1 KƆ̀RƐ̀ŊTYƐŊ 5:13 - Bafia Nouveau Testament

¹³ Ɓɛ̀roɓɛ ɓi dan, Bɛ̀ll à yɔ̀mi gɛ ɓɔ; lɛ ki ri kì kànɛn lɛ: Pisiina kìɓeɓtàg ki mum ɓi nyìinyìm wìn.

1 KƆ̀RƐ̀ŊTYƐŊ 5:13 ပူးပေါင်းရင်းမြစ်များ

MATYOO 18:17

I à ɓèèdii tì ɓɔ kì woògh, ù kalì kìɓan kiǹ ɓi nyìinyìm à kìseŋi. I à rɔ̀ɓtii kɛ̀ɛ wog rikpaa ɗi kiseŋi, tera nyi fɛlɛ yɛ̀ɛ ŋwaànɛ à yin ǹgherɛ̀n nsoò lɛ yɛ̀ɛ ǹterì-làmpoŋ̀.

MƐ̀KÌKÌÌ MƐ ƁƐKƐ̀NÌ-FÌTOM 17:31

Ɓisuulɛ à rɛsìghà bimiɗ à ŋwos ànɛ à rì ɓiì yɔ̀mi zi bimiɗ miì, lɔŋ yɛ̀ɛ saaɗ a kɔ̀nkɔ̀n; à ɓɔ̀ngà mum ànɛ à rì ɓiì kìi kisay kiǹ, à fa ɓum ɓɛ̀cèm kìrèmzɛnà ki ki resii lɛ, nnyɛɛ ɓɔngà ŋwaàncèm, yɛ̀ɛ à ghèmzìghày nyi a ɓìloŋ.

RÒMƐŊ 2:16

Kìɓan kiǹ kɛɛ ri ghɛnɛn ŋwos anɛ Bɛ̀ll à ri yɔm̀ ɓi Yeesus Kiris ɓìɓan ɓi ɓum ɓɛ ti ɓɛ kilàg a rìnyam; fɔlɔɔ nnɛ Syeesyee à Ɓɔlɛ ànɛ mɛ̀ɛ nghaaghagsì ɓum a rèrèsì.

1 KƆ̀RƐ̀ŊTYƐŊ 5:1

Ɓɛɛ̀ kpaakpaa jàŋ bimiɗ lɛ kìtɔɓì kiǹ ki ri ɓi nyìinyìm wìn; kiŋcèm ki ki ɓa lèg ànɛ ki ti kɛ̀ kɛɛ̀ ghɛnɛn nsoò a ɓumɓɛ ɓɛ yin ɓɛgherɛ̀n. Lɛ ɓɛɛ̀ kpaaghi lɛ, kìbog ki ɓi nɗaŋ win ki nteri gili seŋì.

1 KƆ̀RƐ̀ŊTYƐŊ 5:2

Ɓìdaŋà ɓyɛɛ̀ɓi ɓì kìkì, kɛ̀ ɓi waatɛn ɓilɛ̀ɓì lɛ di ɓɛɛ pisi ŋwaànɛ àa nkìi kìɓan kiǹ ɓi nyìinyìm wìn.

1 KƆ̀RƐ̀ŊTYƐŊ 5:5

rìkuu ɗi mum ɗiǹ ɗi ghɛɛ̀sɛɛ lɛ ɓɛɛ kaɓ ɗyɔ rì Satàn, lɛ mɛ̀mùù mii mɛɛ ɗyaŋ di fɔɔnnɛ nghay wii wɛɛ ghɛǹ cɛɓ ɓi ŋwos a Kan Yeesus.

1 KƆ̀RƐ̀ŊTYƐŊ 5:7

Pisiina fìɗyàɓ fi nwìɗ fi ɓì ɓaghà rì fyɔ abɛ̀y di fɔɔnnɛ ɓi ɓa ǹkùŋ wu nyɔn wu ɓɛ tɔɓi, lɛ ɓì rì kɛ̀ɛ̀ nwìɗ ɓisuulɛ, ɓɛ mɛ wey Kiris ànɛ à rì maa jɔ̀ɔ̀ wìs a Paskà.

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

2 PYƐƐRI 2:9

Fɔlɔɔ a rèsii lɛ Kan à yii rìghɛɓsì ɗi ɓumɓɛ ɓɛ falɛɛ ɓi rìgherɛ̀n di ɓɛ ri ɓi mɛ̀fèèghrɛn, à ki ɓoŋzag ɓiɓeɓtàg ɓi ɓum lɛ ɓyɛɛ ɓoŋ yɛ̀ɛ à rì ɓyɔ ɓiì pɔnɔsii ŋwosi ɓɛyɔ̀m ɓii.