1 KƆ̀RƐ̀ŊTYƐŊ 6:11 - Bafia Nouveau Testament

¹¹ Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

1 KƆ̀RƐ̀ŊTYƐŊ 6:11 ပူးပေါင်းရင်းမြစ်များ

MATYOO 20:4

À kpaa ɓɔ lɛ: Kɛ̀ɛna kì salì ɓi dɛm yɛm̀, ǹɗi mìni ɓiì lèɓi yɛ̀ɛ ki ghɛɛ̀sɛɛ.

LUKAS 18:14

Yeesus lɛ: Ǹkpaa mìni lɛ: Ŋwaà siitòn anɛ à sugtìghà a mɛɛ mii di à ti lɛsaad ɓi mis mɛ Bɛ̀ll à cee lɔŋ Fàrìzyɛŋ; lɛ mum ǹcèm ànɛ à ɓiì ghɛnɛɛ nyimiɗ lɛ, nnyɛɛ teŋmɛɛ, innɛ ɓɛ ri ɓiì sɛɛ̀dii ɓi zi; roànɛ à rì ɓiì sɛɛ̀dii nyimiɗ ɓi zi, innɛ ɓɛ ri ɓiì kìi lɛ a teŋmɛn.

ZYAŊ 13:10

Yeesus à kpaa nyi lɛ: Ŋwaànɛ à mɛ wùɓɓɛ̀n, à yin lɛ ɓɛ wuɓsì tì nyi, i ki cee ɓi lɛ mɛ̀kòò mii mɛɛ̀mɛ ɓɛ soò, lɛ nyoo yìì bimiɗ ì rì ǹtɛnɛn. Nni, mìnii ri ɓɛ̀tɛnɛn, wɔ̀lɛ, àa mìniìcèm.

ZYAŊ 13:8

Pyɛɛri à kpaa nyi lɛ: Ɓɛ̀pwàà! wàa sòò ɓi mɛ mɛ̀kòò nsoò ŋwos bog. Yeesus à ɓàg nyi lɛ: I ǹsòo ɓi wɔ mɛ̀kòò, wàa ɓa ɓi ri gàɓ a lɔ̀ŋkɛm̀.

ZYAŊ 5:4

Lɛ ŋwaà-fìtom àa nti à sɛngìì ɓyààmɛ̀n ɓidɛŋ ɓi kìɗig kiǹ, à nyɛ̀ŋzì mɛ̀nig; fɔɔnnɛ ki mɓalàg lɛ, i mɛ̀nig mɛ mɛ nyɛ̀ŋɗɛ̀n, ŋwaànɛ à loogh miì kì kpìi, àa soo roròɓ rìkuu ɗi firoɓ aɗi, à wɔ̀n.]

MƐ̀KÌKÌÌ MƐ ƁƐKƐ̀NÌ-FÌTOM 13:39

Ɓi Yeesus ànɛn nnɛ mum ǹcèm ànɛ à gherɛɛ à rì ɓiì tɔ̀sɛɛ ɓiɓe ɓìcèm ɓi ɓìdɔ̀gsɛna ɓi Moyis ɓi ɓaghà ɓi lɛ, ɓi pisì.

MƐ̀KÌKÌÌ MƐ ƁƐKƐ̀NÌ-FÌTOM 22:16

Nni ɓigomìnɛ, kɔ̀ɔ lɛ̀mziti, pɛ̀sɛn aɗyoo u teɗ bàɓtis ɓi ɗii ɗi Kan, di ɓiɓe ɓyɔɔ ɓyɛɛ ɓa ɓìsòòyɛn.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

RÒMƐŊ 3:24

Wɔ̀lɛ Bɛ̀ll, ɓi coo geesɛ̀n yìì, à ti à ghaasàg ɓɔ ɓum ɓɛ saaɗ, zɛy rì zɛy lɛ Yeesus Kiris ànɛ à mɛ kwèɗ ɓɔ ɓi rìkpàn.

