1 KƆ̀RƐ̀ŊTYƐŊ 4:5 - Bafia Nouveau Testament

⁵ Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

1 KƆ̀RƐ̀ŊTYƐŊ 4:5 ပူးပေါင်းရင်းမြစ်များ

MATYOO 10:26

Kɛ̀ ɓi risi ɓɔ, ɓisuulɛ kìɓan kidɛŋ ki a rìnyam kaa rɔ̀ɓ ɓi lɛ, ki kpagii ɓi dan, nsoò dwìɗ idɛŋ yàa rɔ̀ɓ ɓi lɛ ì yilɛɛ ɓi.

MATYOO 24:30

Fɔɔnnɛ kìfèèghrɛnà ki Man à mum ki ɓiì resɛɛ yi aɗyòò, mɛ̀kuu mɛ ɓum mɛ̀cèm mɛ ɓi ziinɛ mɛ ɓiì seeghkɛɛ mɛ ki ghɛn di Man à mum a sɛnsɛn yi aɗyòò ɓi ɓìkwìɗ, ǹɗonɛn rì coo ìtèɗ, rì coo rikèm.

MATYOO 24:46

Mààgh rì ǹkìì-kìsay anɛ̀n di masà wìì a sughiì à tanɛ̀n nyi di a kìki kisay kiǹ.

MATYOO 25:21

Masà wìì a kpaaghà nyi lɛ: Ki rɔɔtɛɛ; ù rì syeesyee à ǹkìì-kìsay, wɔ̀ tì ǹkìì-kìsay a ǹtyweeyi. Yɛ̀ɛ ù rèsii mɛ̀ lɛ, ù rì ŋwaà-ǹtyweeyi ɓi ɓyom ɓisàg, ǹɗì wɔ̀ ɓiì rɛsii ǹlàmì ɓi ɓyom ɓigwey; ɗiŋi ɓi kìnyàà ki masà wɔ̀ɔ̀.

MATYOO 25:23

Masà wìì a kpaa nyi lɛ: Ki rɔɔtɛɛ; ù rì syeesyee à ǹkìì-kìsay, wɔ̀ tì ǹkìì-kìsay a ǹtyweeyi; yɛ̀ɛ ù rèsii mɛ̀ lɛ, ù rì ŋwaà-ntyweeyi ɓi ɓyom ɓisàg, ǹɗi wɔ̀ ɓiì rɛsii ǹlàmì ɓi ɓyom ɓigwey fɔɔnnɛ, ɗiŋi ɓi kìnyàà ki masà wɔ̀ɔ̀.

LUKAS 6:37

Kɛ̀ ɓi ɓa ɓɛ̀yɔ̀mì ɓum fɔɔnnɛ Bɛ̀ll àa yɔ̀m ɓì mini; kɛ̀ ɓi fa ɓum zɔɔ, fɔɔnnɛ Bɛ̀ll àa fa ɓi mini zɔɔ; cenɛɛna ɓɛ̀geni ɓin, fɔɔnnɛ Bɛ̀ll à rì mìni ɓiì cenɛɛ.

ZYAŊ 21:22

Yeesus à ɓàg nyi lɛ: I ǹkɔ̀ni lɛ a ɓaɓa ɓi cɛɓ à kpaŋ yɛ̀ɛ ǹɗi sugtiì, ki ri wɔ̀ a cɛ? Wɔ̀ɔ̀ nɔ̀ɔ̀ti mɛ̀.

ZYAŊ 21:23

Ɓi jɛ̀ɛ̀ ìnɛn nnɛ ɓɔlɛ à sààghà ɓi nyìinyìm à ɓɛ̀geni ɓɛ ɓi rìgherɛ̀n lɛ ǹ-yilàg ànɛ̀n àa wu ɓi; kɔm̀ lɛ Yeesus à kpaaghà ɓi Pyɛɛri lɛ ǹ-yilàg ànɛ̀n àa wu ɓi. À kpaaghà lɔŋ lɛ: I ǹkɔ̀ni lɛ a ɓaɓa ɓi cɛɓ à kpaŋ yɛ̀ɛ ǹɗi sugtiì ki ri wɔ̀ a cɛ?

ZYAŊ 5:44

Lannɛ ɓì rì lɛ ɓì gherɛ̀n, di ɓi faafàlɛ̀n rìkem mìni rì mìni, kɛ̀ ɓi kaa rikem ɗi ɗi riì yɛ̀ɛ Bɛ̀ll cɛ̀ncii?

