛ̀geni ɓii ɓɛ ɓɛbaŋì rì ɓɛ ɓɛ̀yiɓ, nsoò seŋi, nsoò jɛɛ, nsoò giy, nsoò ɓɔn, nsoò zi yii, à rì ɓiì fɔ̀ni ɓyom ɓidɛŋ ɓi ɓi cee ɓiǹ, gɛ̀n hɔnɗɛ̀ɗ, à ki fɔ̀ɔ̀di cɛɓ ki fiɗyàɓ fikɔ̀ɔ̀.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

LUKAS 21:8

Yeesus à ɓàg lɛ: Ɓì konàg lɛ mum kɛ̀ɛ yègsi mini, ɓisuulɛ ɓum lɛɛ̀gwey ɓɛ ɓiì yùyuu ri ɗii ɗyɛ̀m, rì ànɛn miì à kpaa lɛ: Mɛ̀ yɛɛ ri Kiris, rì tì lɛ cààmɛ̀n ki ti jàŋbog; kɛ̀ ɓi nɔ̀ɔ̀ti ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

MƐ̀KÌKÌÌ MƐ ƁƐKƐ̀NÌ-FÌTOM 24:25

Wɔ̀lɛ yɛ̀ɛ ɓìtòkì ɓi ɓaghà di ɓyaa kɛ̀n ki kòmi saaɗ ànɛ a kɔ̀ngi Bɛ̀ll, rì rìɓan ɗi ǹɗem ɗi lɛ mum kɛ̀ɛ kì ɓiɓan ɓi ɓeɓtɛn, rì yɛ̀ɛ Bɛ̀ll à ri ren ɓum ɓìɓan, nni Felis à risìghà, à kpaa lɛ: Ɓigomìnɛ ù rì lɛ, ù ka sugtì, ǹɗì wɔ̀ ɓiì regii ti di ǹghɛɛ kìrɔŋiɗ.

RÒMƐŊ 1:18

Bim i Bɛ̀ll ì ti ì rèsàg yì aɗyoo ɓisuu kiɓe kicèm, rì kìtɛ̀ŋtɛ̀ŋ kicèm ɓi ɓum ɓɛ ri rì ɓyɔ, ɓyɛɛ ɓanɓani saaɗ ɓi rìkpàn ɓi zɛ̀ɗ aɗyòò;

1 KƆ̀RƐ̀ŊTYƐŊ 15:33

Kɛ̀ ɓi pwààrɛn, rìkɛ̀ɛ̀kɛ̀ɛ̀ ɗi rì ɓìɓeɓtàg ɓi ɓum ɗi ti ɗi yogsàg ɓìsyɔ̀ɔ̀ ɓì syeesyee ɓi mum à rì rì ɓyɔ.

1 KƆ̀RƐ̀ŊTYƐŊ 15:50

Ɓɔɔsoŋ̀, com ki nkpaaghi ki ri lɛ: Ɓyom ɓi lɛ, rì mɛ̀mùù rì bwaɓ, ɓyaa teɗ ɓi gàɓ ɓi kìlɔ̀ŋ ki Bɛ̀ll, fɔɔnnɛ com ki ki ti ki wulàg ki yin lɛ ki ɓa rì gàɓ ɓi rìɓa ɗi lɛ com kɛ̀ kɛɛ̀ wu.

1 KƆ̀RƐ̀ŊTYƐŊ 3:16

Ɓì yii ɓi lɛ mìni yɛɛ ri naa ìnɛ Bɛ̀ll à kɔ̀kɔrii miì, rì tì lɛ Ǹghay à Bɛ̀ll à rì ɓi mìni.

1 KƆ̀RƐ̀ŊTYƐŊ 5:1

Ɓɛɛ̀ kpaakpaa jàŋ bimiɗ lɛ kìtɔɓì kiǹ ki ri ɓi nyìinyìm wìn; kiŋcèm ki ki ɓa lèg ànɛ ki ti kɛ̀ kɛɛ̀ ghɛnɛn nsoò a ɓumɓɛ ɓɛ yin ɓɛgherɛ̀n. Lɛ ɓɛɛ̀ kpaaghi lɛ, kìbog ki ɓi nɗaŋ win ki nteri gili seŋì.

1 KƆ̀RƐ̀ŊTYƐŊ 5:10

nni àa ɓɛ̀kìì-tìsɔ̀mɔ̀g ɓɛ ɓi ziinɛ ɓɛ̀cèm nsoò lɛ ɓumɓɛ ɓɛ ri rì kìsee ki-kum, rì ɓɛ̀wiiwìì, nsoò lɛ ɓɛ̀kìì-ɓìnùn ɓɛɛ̀ɓɛ mɛ̀ ǹkpaa lɛ kɛ̀ ɓi ràrɛn ɗi ɓɔ; i fɔɔnnɛ kaa rì, ɓì pɛ̀sɛ̀n nya min yɛɛ ri ɓi ziinɛ.