RÒMƐŊ 4:5

Wɔ̀lɛ i mum à kìi ɓi kisay, kìɓan kifog à gherɛ̀n Bɛ̀ll ànɛ à ti à kìlàg lɛ ǹkì-kìɓe a ɓa lɛ saaɗ ɓi mis mii, rìgherɛ̀n ɗii ɗi ki lɛ Bɛ̀ll a ghɛǹ nyi lɛ saaɗ à mum.

RÒMƐŊ 5:1

Yɛ̀ɛ tì ti min ɓumɓɛ ɓɛ ri lɛ saaɗ ɓi mis mɛ Bɛ̀ll lɛ rìgherɛ̀n, tì yiìdi ɓi paàzì rì Bɛ̀ll lɛ Kan wìs Yeesus Kiris.

RÒMƐŊ 5:9

I bwaɓ yii yi mɛ ka kì lɛ ti ɓa lɛ saaɗ ɓi mis mɛ Bɛ̀ll ɓigomìnɛ, di rì ɗi lɛ a ghɛɓsi ɓìsi lɛ bim i Bɛ̀ll yɛ̀ kɛɛ̀ kpaŋ a lɔ̀ŋkis.

RÒMƐŊ 8:30

Nni ɓɛ̀roɓɛ Bɛ̀ll à lokà ɓɛ̀n kì ɓɔ̀ni abɛ̀y, à reŋìghà girig ɓɔ; ɓɛ̀roɓɛ à ki reŋìghà ɓɛǹ, à kìghà girig lɛ ɓɛɛ ɓa lɛ saaɗ ɓi mis mii; nni ɓɛ̀roɓɛ à ghaasìghà ɓɛǹ ɓum ɓɛ saaɗ, à kemzìghà girig ɓɔ.

RÒMƐŊ 8:33

Ghɛn yɛ̀ɛ ri min ɓiì sɔmɛɛ ɓumɓɛ Bɛ̀ll à ɓɔ̀ngà? Bɛ̀ll yɛ̀ɛ ri roànɛ à ri kpaa lɛ mum à rì lɛ saaɗ.

1 KƆ̀RƐ̀ŊTYƐŊ 1:2

Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 12:2

Ɓì yii lɛ, cààmɛ̀n ki ɓì ɓaghà di ɓì ka yi ɓi Bɛ̀ll, ɓɛ syoŋsyòŋgà mìni lɔŋ lɛ duri yaa tani, a ɓìnùn ɓi ɓi yin lɛ ɓi toòghrɛ̀n.

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

GÀLAT 3:11

Rì tì lɛ, mum à ghɛ̀ɛ̀sɛɛ ɓi ki ɓaà lɛ saaɗ ɓi mis mɛ Bɛ̀ll lɛ rìɓèŋ ɗi à ɓèŋi ɓìdɔ̀gsɛna. Kìɓan kiǹ ki ri lɔŋ fɔlɔɔ ɓisuulɛ saaɗ à mum à ɓiì ghɛɓì lɛ rìgherɛ̀n.

GÀLAT 3:24

Fɔlɔɔ nnɛ ɓìdɔ̀gsɛna ɓi ɓaghà ɓìsi fɛlɛ yɛ̀ɛ ǹɗèsàg wìs anɛ a kɛ̀ɛkɛɛ̀sì ɓìsi à kpaŋ ɓi rìyù ɗi Kiris, lɛ di ti ɓa ɓɛ̀tɛnɛn ɓi mis mɛ Bɛ̀ll lɛ rìgherɛ̀n.

GÀLAT 3:8

Kaàtà à Bɛ̀ll à yitìghà abɛ̀y lɛ, Bɛ̀ll à kìi gɛ lɛ ɓumɓɛ ɓɛ yin Ɓɛ̀yudɛ̀n ɓɛɛ ɓa lɛ saaɗ ɓi mis mii lɛ rìgherɛ̀n, nni à lokà kì kpaà Abiraham Syeesyee à Ɓɔlɛ ànɛ lɛ: Ɓìlɔ̀ŋ ɓìcèm ɓi teri gɛ ɓɛ̀mààgh ɓisu wɔ̀ɔ̀.

