1 KƆ̀RƐ̀ŊTYƐŊ 3:5 - Bafia Nouveau Testament

⁵ Cɛ kɛɛ ri min lɛ Apolos? Cɛ kɛɛ ri lɛ Pol? Tì rì lɔŋ ɓɛ̀kìì-ɓìsay ɓɛ ɓɛ kighà lɛ ɓi gherɛn Bɛ̀ll, rìkì ɗi mum ǹcèm ɗi ɓa lɔŋ yɛ̀ɛ Kan à faghà nyi ìtèɗ wulɛ a ki.

1 KƆ̀RƐ̀ŊTYƐŊ 3:5 ပူးပေါင်းရင်းမြစ်များ

MATYOO 25:15

Fɔɔnnɛ à kìghà lɛ: à fa roànɛ tìraŋ̀ tìtaǹ, roànɛ tìraŋ̀ tiɓɛɛ̀, roàmbog fìraŋ̀ fìfog; à faghà mum bimiɗ ànɛ ɓi ɓɔ gàɓ ìnɛ ì ghɛ̀ɛ̀sɛɛ rì ìtèɗ wii, à kɛ̀n min rikɛ̀ɛ̀ ɗii.

LUKAS 1:2

ɓɛ ki kangà ɓyɔ lɔŋ yɛ̀ɛ ɓɛ̀wusìnɛ̀ɗ ɓɛ ɓɛ ghɛngà ɓìɓan ɓiǹ, à tumɛ̀n à rìtumɛ̀n, ɓɛ kpaaghà; ɓɛ̀wusìnɛ̀ɗ ɓɛǹ, ɓɛɛ ti ɓɛ̀ghagsì jɛ̀ɛ̀ ì Bɛ̀ll.

ZYAŊ 3:27

Nni Zyaŋ à ɓàkà ɓɔ lɛ: Mum à yin lɛ à ɓa rì com kidɛŋ, ki ki yin ki Bɛ̀ll à faa nyi.

MƐ̀KÌKÌÌ MƐ ƁƐKