1 KƆ̀RƐ̀ŊTYƐŊ 6:10 - Bafia Nouveau Testament

¹⁰ rì ɓɛ̀yiɓ ɓɛ ɓɛ ti ɓɛ kɔràg ri ɓɛ̀ro ɓɛ̀yiɓ nsoò lɛ ɓɛ̀baŋì ɓɛ ɓɛ ti ɓɛ kɔràg rì ɓɛ̀ro ɓɛ̀baŋì, à kɛ̀ɛ̀dì kìkpaŋì lɛ ɓɛ̀wiiwìì, rì ɓumɓɛ ɓɛ ri rì kìsee ki-kum, rì ɓɛ̀nɔɔ̀-mɛ̀rɔ̀g rì ɓɛ̀kìì-tìfena, à kpaŋ lɛ ɓɛ̀zyaàzyaa, ɓumɓɛ̀n ɓɛ̀cèm ɓaa ɓa ɓi ri gàɓ ɓi kìlɔ̀ŋ ki Bɛ̀ll.

1 KƆ̀RƐ̀ŊTYƐŊ 6:10 ပူးပေါင်းရင်းမြစ်များ

MATYOO 21:19

Fɔɔnnɛ à ghɛngà ǹɗyèm wu fìgyee ɓi bee, à kɛ̀n wɔɔ; kìɓan kifog, à tanɛ̀n wɔ tyɛn ɗì tyɛn, à kpaa rì fìgyee ànɛn lɛ: Wàa wumdii gɛ ɓi kiɗùn nsoò kìfog. Lɔŋ ɓi cààmɛ̀n kɔm̀ kiǹ, ǹɗyèm wu fìgyee wu ghaskà kì wiì.

MATYOO 23:13

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓì ŋwɔm ìghèy ɓi ɗùm, ɓisuulɛ ɓi ghegheg ɓum lɛ ɓɛ̀ kɛɛ ɗiŋi ɓi kìlɔ̀ŋ ki aɗyòò; mìniìɓɔmiɗ kɛ̀ ɓi ɗiŋi miì, kɛ̀ ɓi ki gherɛn lɛ, ɓumɓɛ ɓɛɛ̀ kɔ̀nkɔn lɛ ɓɛɛ ɗiŋi miì, ɓɛɛ ɗiŋì. [

MATYOO 23:33

Nyoo yi lɛ mìni, ɓìgòm ɓi lɛ mìni ɓì! lannɛ ɓì ɓiì kìi lɛ ɓi ghɛ̀ɓ rìkɛ̀n ɗi ɓi ɗuu ɗi fìɗyàɓ fikɔ̀ɔ̀?

ZYAŊ 12:6

À kpaaghà ɓi fɔlɔɔ lɛ à ɓiisɛ̀ngà kì ɓɔmì ɓɛ̀soghàsogha, wɔ̀lɛ à kpaaghà lɔŋ fɔlɔɔ lɛ, à ɓaghà wiiwìì. Nni yɛ̀ɛ nyi yɛɛ m̀ɓègì ɓàm à mɔ̀ɔ̀ni, àa ntekì mɔ̀ɔ̀ni mɛ ɓɛ nfogì miì.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

1 KƆ̀RƐ̀ŊTYƐŊ 15:50

Ɓɔɔsoŋ̀, com ki nkpaaghi ki ri lɛ: Ɓyom ɓi lɛ, rì mɛ̀mùù rì bwaɓ, ɓyaa teɗ ɓi gàɓ ɓi kìlɔ̀ŋ ki Bɛ̀ll, fɔɔnnɛ com ki ki ti ki wulàg ki yin lɛ ki ɓa rì gàɓ ɓi rìɓa ɗi lɛ com kɛ̀ kɛɛ̀ wu.

1 KƆ̀RƐ̀ŊTYƐŊ 5:11

Com ki mɛ̀ɛ nkɔ̀ngi lɛ nkpaà mìni ɓi kaàtà wɛ̀m ki nɗì lɛ, ɓì ghɛ̀ɛ̀sɛɛ ɓi kiràrɛɛ ri ŋwaànɛ à rì lɛ, à reèghrèŋɗɛ̀n lɛ Kìristɛ̀n kìɓan kifog à kìkì tìsɔ̀mɔ̀g, à fa nɗem rì ìkum, à kìkì ɓìnùn, à keesì ɓɔlɛ, nyi kìnɔɔ̀-mɛ̀rɔ̀g nsoò lɛ wiiwìì; ɓì ghɛ̀ɛ̀sɛɛ ɓi gi kì ɗisɛɛ ri rìkuu ɗi mum ɗìn.

GÀLAT 5:21

Yàaka, rìŋwaŋ ɗi mɛrɔ̀g, dili rì mɛ̀kuu mɛ ɓiɓan mɛ fɔlɔɔ. Yɛ̀ɛ ǹlokà mìni kì kpaà, nni ǹɗɔ̀gsɛɛ tì mìni lɛ: Ɓumɓɛ ɓɛɛ̀ kìki ɓiɓan ɓiǹ, ɓaa ghɛn ɓi kilɔ̀ŋ ki Bɛ̀ll.

EFÈZYƐŊ 4:28

Ŋwaànɛ àa nti à fyaasàg ɓyom, à lèg ɓi wii, kìɓan kifog, a teki ntɔɓ lɛ a say rì ɓyàg ɓii yɛ̀ɛ ki ghɛɛ̀sɛɛ, fɔɔnnɛ a ɓa rì com ki à rì lɛ à ghɛɓsì soghàsogha ri kɔ̀.

EFÈZYƐŊ 5:5

Konaaghna kì yiì lɛ mum ǹcèm ànɛ à rì ǹkìì-tìsɔ̀mɔ̀g, nsoò lɛ ǹkìì ɓìɓan ɓi tifin, nsoò lɛ ànɛ à rì rì zày ì ìkum, yɛɛ lɔɔ lɛ mɓɔgsì ɓìnùn, à yin ɗi gàɓ ɓi kìlɔ̀ŋ ki Kiris, rì ki Bɛ̀ll.

TÈSÀLÒNÌSYƐŊ 4:6

Ɓi kìɓan kiǹ ŋwaàɗɛŋ à ghɛ̀ɛ̀sɛɛ ɓi ki yègsiì geni, nsoò lɛ à kì nyi kìɓeɓtàg ki nɗem, lɛ Kan à ti à rɔ̀gì ɓìɓan ɓiǹ lɔŋ yɛ̀ɛ tì mɛ kì lɛ, tì kpaa mìni, tì ki rèsi mini.

1 PYƐƐRI 4:15

Wààdɛŋ kɔ̀ɔ ɓa lɛ ù wowòg mɛ̀tɔɓ lɛ ù woli mum, nsoò lɛ ù yii com, nsoò lɛ ù kìi coo kiɓeɓtàg ki kiɓan kidɛŋ, nsoò lɛ ù pùrii ŋwɔm ɓi kìɓan ki ɓum ɓɛdɛŋ;