EFÈZYƐŊ 5:26

À kìghà fɔlɔɔ lɛ di Kìseŋi kii kɛɛ ɓa kìtɛnɛn; lɛ à tɛɛ̀zìghà kɔ lɛ rì mɛ̀nig rì jɛ̀ɛ̀;

EFÈZYƐŊ 5:8

Ɓisuulɛ ɓì ɓaghà ɓumɓɛ ɓi birìm abɛ̀y, nni ɓigomìnɛ, ɓì ti kìtɛɛtɛn ɓi Kan ɓi ɗùm. Nni ghɛɓina min yɛ̀ɛ ɓɔn ɓɛ ɓi kìtɛɛtɛn.

2 TÈSÀLÒNÌSYƐŊ 2:13

Ɓi san ànɛ a lɔ̀ŋkis, ɓɔɔseŋi ɓis ɓɛ Kan a keesag lɛɛ̀gwey, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n cààmɛ̀n kìcèm ɓisuu kiɓan kin, ɓisuulɛ Bɛ̀ll à ɓɔ̀ngà mìni à tumɛ̀n a rìtumɛ̀n lɛ ɓi ɓa ɓɛ̀kòrɛn ɓi rìkì ɗi Kìtɛntɛ̀ɛ̀n ki Nghay kɛɛ̀ kìki lɛ ɓi ɓa ɓɛ̀tɛnɛn, rì ɓi rìgherɛ̀n ɗi ɓì gherɛɛ saaɗ.

EBIREEGH 10:22

Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 10:29

Ɓì rì lɛ ɓì fèg lɛ rìkuu ɗi ntɔɓ aɗi ɗyɛɛ ghɛɛ̀sɛɛ rì ŋwaànɛ à kìi lɛ à sɛɛtì Man à Bɛ̀ll, à ghɛn bwaɓ yi riràrɛ̀n ɗi lɛ rì Bɛ̀ll rì ɓum, yi yi kii lɛ a ɓa ǹtɛnɛn, yɛ̀ɛ zɛy rì zɛy à com, à ki fen Nghay à geesɛ̀n.

EBIREEGH 2:11

Ɓisuulɛ rì ǹtɛɛ̀zì ɓum, rì ɓumɓɛ à tɛɛ̀zii ɓɛ fuu yì yɛ̀ɛ mum bog, ɓisu wìn miì nnɛ ki yeesii ɓi nyi lɛ a regi ɓɔ lɛ, ɓɛ̀geni ɓii,

1 PYƐƐRI 1:2

Ɓì ɓaghà ɓɛ̀ɓɔ̀nɛn lɔŋ yɛ̀ɛ Bɛ̀ll Seŋi a lokà kìwòŋzii ɓiɓan, fɔɔnnɛ ɓì ti ɓɛ̀tɛnɛ̀n lɛ Nghay wìì, lɛ ɓi ɓa rì mɛ̀wog ɓi ɓɛg ànɛ yɛ̀ɛ Yeesus Kiris ɓì ki ɓa ɓɛtɛɛ̀ziyɛn ɓi bwaɓ yii yi yi kpagà. Geesɛ̀n, rì fyòoog ɓyɛɛ teghɛn a lɔ̀ŋkin lɛɛ̀gwey.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,

1 ZYAŊ 2:12

Ɓɔn ɓɛm, ǹkàni mìni ɓisuulɛ ɓìɓe ɓin ɓi ti ɓì càrɛn ɓi ɗii ɗìì.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 7:14

Nni m̀ɓàkà nyi lɛ: Kan wɛ̀m wɔ̀ yɛɛ yii! Fɔɔnnɛ à kpaaghà mɛ̀ lɛ: Ɓɛ ri ɓumɓɛ ɓɛ pɛsɛɛ yì ɓi jàŋ yi ǹ-yeesɛ̀n à ɓɛ̀gherɛ̀n à rì lɛɛ̀gwey. Ɓɛ sooghà ɓɛ̀ kàɓà ɓaa ɓɛ ki puɓsi ɓɔ ɓi bwaɓ yi Man à jɔ̀ɔ̀.