RÒMƐŊ 14:4

Wɔ̀ɔ̀ rì ghɛn anɛ ù rì lɛ ù yɔ̀m ǹkìì-kìsay a ɓɛ̀gan? Àa soo rì ǹsììrɛn ɓi kìsay kii, àa soo kpìi kìɓan kiǹ ki seesee masà wìì, nni à rì ɓiì ki sììrɛɛ ɓi kìsay kii kɛ̀ɛ kpì, lɛ Kan à rì rì ìtèɗ wulɛ à lènlèm nyi.

RÒMƐŊ 2:1

Fɔlɔɔ nnɛ wɛ̀ɛmiɗ anɛ u yɔ̀myɔm ɓum, ù yin ɗi com ki kpaayɛn ɓisuulɛ cààmɛ̀n ki u yɔ̀myɔm ɓɛro, kɛɛ̀ki u faafàlɛ̀n wɛ̀ɛmiɗ bɛ̀lɛn, lɛ wàànɛ u yɔ̀myɔm ɓum ù ti ù kìlàg girig ɓìɓan ɓi ɓɔɔ ti ɓɛ kilàg.

RÒMƐŊ 2:16

Kìɓan kiǹ kɛɛ ri ghɛnɛn ŋwos anɛ Bɛ̀ll à ri yɔm̀ ɓi Yeesus Kiris ɓìɓan ɓi ɓum ɓɛ ti ɓɛ kilàg a rìnyam; fɔlɔɔ nnɛ Syeesyee à Ɓɔlɛ ànɛ mɛ̀ɛ nghaaghagsì ɓum a rèrèsì.

RÒMƐŊ 2:29

Wɔ̀lɛ muu Ɓɛ̀yudɛ̀n à rì lɔŋ ŋwaànɛ rì rì nɗem wu Ɓɛ̀yudɛ̀n. Fɔlɔɔ nnɛ syeesyee à kɛ̀rɛ̀n à rì kɛ̀rɛ̀n ànɛ ɓi nɗem, ànɛ a kìikilɛ̀n rì Ǹghay à Bɛ̀ll, kɛ̀ɛ ɓa anɛ à rì yɛ̀ɛ ki ri ki kànɛn ɓi kaàtà à ɓìdɔ̀gsɛna. Mɛ̀sɛɛ̀ghsɛɛgh mɛ rikuu ɗi muu Ɓɛ̀yudɛ̀n ɗi fɔlɔɔ mɛ ti mɛ̀ kɛɛ̀ ɓayi a ɓum, mɛ ti mɛ ɓalàg yì lɔŋ yɛ̀ɛ Bɛ̀ll.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

1 KƆ̀RƐ̀ŊTYƐŊ 1:7

Fɔlɔɔ nnɛ com kidɛŋ ki kaarɛɛ tì ɓi mini ɓi rìɓoŋ ɗi ɓi ɓoŋɓoŋ cààmɛ̀n ki Yeesus Kiris à Kan wìs à ri rèsɛn ti.

1 KƆ̀RƐ̀ŊTYƐŊ 11:16

Wɔ̀lɛ i mum à kɔ̀ni ɓi lɛ a nyolɛn ɓi kìɓan kiǹ, à ghɛ̀ɛ̀sɛɛ kì yiì lɛ ɓìsii yin ɗi kìsyɔ̀ɔ̀ kiǹ, nsoò ɓìseŋi ɓi Bɛ̀ll ɓi yin girig rì kɔ.

1 KƆ̀RƐ̀ŊTYƐŊ 11:26

Ɓisuulɛ cààmɛ̀n kìcèm ki ɓì ɗii bìrɛs ìnɛ, ɓì ki nɔ ɓeŋ ànɛ, ɓi kakali riwù ɗi Kan, à kpaŋ lɔŋ yɛ̀ɛ à ri yù.

1 KƆ̀RƐ̀ŊTYƐŊ 15:23

Kìɓan kifog, ki ɓa lɛ, rì ɓum, rì cààmɛ̀n kaa; Kiris à ɓa ŋwaà beèbɛ̀y, ɓumɓɛ ɓɛ ri lɛ ɓɛŋkii, ɓɛ ɓɔ̀ɓ ŋwosi risugtìì ɗii.

