1 KƆ̀RƐ̀ŊTYƐŊ 5:10 - Bafia Nouveau Testament

¹⁰ nni àa ɓɛ̀kìì-tìsɔ̀mɔ̀g ɓɛ ɓi ziinɛ ɓɛ̀cèm nsoò lɛ ɓumɓɛ ɓɛ ri rì kìsee ki-kum, rì ɓɛ̀wiiwìì, nsoò lɛ ɓɛ̀kìì-ɓìnùn ɓɛɛ̀ɓɛ mɛ̀ ǹkpaa lɛ kɛ̀ ɓi ràrɛn ɗi ɓɔ; i fɔɔnnɛ kaa rì, ɓì pɛ̀sɛ̀n nya min yɛɛ ri ɓi ziinɛ.

1 KƆ̀RƐ̀ŊTYƐŊ 5:10 ပူးပေါင်းရင်းမြစ်များ

LUKAS 18:11

Nni Fàrìzyɛŋ à rɛlìghà mɛ̀rey, à ɓɔ̀ɔ̀ɓɔ̀ŋzàg Bɛ̀ll rì ǹɗem, à kakàlì lɛ: Tààta Bɛ̀ll, ǹtògsaagh wɔ̀, ɓisuulɛ, ǹ-yin yɛ̀ɛ ɓum ɓɛm̀bog ɓɛ ɓɛ ri ɓɛ̀wiiwìì, rì ɓɛ̀kìì-kìɓe, rì ɓɛ̀kìì-tìsɔ̀mɔ̀g; nsoò yɛ̀ɛ ǹterì-làmpoŋ̀ ànɛnii.

ZYAŊ 15:19

I ɓi ɓa ɓum ɓɛ ziinɛ, di ziinɛ ì rì lɛ ì keesì mìni fɛlɛ yɛ̀ɛ com ki yɔ̀. Nni yɛ̀ɛ ɓì yin ɓum ɓɛ ziinɛ, ki ki ɓa lɛ m̀ɓɔ̀ngà mìni, m̀pisì mìni ɓi ziinɛ, kɛɛ̀ki ziinɛ yɛɛ̀ ɓèeɓeèzɛ̀n mìni miì.

ZYAŊ 17:6

Ǹɗèsìghà ɗii ɗyɔɔ a ɓumɓɛ ù faghà mɛ̀ ɓi ziinɛ; ɓɛ ɓaghà ɓum ɓɔɔ, nni ù faghà mɛ̀ ɓɔ, ɓɛ ki ɓèŋ jɛ̀ɛ̀ yɔ̀ɔ̀.

ZYAŊ 17:9

Ɓisu waa nnɛ m̀ɓɔ̀ŋzàg. Ǹ-yin ɓiì ɓɔ̀ɔɓɔ̀ŋzì ɓisuu ziinɛ, m̀ɓɔ̀ŋzii ɓisuu ɓɛroɓɛ ù faghà mɛ̀, ɓisuulɛ ɓɛ ri ɓɛnkɔ̀ɔ̀.

ZYAŊ 8:23

Nni Yeesus à kalìghà ɓɔ lɛ: Mìnii pɛsɛɛ wɔɔ fɛ ɓi ziinɛ, mɛ̀ m̀pɛ̀sɛɛ yì aɗyòò; mìnii ri ɓumɓɛ ɓi ziinɛ, mɛ̀ ǹ-yin ŋwaànɛ ɓi ziinɛ.

1 KƆ̀RƐ̀ŊTYƐŊ 1:20

Nni ŋwaà ɗyomzɛ̀n im̀be? Ǹɗèsàg ɓìdɔ̀gsɛna im̀be? Nni ǹkìì-nyoey anɛ ɓi ziinɛ à rì fe? Bɛ̀ll à rèsìghà lɛ ɗyomzɛ̀n ɗi ɓumɓɛ ɓi ziinɛ ɗi ri kìyèg.

1 KƆ̀RƐ̀ŊTYƐŊ 10:27

I ŋwaànɛ à yin ngherɛ̀n à lààghraagh mìni, ɓì ki gherɛn lɛ ɓi kɛǹ, ɓì ghɛ̀ɛ̀sɛɛ kìɗiì com kìcèm ki ɓɛ faa mìni, kɛ̀ɛ̀ mɛ̀riighrikì ɓi nɗem ɓisuu kiɓan ki righerɛ̀n.

1 KƆ̀RƐ̀ŊTYƐŊ 5:11

Com ki mɛ̀ɛ nkɔ̀ngi lɛ nkpaà mìni ɓi kaàtà wɛ̀m ki nɗì lɛ, ɓì ghɛ̀ɛ̀sɛɛ ɓi kiràrɛɛ ri ŋwaànɛ à rì lɛ, à reèghrèŋɗɛ̀n lɛ Kìristɛ̀n kìɓan kifog à kìkì tìsɔ̀mɔ̀g, à fa nɗem rì ìkum, à kìkì ɓìnùn, à keesì ɓɔlɛ, nyi kìnɔɔ̀-mɛ̀rɔ̀g nsoò lɛ wiiwìì; ɓì ghɛ̀ɛ̀sɛɛ ɓi gi kì ɗisɛɛ ri rìkuu ɗi mum ɗìn.

1 KƆ̀RƐ̀ŊTYƐŊ 5:9

Mɛ̀ɛ ǹkàniì mìni ɓi kaàtà wɛ̀m lɛ, kɛ̀ ɓi ràrɛn ri ɓɛ̀kìì-tìsɔ̀mɔ̀g,

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

FÌLÌPYƐŊ 2:15

di fɔɔnnɛ ɓì ɓa kɛ̀ɛ̀ bɛ̀lɛn, ɓì ki ɓa ɓɛtɛnɛn, ɓì ɓa ɓɔn ɓɛ Bɛ̀ll ɓɛ ɓɛ ri kɛ̀ɛ̀ kìɓeɓtàg ki kiɓan kidɛŋ ɓi nyìinyìm à gbàà ì ɓum ìnɛ ì rì ɓìɗyoŋi ì ki ɓa ti ɓɛ̀ɓèèɓeè; ɓì ghɛ̀ɛ̀sɛɛ kìlònlomi ɓi nyìinyìm wàà fɛlɛ yɛ̀ɛ tyɔɛy,

1 ZYAŊ 4:5

Ɓɔɔ ri ɓumɓɛ ɓi ziinɛ, kìɓan kiǹ kɛ̀ɛ̀ki ɓìtòkì ɓyaa ɓi ri ɓìtòkì ɓi ɓi ziinɛ, fɔɔnnɛ ziinɛ yɛɛ̀ wowog ɓɔ.

1 ZYAŊ 4:7

Mìni ɓum ɓɛm ɓɛ nɗem, ti kɔ̀nɛɛna ɓi nyìinyìm wìs ɓisuulɛ ǹkɔ̀nɛ̀n à ti à ɓalàg yì yɛ̀ɛ Bɛ̀ll, nni mum ǹcèm ànɛ à rì rì ǹkɔ̀nɛ̀n à rì man à Bɛ̀ll, à ki yii Bɛ̀ll.

1 ZYAŊ 5:19

Tì yii lɛ tì rì ɓum ɓɛ Bɛ̀ll, rì tì lɛ ziinɛ bimiɗ ì rì ɓi rìlàmì ɗi ghèghey à mum.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.