1 KƆ̀RƐ̀ŊTYƐŊ 4:10 - Bafia Nouveau Testament

¹⁰ Tì rì ɓɛ̀ghalɛn ɓiyèg lɛ Kiris, wɔ̀lɛ mìnii ri rì ɗyomzɛ̀n ɓi Kiris ɓi ɗùm; ɓìsii ri ɓɛ̀kɔ̀kɔg, mìni ɓɛ̀tèteɗ; ɓum ɓɛ nyaànyààsì mìni, wɔ̀lɛ ɓɛ sɛɛ̀sɛ̀ɛ̀tì ɓìsi.

1 KƆ̀RƐ̀ŊTYƐŊ 4:10 ပူးပေါင်းရင်းမြစ်များ

MATYOO 24:9

Fɔɔnnɛ ɓɛ ri mìni ɓiì ɓangii, ɓɛ ki lɛ ɓi woòg mɛ̀tɔɓ, ɓɛ weeyì mìni, ɓìlɔ̀ŋ ɓìcèm ɓi ri mìni ɓiì ɓèèzɛɛ ɓisu wɛ̀m.

MATYOO 5:11

Yiina lɛ, ɓì rì rì ɓɛ̀mààgh di ɓum ɓɛɛ̀ sɛɛsɛmgì mìni, ɓɛ tɔtɔ̀ɓ mìni, ɓɛ ki renɗen mini ɓìɓan ɓi nyoo zàɓ yi aɗyoo yìcèm ɓìsu wɛ̀m.

LUKAS 10:16

I mum à woogh mìni, di mɛ̀ nnɛ à woogh; ŋwaànɛ à ɓeni mìni di à ɓèni mɛ̀; wɔ̀lɛ i mum à ɓèni mɛ̀ di, à ɓèni girig roànɛ à romgày mɛ̀.

LUKAS 18:9

Nni Yeesus à teetìghà dàɗkì ìdɛŋ ɓisuu ɓum ɓɛdɛŋ ɓɛ ɓɛ fefèkà lɛ ɓɔ yɛɛ ri ɓɛ̀saaɗ ɓɛ ɓum ɓi mis mɛ Bɛ̀ll ɓɛ ki sɛɛsɛɛ̀tì ɓɛ̀ro ɓɛm̀bog, à kpaa lɛ:

LUKAS 6:22

I ɓum ɓɛ ɓeèzɛɛ mìni, ɓɛ ɓèn mìni, ɓɛ sɛmgì mìni, ɓɛ ki ren mini ɗii ɓi ǹɗaŋ waa, ɓisuu Man à mum, ɓì ɓiì ɓaa rì ɓɛ̀mààgh.

MƐ̀KÌKÌÌ MƐ ƁƐKƐ̀NÌ-FÌTOM 17:18

Ɓɛ̀rèsàg dɔgtɛ̀n yidɛŋ yi yɛɛ, kpaakpaa lɛ ŋwaà keèsi rìyɛ̀y ɗi cɛɓ, rì lɛ, ŋwaà ghɛ̀ɛ̀sɛɛ kì ɓiɓì nɗem ɓi rìkɛŋ, ɓɛ tumɛ̀ngà girig ìkurè rì Pol, ɓɛ̀roɓɛ lɛ: Cɛ ǹkìì-kɛɛgh anɛ a kpaakpaa kɔmiɗ? Ɓɛ̀ro ɓɛm̀bog ɓɛ ɓaàg lɛ: Ki pisɛɛ yɛ̀ɛ a kakali kiɓan ki bɛ̀ll yidɛŋ, yi tì yii ɓi; ɓɛ ɓakà fɔlɔɔ ɓisuulɛ, ɓɛ wokà di Pol a kakali Ɓɔlɛ à Yeesus, rì rìghèmɓɛ̀n ɗi ɓiloŋ.