1 KƆ̀RƐ̀ŊTYƐŊ 3:13

kìsay ki mum ǹcèm ki ri lɔŋ ɓiì rèsɛɛ. Ɓisuulɛ ŋwosi ɓɛyɔ̀m à ri kì lɛ ɓɛɛ yi kìsay kiǹ, lɛ ŋwos anɛ̀n à rì ɓiì rèsɛɛ ɓi ɗuu; fɔɔnnɛ ɗuu ɗyɛɛ ri biì rèsii riɓa ɗi kisay ki mum ǹcèm.

1 KƆ̀RƐ̀ŊTYƐŊ 3:14

Ŋwaànɛ kìtoŋ kii ki ri ɓiì rɔ̀ɓi kɛ̀ kɛɛ̀ ɗig, à ɓiì terì mɛ̀lèɓ.

1 KƆ̀RƐ̀ŊTYƐŊ 3:8

Lɛ ŋwaànɛ à ɓɛ̀li boo, rì ŋwaànɛ à tùɓii ɓɛ ri com kìfog, nni mum ǹcèm à rì ɓiì terì mɛ̀lèɓ mɛ mɛ ghɛɛ̀sɛɛ rì kìsay ki à kìghà.

2 KƆ̀RƐ̀ŊTYƐŊ 10:18

Ɓisuulɛ, àa ŋwaànɛ a sɛɛghsɛɛ̀ghrɛ̀n nyimiɗ innɛ ɓɛ ri ɓiì kalii lɛ rìkì ɗii ɗi ri lɛ syeesyee, lɔŋ roànɛ Kan à sɛɛgh innɛ rìkì ɗii ɗi rɔɔtɛɛ.

2 KƆ̀RƐ̀ŊTYƐŊ 10:9

Lɛ di kɛ̀ kɛɛ̀ ɓa yɛ̀ɛ nkɔ̀nkɔn lɛ nniŋzi mìni nyoo rì ɓɛ̀kaàtà ɓɛm.

2 KƆ̀RƐ̀ŊTYƐŊ 4:2

Ɓìsiì ɓengà ɓìɓan ɓi ntoòrìɗ ɓi ɓyɛɛ̀ kìikilɛ̀n a rìnyam; cɛɓ ki ti ghɛghɛɓ ki yin ɗi mɛ̀ghèy, fɔɔnnɛ tì ki yin ɓiì lɔ̀ɔghlɔgtì jɛ̀ɛ̀ ì Bɛ̀ll. Wɔ̀lɛ rìrèsì ɗi ti rèresi saaɗ ɗyɛɛ̀ɗi ti kaakaa bee inɛ ɓum ɓɛ̀cèm ɓɛɛ tyweeyi ɓìsi ɓi mis mɛ Bɛ̀ll.

2 KƆ̀RƐ̀ŊTYƐŊ 5:10

Ɓisuulɛ ɓìsi ɓɛ̀sɛ̀ɛ̀ ɓɛ̀cèm, tì ghɛ̀ɛ̀sɛɛ kì rɛlii ɓi mis mɛ Kiris lɛ a yɔm̀ ɓìsi, fɔlɔɔ nnɛ mum ǹcèm à ɓiì terì mɛ̀lèɓ mɛ mɛ ghɛɛ̀sɛɛ rì nyi, ɓi ɓìɓan ɓi à kìghà, nsoò ɓi syeesyee nsoò ɓi ɓeɓtɛn cààmɛ̀n ki à ɓaghà di a ka ghɛghɛɓ ɓi nyoo ì mɛ̀mùù.

TÈSÀLÒNÌSYƐŊ 5:2

Ɓisuulɛ mìniìɓɔmiɗ ɓì konaagh kì yiì lɛ ŋwos a Kan à rì ɓiì kpaŋì fɛlɛ yɛɛ wiiwìì à ti à yùlàg rì ìru.

EBIREEGH 4:13

Ɓi ɓyom ɓi Bɛ̀ll à kìghà, com kidɛŋ ki yin nyi kìnyamɛn, ɓyom ɓìcèm ɓi ri ɓìghaniyɛn lɛ kpeènye-kpèènyèè ɓi mis mɛ roànɛ à ghɛ̀ɛ̀sɛɛ ɓìsi kì tɔɔ̀gh kìsay ki tì kìghà.

