1 KƆ̀RƐ̀ŊTYƐŊ 4:12 - Bafia Nouveau Testament

¹² Ti woowolɛ̀n ɓìsiìɓɔmiɗ ri ntɔɓ lɛ ti say rì ɓyàg ɓis, jàŋ inɛ ɓum ɓɛɛ̀ sɛɛsɛmgì ɓìsi, ɓìsii maŋmàŋ ɓɔ, ɓɛ ri yeeyeesì ɓisi, tì sììsììrì lɔŋ nɗem.

1 KƆ̀RƐ̀ŊTYƐŊ 4:12 ပူးပေါင်းရင်းမြစ်များ

MATYOO 5:11

Yiina lɛ, ɓì rì rì ɓɛ̀mààgh di ɓum ɓɛɛ̀ sɛɛsɛmgì mìni, ɓɛ tɔtɔ̀ɓ mìni, ɓɛ ki renɗen mini ɓìɓan ɓi nyoo zàɓ yi aɗyoo yìcèm ɓìsu wɛ̀m.

MATYOO 5:44

Kìɓan kìfog mɛ̀ ǹkalii mìni lɛ, keesiina ɓɛ̀bènàbena ɓin, ɓì màŋ ɓumɓɛ ɓɛɛ̀ cɛ̀ncɛm mini, ɓɛ̀roɓɛ ɓɛɛ̀ ɓèeɓeèzɛ̀n mìni, ɓì kì ɓɔ kìrɔɔ, ɓì ki ɓɔ̀ŋzag Bɛ̀ll ɓisuu ɓumɓɛ ɓɛɛ̀ yeeyeèsì mìni, ɓɛ tɔtɔ̀ɓ mìni,

LUKAS 23:34

Yeesus à kpaa lɛ: Tààta cenɛn ɓɔ, lɛ ɓɛ yii ɓi com ki ɓɛɛ̀ kìkì. Fɔɔnnɛ ɓɛ pikà ǹtɔ̀ŋ ɓi rìkàɓɓɛ̀n ɗi ɓilàà ɓi Yeesus.

LUKAS 6:28

Màŋina ɓumɓɛ ɓɛ ti ɓɛ cɛmgì mìni, ɓì ɓɔ̀ŋzàg ɓisuu ɓɛroɓɛ ɓɛɛ̀ tɔtɔɓ mini.

ZYAŊ 15:20

Yitiina jɛ̀ɛ̀ ìnɛ ǹkpaaghà mìni lɛ: Ǹkìì-kìsay a cee ɓi masà wìì. I ɓɛ yeesìghà mɛ̀, ɓɛ ri yeesi girig mìni. I ɓɛ ɓegà ɓìɓan ɓyɛm̀, ɓɛ ɓiì ɓèŋi girig ɓiŋkìn.

MƐ̀KÌKÌÌ MƐ ƁƐKƐ̀NÌ-FÌTOM 18:3

Yɛ̀ɛ ɓɛ ɓaghà rìkuu ɗi kisay ɗifog, kìsay ki toŋtoŋɛn ɓilaa rì tàpot, nni Pol à kɔ̀rìghà a lɔ̀ŋkaa ɓɛ sasày ǹɗaŋ.

MƐ̀KÌKÌÌ MƐ ƁƐKƐ̀NÌ-FÌTOM 20:34

Mìniìɓomiɗ ɓì yii lɛ, ǹsasàlà rì ɓyàg ɓyɛm̀ ɓi, lɛ ǹtanɛn ɓyom ɓi ti ghɛɓ miì lɛ rì mɛ̀, rì ɓumɓɛ ǹkɛ̀ɛ̀kɛ̀ɛ̀ghà rì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 7:60

Fɔɔnnɛ à kpìghà ɓi zi rì mɛ̀ɗu, à nyam jɛ̀ɛ̀ aɗyoo lɛ, Kan, cenɛn ɓɔ kìɓe ki! Yɛɛ̀ à kpaaghà fɔlɔɔ, nni à maasìghà.

RÒMƐŊ 12:14

Màŋina ɓumɓɛ ɓɛɛ̀ yeeyeèsì mìni, kɛ̀ ɓi cɛ̀m ɓɔ.

RÒMƐŊ 12:20

Wɔ̀lɛ, i bènàbena wɔɔ̀ a wowog zày, faa nyi ɓìɗilàg, i a wowog kinɔli, faa nyi mɛ̀nig mɛnɔyɛn, lɛ cààmɛ̀n ki ù kìi fɔlɔɔ, di ù kùnii nyi ɓɛ̀ràŋ ɓɛ ɗuu ɓɛ ghɛ̀g-ghɛ̀g ɓi nto.