1 KƆ̀RƐ̀ŊTYƐŊ 5:11

Com ki mɛ̀ɛ nkɔ̀ngi lɛ nkpaà mìni ɓi kaàtà wɛ̀m ki nɗì lɛ, ɓì ghɛ̀ɛ̀sɛɛ ɓi kiràrɛɛ ri ŋwaànɛ à rì lɛ, à reèghrèŋɗɛ̀n lɛ Kìristɛ̀n kìɓan kifog à kìkì tìsɔ̀mɔ̀g, à fa nɗem rì ìkum, à kìkì ɓìnùn, à keesì ɓɔlɛ, nyi kìnɔɔ̀-mɛ̀rɔ̀g nsoò lɛ wiiwìì; ɓì ghɛ̀ɛ̀sɛɛ ɓi gi kì ɗisɛɛ ri rìkuu ɗi mum ɗìn.

1 KƆ̀RƐ̀ŊTYƐŊ 6:10

rì ɓɛ̀yiɓ ɓɛ ɓɛ ti ɓɛ kɔràg ri ɓɛ̀ro ɓɛ̀yiɓ nsoò lɛ ɓɛ̀baŋì ɓɛ ɓɛ ti ɓɛ kɔràg rì ɓɛ̀ro ɓɛ̀baŋì, à kɛ̀ɛ̀dì kìkpaŋì lɛ ɓɛ̀wiiwìì, rì ɓumɓɛ ɓɛ ri rì kìsee ki-kum, rì ɓɛ̀nɔɔ̀-mɛ̀rɔ̀g rì ɓɛ̀kìì-tìfena, à kpaŋ lɛ ɓɛ̀zyaàzyaa, ɓumɓɛ̀n ɓɛ̀cèm ɓaa ɓa ɓi ri gàɓ ɓi kìlɔ̀ŋ ki Bɛ̀ll.

1 KƆ̀RƐ̀ŊTYƐŊ 6:18

Lɛɛghna cɛɓ ki tisɔ̀mɔ̀g! Lɛ ɓìɓe ɓimbog ɓìcèm ɓi mum à rì lɛ à kì, ɓi ti ɓyɛ̀ kɛɛ̀ kòm nyoo yìì, wɔ̀lɛ i ŋwaà nɔ̀ɔ̀tii cɛɓ ki tisɔ̀mɔ̀g, di à kìi kìɓe ki kɛɛ yogsi nyoo yìì.

1 KƆ̀RƐ̀ŊTYƐŊ 6:19

Ɓì yii ɓi lɛ, nyoo yìn i rì naa ì Kìtɛntɛ̀ɛ̀n ki Nghay ki ki ri ɓi mìni, ki Bɛ̀ll à faghà mìni? Fɔɔnnɛ ɓì làmii tì ɓi mìniìɓɔmiɗ.

1 KƆ̀RƐ̀ŊTYƐŊ 9:24

Ɓì yii lɛ ɓumɓɛ ɓɛ ri ɓi nlog à mɛ̀ree ɓi nlɛmɓog wu ticàɓ ɓɛɛ̀ ghɛghɛŋi ɓɛsɛ̀ɛ̀ ɓɛ̀cèm wɔ̀lɛ lɔŋ mum bog yɛɛ ti à kpagì, beèbɛ̀y à teɗ mɛ̀raà mɛ ɓi nlog ànɛ̀n? Nni ghɛŋiina lèg ànɛ lɛ ɓi teɗ mɛ̀raà mɛ ɓi nlog.

2 KƆ̀RƐ̀ŊTYƐŊ 12:21

Ǹɗì rì mɛ̀riighrikì lɛ yɛ̀ɛ n-yùyuy foo, Bɛ̀ll wɛ̀m kɛ̀ɛ ɓa lɛ à rììsì mɛ̀ nto ɓi kìɓan kin, ǹki ghay lɛ ǹɗèn ɓisuu kigwey ki ɓum ki ki nka kìi kìɓe, ki rɔɓ kɛ̀ kɛɛ̀ lɔ̀ɔ̀ghrɛn mɛrem lɛ kɛɛ rini ɓìɓan ɓi tifin, rì tìsɔ̀mɔ̀g, rì cɛɓ ki sààsaa, ɓi ɓɛ nkìkii.

GÀLAT 6:7

Kɛ̀ ɓi pwààrɛn mìniìɓɔmiɗ, ɓaà yègsi ɓi Bɛ̀ll, lɔŋ com ki mum à ɓɛ̀li kɛɛ̀ki à rì girig ɓiì ɓùmii.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

EBIREEGH 12:14

Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

EBIREEGH 12:16

Ɓì konàg lɛ ŋwaàdɛŋ kɛ̀ɛ ɓa ri cɛɓ ki tɔɔtɔɓki, nsoò lɛ a ɓa rì zɛɛtɛn ɓi ɓyom ɓi ɓi ri kìcèlì fɛlɛ yɛ̀ɛ Eso ànɛ à kàɓkà ìkɔ̀ɔ̀ wii wu risɛ̀ɛ̀mɛn ɓisuu càà ki ɓiɗilàg.

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

ZYAG 1:16

Mìni ɓɔɔseŋi ɓɛ̀m ɓɛ nɗem, kɛ̀ ɓi pwààrɛn:

1 ZYAŊ 3:7

Mìni ɓɔn ɓɛm, mum kɛ̀ɛ yègsi mini; ŋwaànɛ a kìki ɓiɓan ɓi saaɗ, à rì lɛ saaɗ lɔŋ yɛ̀ɛ Kan Yeesus à rì lɛ saaɗ.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.