1 KƆ̀RƐ̀ŊTYƐŊ 5:11 - Bafia Nouveau Testament

¹¹ Com ki mɛ̀ɛ nkɔ̀ngi lɛ nkpaà mìni ɓi kaàtà wɛ̀m ki nɗì lɛ, ɓì ghɛ̀ɛ̀sɛɛ ɓi kiràrɛɛ ri ŋwaànɛ à rì lɛ, à reèghrèŋɗɛ̀n lɛ Kìristɛ̀n kìɓan kifog à kìkì tìsɔ̀mɔ̀g, à fa nɗem rì ìkum, à kìkì ɓìnùn, à keesì ɓɔlɛ, nyi kìnɔɔ̀-mɛ̀rɔ̀g nsoò lɛ wiiwìì; ɓì ghɛ̀ɛ̀sɛɛ ɓi gi kì ɗisɛɛ ri rìkuu ɗi mum ɗìn.

1 KƆ̀RƐ̀ŊTYƐŊ 5:11 ပူးပေါင်းရင်းမြစ်များ

MATYOO 18:17

I à ɓèèdii tì ɓɔ kì woògh, ù kalì kìɓan kiǹ ɓi nyìinyìm à kìseŋi. I à rɔ̀ɓtii kɛ̀ɛ wog rikpaa ɗi kiseŋi, tera nyi fɛlɛ yɛ̀ɛ ŋwaànɛ à yin ǹgherɛ̀n nsoò lɛ yɛ̀ɛ ǹterì-làmpoŋ̀.

MATYOO 23:25

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓi ŋwɔm, ìghèy ɓì ɗùm, ɓisuulɛ ɓi sòòsoo lɛ, rì jɛ̀m ì ɓɛ̀ɓeŋ rì jɛ̀m ì ɓɛ̀taasà, kɔm̀ lɛ ɓyom ɓìn ɓi ri ɓì rònɛn ɓi ɗùm lɛ, rì wii, rì kìnɔli ki ɓiɓeɓtàg ɓi ɓiɓan.

LUKAS 18:11

Nni Fàrìzyɛŋ à rɛlìghà mɛ̀rey, à ɓɔ̀ɔ̀ɓɔ̀ŋzàg Bɛ̀ll rì ǹɗem, à kakàlì lɛ: Tààta Bɛ̀ll, ǹtògsaagh wɔ̀, ɓisuulɛ, ǹ-yin yɛ̀ɛ ɓum ɓɛm̀bog ɓɛ ɓɛ ri ɓɛ̀wiiwìì, rì ɓɛ̀kìì-kìɓe, rì ɓɛ̀kìì-tìsɔ̀mɔ̀g; nsoò yɛ̀ɛ ǹterì-làmpoŋ̀ ànɛnii.

LUKAS 21:34

Ɓì konàg rì mìniì ɓɔmiɗ, lɛ ɓìsɛ̀nɛ̀ rì ɓìzɛ̀ŋ ɓi mɛrɔ̀g rì rìcɛɛ̀cɛ̀ɛ̀rɛ̀n ɗi nɗem ɓyɛ̀ kɛɛ̀ fa mɛrem min ìɓwɛɗ; di ŋwos anɛ̀n à ri sìɗ mini ǹsìrɛn.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 9:17

Fɔɔnnɛ Ananyas à kɛ̀ngà min wɔɔ; nni yɛɛ̀ à ɗiŋìghà ɓi naa ìnɛ Sol à ɓaghà miì, à saagh nyi ɓyàg ɓi nyoo a ki kpaa nyi lɛ: Geni wɛ̀m Sol, Kan Yeesus ànɛ àa ǹɗèsɛɛ yì wɔ̀ ɓi bee di u yùyuiy fɛ, yɛɛ romiì mɛ̀ a lɔ̀ŋkɔɔ, lɛ mɛ̀ nsaagh wɔ̀ ɓyàg ɓi nyoo di wɔ̀ɔ ghɛnɛn tì, ù ki ɓa nɗonɛn ɗi Kìtɛntɛ̀ɛ̀n ki Nghay.

RÒMƐŊ 13:13

Tì ghɛ̀ɛ̀sɛɛ kì ghɛɓì cɛɓ ki ki ri lɛ tɛntɛ̀ɛ̀n ki ki ghɛɛ̀sɛɛ rì kìtɛɛtɛn ki ŋwos, tì womzɛ̀n ɗì dili, rì kìɓan ki riceesì ɗi rinɔ ɗi mɛrɔ̀g ɗì tìsɔ̀mɔ̀g, rì cɛɓ ki sààsaa, rì ɓɛ̀paàzì, rì yàaka.

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

1 KƆ̀RƐ̀ŊTYƐŊ 10:14

Kìɓan kiǹ kɛɛ̀ki, mìni ɓɛ̀geni ɓɛ̀m ɓɛ nɗem, cèliina ɓìnùn.

