1 KƆ̀RƐ̀ŊTYƐŊ 6:2 - Bafia Nouveau Testament

² Yɛɛ lɔɔ lɛ ɓì yii ɓi lɛ ɓɛ̀gherɛ̀n ɓɔ yɛɛ ri ɓiì yɔ̀mi ziinɛ? I mìni yɛɛ ghɛɛ̀sɛɛ kì yɔ̀mi ziinɛ lannɛ ɓɔɔ ɓiɓan ɓɛ zɛy ɓɛ ri lɛ ɓɛ yag mìni rìpègsɛ̀n?

1 KƆ̀RƐ̀ŊTYƐŊ 6:2 ပူးပေါင်းရင်းမြစ်များ

MATYOO 19:28

Yeesus à ɓàg ɓɔ lɛ: Ǹkalii mìni ɓi saaɗ lɛ, yɛɛ Man à mum à kɔ̀rii gɛ ɓi-kɔ̀ɔ̀ wii wu rilàmì wu rikem, ɓi cààmɛ̀n ki ɓyom ɓìcèm ɓi sugtii gɛ ɓɛ̀nyɔɔnyɔn ɓɛ ɓyom, mìni ɓɛ ɓì nɔ̀ɔ̀tìghà mɛ̀, ɓì kɔ̀rii gɛ girig ɓi mɛ̀kɔ̀ɔ̀ mɛ rilàmì ǹtɛ̀ɗ rì mɛɓɛɛ̀, lɛ ɓi yɔm̀ mɛ̀pwìɗ mɛ Isirayɛl ntɛ̀ɗ ɗì mɛɓɛɛ̀.

LUKAS 22:30

fɔlɔɔ nnɛ ɓì ɓiì kìi lɛ ɓì ɗi, ɓì ki nɔ ɓi kìkpanà kɛm̀ ɓi kìlɔ̀ŋ kɛm̀, ɓì ki kɔ̀ri ɓi mɛ̀kɔ̀ɔ̀ mɛ rilàmì, lɛ ɓi yɔm̀ mɛ̀pwìɗ ǹtɛ̀ɗ rì mɛɓɛɛ̀ mɛ a Isirayɛl.

RÒMƐŊ 6:16

Ɓì yii ɓi lɛ, i ɓì càrɛɛ lɛ ɓi ɓa ɓɛ̀kpàn ɓɛ mum lɛ ɓi kiki ŋwaànɛ̀n miì mɛ̀wog, lɔŋ lɛ ɓì ghali ɓɛ̀kpàn ɓɛ mum ànɛ ɓi kìki mɛwog anɛ̀n; kòo lɛ kìɓe, ki ki ti ki syogìì rìwu, kòo lɛ mɛ̀wog, mɛ mɛ ti mɛ kilàg lɛ mum a ɓa lɛ saaɗ ɓi mis mɛ Bɛ̀ll?

1 KƆ̀RƐ̀ŊTYƐŊ 1:20

Nni ŋwaà ɗyomzɛ̀n im̀be? Ǹɗèsàg ɓìdɔ̀gsɛna im̀be? Nni ǹkìì-nyoey anɛ ɓi ziinɛ à rì fe? Bɛ̀ll à rèsìghà lɛ ɗyomzɛ̀n ɗi ɓumɓɛ ɓi ziinɛ ɗi ri kìyèg.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

1 KƆ̀RƐ̀ŊTYƐŊ 6:4

Nni la yɛɛ ri min lɛ, i ɓì rì rì paàzì ànɛ à kòmi ɓìɓan ɓi ɓi cɛɓ ki fɛ, ɓumɓɛ kìseŋi ki Kiris ki tɔɔgh ɓi com rì ɓɔ ɓɛɛ̀ɓɛ ɓì rɛsì lɛ ɓɛɛ yɔm̀?

2 KƆ̀RƐ̀ŊTYƐŊ 4:18

Ɓìsii yin ɓiì nɔ̀ɔnɔɔ̀tì ɓìɓan ɓi ɓum ɓɛɛ̀ seesèè, lɔŋ ɓi ɓum ɓɛ ghɛɛ ɓi ɓyɛɛ̀ɓi ɓìsiì nɔ̀ɔnɔɔ̀tì ɓisuulɛ, ɓyom ɓi ɓum ɓɛɛ̀ seesèè ɓi ti ɓi finàg maa cààmɛ̀n, ɓi ɓum ɓɛ ghɛɛ ɓi, ɓi ri fìɗyàɓ fikɔ̀ɔ̀.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.