MƐ̀KÌKÌÌ MƐ ƁƐKƐ̀NÌ-FÌTOM 17:32

Lɔŋ yɛ̀ɛ ɓumɓɛ̀n ɓɛ wokà di Pol à ti ɓiì kpaakpaa kiɓan ki righèmɓɛ̀n ɗi ɓiloŋ, ɓɛ̀ro ɓɛdɛŋ ɓɛ kpusɛ̀n ɗi tyɛ̀y, ɓɛm̀bog ɓɛ kpaa nyi lɛ, tì ri wog kiŋkɔɔ kiǹ ŋwos adɛŋ.

MƐ̀KÌKÌÌ MƐ ƁƐKƐ̀NÌ-FÌTOM 26:24

Yɛ̀ɛ Pol à kpaàkpààsɛ̀ngà fɔlɔɔ, nni Fɛstus à kpaaghà jɛ̀ɛ̀ aɗyoo lɛ: Pol, ù rì kìyèg, coo riyi ɗyɔɔ ɗi ɓiɓan ɗi ghaasii wɔ̀ kìyèg.

MƐ̀KÌKÌÌ MƐ ƁƐKƐ̀NÌ-FÌTOM 9:16

Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

1 KƆ̀RƐ̀ŊTYƐŊ 1:23

Wɔ̀lɛ ɓìsiì làalam̀ɓɛ̀n Kiris ànɛ ɓɛ kpangà ɓi kɔrɔs aɗyoo, kìɓan kiǹ ki ri kìɓan ki kɛɛ̀ kɛ̀ɛkɛɓtì Ɓɛ̀yudɛ̀n fìɓàg, ki ɓa kìɓan ki kiyèg ɓisuu ɓumɓɛ ɓɛ yin Ɓɛ̀yudɛ̀n.

1 KƆ̀RƐ̀ŊTYƐŊ 1:25

Ɓisuulɛ kìɓan kicèm ki Bɛ̀ll à kìi ki pisɛ̀n kìyèg ki kiɓan, ɓi rìghɛn ɗi ɓum, ki cee ɗyomzɛ̀n ɗi ɓum, ki ɓɛ ghɛɛ ìkɔ̀g wu Bɛ̀ll miì, ki cee ìtèɗ wu ɓum.

1 KƆ̀RƐ̀ŊTYƐŊ 10:12

Fɔlɔɔ nnɛ ŋwaànɛ à yii lɛ à rì mɛ̀rɛy, à kɔ̀rì ɗyomzɛ̀n lɛ kɛ̀ɛ kpì.

1 KƆ̀RƐ̀ŊTYƐŊ 2:14

Ŋwaànɛ à yin ɗi Ǹghay à Bɛ̀ll, à yin lɛ à teɗ ɓìɓan ɓi Ǹghay à Bɛ̀ll a rìì rì ɓyɔ ɓisuulɛ ɓìɓan ɓiǹ ɓi ri ɓìyèg ɓi ɓiɓan ɓi rìghɛn ɗii, fɔɔnnɛ à yin lɛ à yi ɓyɔ̀, lɛ ɓi ri ɓìɓan ɓi ɓɛɛ̀ fiɓɓag ri Ǹghay.

1 KƆ̀RƐ̀ŊTYƐŊ 2:3

Fɔɔnnɛ m̀ɓaghà foo a lɔ̀ŋkin lɛ rì ìkɔ̀g, rì ìris, ǹki nìniŋi lɛ kpàg kpàg kpàg.

1 KƆ̀RƐ̀ŊTYƐŊ 3:18

Mum kɛ̀ɛ pwààrɛn, i ŋwaàdɛŋ ànɛ ɓi mìni a fèfeg lɛ nyii ri rì ɗyomzɛ̀n ɗi ɓi ziinɛ, à ghɛ̀ɛ̀sɛɛ ki ghalì kìyèg lɛ di a ɓa min ɗi ɗyomzɛ̀n.