1 KƆ̀RƐ̀ŊTYƐŊ 11:21

Ɓisuulɛ mum ǹcèm à ti à rùnàg kì ɗiì ɓìɗilàg ɓii ɓi nyimiɗ ɓi lèg ànɛ lɛ ŋwaàdɛŋ à wowòg zày, roàmbog ǹŋwaŋɛn mɛrɔ̀g.

1 KƆ̀RƐ̀ŊTYƐŊ 5:13

Ɓɛ̀roɓɛ ɓi dan, Bɛ̀ll à yɔ̀mi gɛ ɓɔ; lɛ ki ri kì kànɛn lɛ: Pisiina kìɓeɓtàg ki mum ɓi nyìinyìm wìn.

1 KƆ̀RƐ̀ŊTYƐŊ 6:10

rì ɓɛ̀yiɓ ɓɛ ɓɛ ti ɓɛ kɔràg ri ɓɛ̀ro ɓɛ̀yiɓ nsoò lɛ ɓɛ̀baŋì ɓɛ ɓɛ ti ɓɛ kɔràg rì ɓɛ̀ro ɓɛ̀baŋì, à kɛ̀ɛ̀dì kìkpaŋì lɛ ɓɛ̀wiiwìì, rì ɓumɓɛ ɓɛ ri rì kìsee ki-kum, rì ɓɛ̀nɔɔ̀-mɛ̀rɔ̀g rì ɓɛ̀kìì-tìfena, à kpaŋ lɛ ɓɛ̀zyaàzyaa, ɓumɓɛ̀n ɓɛ̀cèm ɓaa ɓa ɓi ri gàɓ ɓi kìlɔ̀ŋ ki Bɛ̀ll.

1 KƆ̀RƐ̀ŊTYƐŊ 6:6

Nni geni ɓɛɛ̀ geni ɓɛ ti ɓɛ rɛɛsàg ɓɛ̀yɔ̀m ɓɛ ki rɛli ɓɛncèm ɓi mis mɛ ɓumɓɛ ɓɛ yin ɓɛgherɛ̀n!

1 KƆ̀RƐ̀ŊTYƐŊ 6:9

Ɓì yii ɓi lɔŋ lɛ ɓumɓɛ ɓɛɛ̀ kìki ɓiɓeɓtàg ɓi ɓiɓan, ɓaa ɓa ɓi ri ìkɔ̀ɔ̀ ɓi kìlɔ̀ŋ ki Bɛ̀ll? Kɛ̀ ɓi pwààrɛn, à tumɛɛ lɛ, ɓumɓɛ ɓɛɛ̀ ghɛghɛɓ cɛɓ ki tifin, à kpaŋ lɛ ɓɛ̀kìì-ɓìnùn, rì ɓɛ̀kìì-tìsɔ̀mɔ̀g,

1 KƆ̀RƐ̀ŊTYƐŊ 7:12

Com ki mɛ̀ ǹkpaa ɓum ɓɛmbog ki yin lɛ Kan yɛɛ kalii, lɔŋ mɛ̀ɛmiɗ yɛɛ kpaa, ki ri lɛ: I kìristɛ̀n à rì rì giɓ anɛ à yin ngherɛ̀n, nni giɓ anɛ̀n à gherɛɛ lɛ ɓɛɛ kɛǹ asu ɓɛ ghɛghɛ̀ɓ ǹɗaŋ, nyii ghɛɛ̀sɛɛ ɓi ki nàɓi giɓ anɛ̀n.

1 KƆ̀RƐ̀ŊTYƐŊ 7:15

I ŋwaànɛ à yin ngherɛ̀n à kɔ̀ni lɛ a ghasɛn rì ŋwaànɛ ɓɛ ri ɓi rìwɛy ɗì nyi, ɓɛ caɗ nyi à ghasɛ̀n; i ki ghɛnɛɛ fɔlɔɔ, ǹgherɛ̀n à baŋì nsoò lɛ à giɓ, à yiìdi nkàŋɛn ɓi rìwɛy ɗìn; lɛ Bɛ̀ll à reŋìghà ɓìsi lɛ ti ghɛɓ ɓi fyòoog ɓi ɗùm.

1 KƆ̀RƐ̀ŊTYƐŊ 8:11

Fɔlɔɔ a rì ɓiì kìi lɛ, goni ànɛ à rì ànɛn kɛ̀ɛ̀ ìtèɗ, ànɛ Kiris à ki wughà ɓisu wii, a ɗyaŋ̀ lɛ rìyi ɗyɔɔ!