ZYAG 4:11

Ɓɔɔsoŋ̀, kɛ̀ ɓi ɓùuɓuŋ̀ɗɛ̀n a mɓeɓɛn. Ŋwaànɛ à ɓùŋi geni a mɓeɓɛn nsoò lɛ à yɔ̀mi geni, a yi lɛ ɓìdɔ̀gsɛna ɓyɛɛ̀ɓi à tòogh kìɓe, à ki yɔ̀m ɓyɔ. Nni i wɔ̀ɔ̀ ti ɓiì yɔ̀myɔmi ɓidɔ̀gsɛna, di ù yiìdi mɓèŋì-ɓìdɔ̀gsɛna, ù ti ǹ-yɔ̀mì-ɓìdɔ̀gsɛna.

ZYAG 5:7

Ɓɔɔsoŋ̀ sììriina lɔŋ mɛrem à kpaŋ yɛ̀ɛ Kan à ri sugtiì; ɓì ti ɓì ghɛngì yɛ̀ɛ ǹsalì-dɛm a ti à maasàg nɗem ɓisuu riɓoŋ ɗi bwey yi ǹtonto rì yi siitòn, à kpaŋ yɛ̀ɛ bwey yìn yi ti yi nɔlàg.

ZYAG 5:9

Ɓɔɔsoŋ̀, ɓum ɓɛdɛŋ ɓɛ ɓi nyìinyìm wìn ɓɛ̀ kɛɛ̀ cɛmdag ɓɛro ɓɛmɓog, di fɔɔnnɛ ɓɛ̀ kɛɛ̀ yɔ̀m mini; ɓì ghɛɛ! Ǹ-yɔ̀mì-ɓum à ti a suunaa.

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.

1 PYƐƐRI 5:4

fɔlɔɔ nnɛ yɛ̀ɛ ǹkɔ̀mɛ̀n ɓɛ̀ɓèŋì-jɔ̀ɔ̀ à ɓiì kpaŋì, ɓì ɓiì terì tàm à rìkem ànɛ à yin lɛ à ɗyoŋ.

2 PYƐƐRI 3:12

Mìni ɓɛ ɓi ɓoŋɓòŋ, ɓì ki lolos lɛ di ŋwos a Bɛ̀ll àa kpaŋi, ŋwos anɛ̀n yɛɛ ri ŋwos anɛ ɗuu ɗi ri ɓiì yogsii ɗyoo, ɓyom ɓi ɓi ri ɓi ɗyoo ɓi ghaŋmɛ̀n rìtɔ̀n ɗi nɗòò wu ɗuu.

2 PYƐƐRI 3:4

ɓɛ ki kpaakpaa lɛ: Nni ǹkàg wu à kàkà lɛ à ɓiì sugtii yi wɛm̀be min? Lɛ à tumɛ̀n yɛ̀ɛ ɓɛ̀seŋi ɓis ɓɛ cuughà, ɓìɓan ɓìcèm ɓi ri lɔŋ zìŋ ɓi-kɔ̀ɔ̀ yɛ̀ɛ ɓyaà ɓa, à tumɛ̀n yɛ̀ɛ zi i kìlɛ̀ngà.

ZYUUDƐ 1:14

Ɓisuu ɓumɓɛ̀n innɛ Enɔg ànɛ à rì dòò yì Adam ì kìtaàɓɛ̀ɛ̀, à kpaŋzìghà ɓìɓan ɓi Bɛ̀ll à kpaa lɛ: Ghɛɛna, Kan à tiì rì ɓum ɓii ɓɛ titom ɓɛtɛnɛn, ɓìtuu lɛ ɓìtuu kɛ̀ɛ̀ bàlì,

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.

ÀPÒKÀLIƁSƐ̀ 20:12

Fɔɔnnɛ ǹghɛngà ɓìloŋ lɛ rì ɓi ɓɛsɛ̀ɛ̀mɛn rì ɓi ɓɔɓti, di ɓi rɛrɛlii asu wu ikɔ̀ɔ̀ wu rilàmì. Ɓɛ ŋwaɗkà ɓɛ̀kaàtà, ɓɛ ŋwaɗtì kaàtà àdɛŋ ànɛ à rì kaàtà à cɛɓ. Fɔɔnnɛ ɓɛ yɔmgà ɓìloŋ ɓiǹ lɔŋ yɛ̀ɛ mɛ̀kìkìì maa mɛ ɓaghà, lèg ànɛ yɛ̀ɛ ki ɓaghà kì kànɛn ɓi ɓɛ̀kaàtà ɓɛǹ.