RÒMƐŊ 8:35

Ghɛn yɛ̀ɛ ri lɛ à ghasì ɓìsi rì ǹkɔ̀nɛ̀n à Kiris? Rìkɛŋ gìn, iris giǹ, ǹ-yeesɛ̀n ànɛ ti tuutulɛ̀n ɗì nyi gìn, zày gìn, kìsoghà gìn, koŋnyoo gìn, rìwu yɔ̀?

1 KƆ̀RƐ̀ŊTYƐŊ 9:6

Gìn lɔŋ rì mɛ̀ rì Ɓarinaɓas ɓìsi cɛ̀ncis yɛɛ ghɛɛ̀sɛɛ kìsaayii lɛ ti tanɛn rì ɓìɗilàg!

2 KƆ̀RƐ̀ŊTYƐŊ 11:8

M̀pùmzìghà ɓìseŋi ɓi Kiris ɓidɛŋ, yɛ̀ɛ mɛ̀ɛ ntekii mɛ̀lèɓ a lɔ̀ŋkaa di nkìki kisay foo a lɔ̀ŋkin;

EFÈZYƐŊ 4:28

Ŋwaànɛ àa nti à fyaasàg ɓyom, à lèg ɓi wii, kìɓan kifog, a teki ntɔɓ lɛ a say rì ɓyàg ɓii yɛ̀ɛ ki ghɛɛ̀sɛɛ, fɔɔnnɛ a ɓa rì com ki à rì lɛ à ghɛɓsì soghàsogha ri kɔ̀.

TÈSÀLÒNÌSYƐŊ 2:9

Ɓɔɔsoŋ̀ ɓì rì lɛ ɓì yitì kìsay ki tì kìghà, rì ǹtɔɓ wu tì wokà; tì ghagsìghà mìni Syeesyee à Ɓɔlɛ à Bɛ̀ll tì ki sasay lɛ rì ìru rì ŋwos lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

2 TÈSÀLÒNÌSYƐŊ 3:8

Mum à faghà ɓi ɓisi ɓìɗilàg ɓi ti ɗi zɛy, tì sasàlà lɔŋ lɛ rì ìru rì ŋwos, tì wowòg mɛ̀tɔɓ rì kìfɔli lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TIMOTE 4:10

Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

1 PYƐƐRI 2:23

nyi ànɛ à ɓaghà lɛ, ɓɛ soo sɛmi nyi, kɛ̀ɛ pɛ̀ɛ̀zi mum kìsɛmì, àa soo wowòg rìkɛŋ kɛɛ̀ tam mum, kìɓan kifog, à fa ɓìɓan ɓìcèm rì Bɛ̀ll ànɛ à ti à yɔ̀mgì ɓum lɛ saaɗ;

1 PYƐƐRI 3:14

I ki kpaŋi gi kɔm̀ lɛ ɓi wog ǹtɔɓ ɓisuu saaɗ, di ɓì rì rì ɓɛ̀mààgh; kɛ̀ ɓi risi ɓum nsoò, kɛ̀ ɓi ki ɓùùsɛn;

1 PYƐƐRI 3:9

Kɛ̀ ɓi rɔ̀ŋ kiɓe ri kìɓe, nsoò lɛ ɓi pɛɛ̀zi fìsɛm ri fìsɛm, lɔŋ com ki ɓì ghɛɛ̀sɛɛ kìkiì ki ri lɛ ɓi maŋ̀maŋ ɓum, lɛ kìɓan ki Bɛ̀ll à reŋìghà mìni miì kɛɛ̀kìn, lɛ ɓi teɗ mɛ̀wus mɛ ɓɛmààgh.

1 PYƐƐRI 4:19

Fɔlɔɔ nnɛ ɓumɓɛ ɓɛɛ̀ wowog mɛtɔɓ lɛ Bɛ̀ll yɛɛ kɔni, ɓɛ ghɛɛ̀sɛɛ kì faà ɓyɛɓ ɓyaa ri ǹkìì-ɓyom ɓìcèm ànɛ à ti à roòzàg mɛ̀kàg mii, ɓi rìkì ɗi ɓɛɛ̀ kiki kirɔɔ.

ZYUUDƐ 1:9

Nsoò Mikaɛl ànɛ à rì rìfòm ɗi ɓum ɓɛ titom, ɓi nywey yi ɓɛ ɓaghà miì di ɓɛɛ̀ kaakaŋ̀ɗɛ̀n kìloŋ ki Moyis ɓɛɛ̀ Satàn, à fèèghrɛ̀ngà ɓi nyi kì ɓaàgh bɔ̀rɔ, à kpaaghà lɔŋ Satàn lɛ: Kan nyimiɗ yɛɛ pɔnɔ̀si wɔ̀.