GÀLAT 2:12

Lɛ yɛ̀ɛ à kpagà wɔɔ, àa nti à ɗilàg ǹɗaŋ ri ɓumɓɛ ɓɛ yin Ɓɛ̀yudɛ̀n, wɔ̀lɛ yɛ̀ɛ ɓumɓɛ Zyag à romgày ɓɛ kpagà ɓi bàn ìnɛn, Pyɛɛri à sɔ̀ŋì ìkòò ɓi rìkì ɗiǹ, à porɛ̀n kɛ̀ɛ ɗi ti nɗaŋ ri ɓɔ, lɛ à rirìsìghà Ɓɛ̀yudɛ̀n.

EFÈZYƐŊ 5:18

Kɛ̀ ɓi ŋwagi mɛrɔ̀g lɛ fɔlɔɔ a ti à syògìì cɛɓ ki ɓùùɓuu; kìɓan kifog, ɓaana ɓɛ̀ronɛn ri Kìtɛntɛ̀ɛ̀n ki Nghay.

EFÈZYƐŊ 5:5

Konaaghna kì yiì lɛ mum ǹcèm ànɛ à rì ǹkìì-tìsɔ̀mɔ̀g, nsoò lɛ ǹkìì ɓìɓan ɓi tifin, nsoò lɛ ànɛ à rì rì zày ì ìkum, yɛɛ lɔɔ lɛ mɓɔgsì ɓìnùn, à yin ɗi gàɓ ɓi kìlɔ̀ŋ ki Kiris, rì ki Bɛ̀ll.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

2 TÈSÀLÒNÌSYƐŊ 3:14

I mum à ɓèni kìnɔ̀ɔ̀tii ɓiɓan ɓi tì kpaa mìni ɓi kaàtà ànɛ ɓi, ɓàlina kìɓan kiǹ, ɓì lɛg ŋwaànɛ̀n miì, fɔlɔɔ nnɛ à ɓiì woògh ǹtoòrìɗ ɗi rìɓa ɗii ɗiǹ.

2 TÈSÀLÒNÌSYƐŊ 3:6

Ɓɔɔsoŋ̀! tì tɔɔgh mìni ɓi ɗii ɗi Kan wìs Yeesus Kiris lɛ: Kɛ̀ ɓi wuɓsɛn ɓɛgeni ɓin ɓɛ ɓɛ ri ɓɛ̀ɓɔɓwɛɗ, ɓɛ ɓɛ ɓeni kì nɔ̀ɔ̀tii ɓiɓan ɓi tì rèsìghà mìni.

TIMOTE 3:3

Ki ghɛɛ̀sɛɛ ɓi lɛ a ɓa kìnɔɔ̀ mɛ̀rɔ̀g nsoò lɛ mum à ɓìgùg, ki ghɛɛ̀sɛɛ lɔŋ lɛ a ɓa kìfyòoog ki mum, kɛ̀ɛ ɓa mum à ɓɛsaaka nsoò lɛ à keesì mɔ̀ɔ̀ni.

TIMOTE 6:5

rì nyoey yi yɛ̀ kɛɛ̀ ren ɓi nyìinyìm à ɓumɓɛ mɛ̀yitì maa mɛ ti ɓigɛŋ, ɓɛ̀ kɛɛ̀ yi saaɗ, ɓɛ ki fèki lɛ rìfalɛ̀n ɗi ɓi rìgherɛ̀n ɗi ri kìɓan ki mum à rì lɛ à fɔ̀nfɔ̀n miì.

2 ZYAŊ 1:10

Nni i mum à yùu yì a lɔ̀ŋkin, kɛ̀ɛ ɓay ɗì rìrèsì ɗiǹ, kɛ̀ ɓi ghàɓ nyi ɓi naa yìn, kɛ̀ ɓi ki tògsi nyi;

ÀPÒKÀLIƁSƐ̀ 2:14

Nsoò fɔlɔɔ, ǹɗì rì ɓìɓan ɓidɛŋ ɓi ɓi ɓeɓi mɛ̀ rì wɔ̀; ù rì foo ri ɓum ɓɛdɛŋ ɓɛ ɓɛɛ̀ nɔ̀ɔnɔɔ̀tì dɔgtɛ̀n ì Balam; Balam àa nɗèsàg Balag lɛ a ki com ki lɛ ɓɔn ɓɛ Isirayɛl ɓɛɛ kɛɓtɛn fìɓàg lɛ ɓɛ ɗii ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓɛ ki ɗiŋi ɓi rìkìkì ɗi tisɔ̀mɔ̀g.

ÀPÒKÀLIƁSƐ̀ 2:20

Kìɓan kifog kìɓan ki ki ɓeɓi mɛ̀ rì wɔ̀ ki ri lɛ, ù ti ù càɗkì giɓ anɛ lɛ Zyezaɓɛl ànɛ à ti à kalàg lɛ à rì ǹkpaŋzì-ɓìɓan lɛ a reresi, à ki syòŋsyoŋ ɓɛ̀kìì-ɓìsay ɓɛm lɛ ɓɛɛ ɗiŋi ɓi tìsɔ̀mɔ̀g ti kìkiyɛn, ɓɛ ki ɗiɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.