1 KƆ̀RƐ̀ŊTYƐŊ 3:2

Milig mɛɛ̀mɛ ǹfaghà mìni àa ɓìɗilàg ɓi ɓi terì, ɓisuulɛ ɓì ɓaghà ɓi lɛ ɓì cenɛ̀n ɓyɔ rìɗi, nsoò ɓigomìnɛ, ɓì ka yin gi lɛ ɓì cenɛ̀n ɓyɔ rìɗi, ɓisuulɛ ɓì kaka ɓumɓɛ ɓi mɛ̀mùù.

1 KƆ̀RƐ̀ŊTYƐŊ 4:8

Ɓì mɛ wuràg, ɓì ki ti ɓɛ̀guŋgum; mìnii mɛ ɓɔg mɛfòm, ɓìsi kɛ̀ɛ̀ kìɓɔɔ̀gh, i ɓyàa rì kɔm̀ lɛ ɓì ɓa mɛ̀fòm mɛncèm lɛ ɓìsi girig ti lami nɗaŋ ri mìni.

2 KƆ̀RƐ̀ŊTYƐŊ 10:10

Ɓisuulɛ ɓɛ ti ɓɛ kpaaghì lɛ: Ɓɛ̀kaàtà ɓɛ Pol ɓɛ kiì lɛ ɓɛ nyɛn ɓɛ ki tèèsɛn, kìɓan kifog, cààmɛ̀n ki nyimiɗ yɛɛ rɛrɛlii, à ɓa kɛ̀ɛ̀ ìtèɗ, ɓìtòkì ɓii ɓi ki ɓa ɓitòkì ɓi ɓum ɓɛ ri lɛ ɓɛ sɛɛtì.

2 KƆ̀RƐ̀ŊTYƐŊ 11:19

Mìni ɓɛ ɓì rì ɓum ɓɛ ɗyomzɛ̀n, ɓì ti ɓì cenàg lɛ ɓi kɔri rì ɓumɓɛ ɓɛ ri ɓìyèg, kɛ̀ kɛɛ̀ yeesi mini.

2 KƆ̀RƐ̀ŊTYƐŊ 11:29

I ŋwaàdɛŋ à rì kɛ̀ɛ̀ ìtèɗ, ǹghɛnɛ̀n mɛ̀ɛmiɗ kɛ̀ɛ̀ ìtèɗ, i ŋwaàdɛŋ à kpìi ɓi kìɓe ɓiɗùm, kìɓan kiǹ ki fa mɛ̀ coo rikɛŋ lɛɛ̀gwey ɓi nɗem.

2 KƆ̀RƐ̀ŊTYƐŊ 13:9

Tì ti tì nyààràg di tì rì kɛ̀ɛ̀ ìtèɗ, kɔm̀ lɛ mìnii ri rì ìtèɗ, nni com ki ɓìsiì tɔtɔg ɓi bɔ̀ŋzɛ̀n yis ki ri lɛ, ɓi konag kì ɓaà ɓɛ̀kɔɔ̀kɔɔ̀ ɓɛ ɓɛgherɛ̀n.

2 KƆ̀RƐ̀ŊTYƐŊ 4:12

Fɔlɔɔ nnɛ rìwu ɗyɛɛ̀ kìki kisay ɓi ɓìsi, cɛɓ kɔɔ kikì kìsay ɓi mìni.

2 KƆ̀RƐ̀ŊTYƐŊ 6:8

ɓi rìkem rì ɓi zɛɛtɛn, ɓi mɛ̀sɛɛ̀ghsɛɛgh rì ɓi tìfena; ɓɛ seesèè ɓìsi yɛ̀ɛ ɓɛ̀pwààpwaà kɔm̀ lɛ tì rì ɓumɓɛ ɓɛɛ̀ kpaakpaa saaɗ;

TÈSÀLÒNÌSYƐŊ 4:8

Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.

1 PYƐƐRI 4:14

I ɓɛɛ̀ sɛɛsɛmgì mìni lɛ ɗii ɗi Kiris, di ɓì rì ɓɛ̀mààghmaagh ɓisuulɛ Ǹghay à rìkem, Ǹghay à Bɛ̀ll à rì ɓi mìni.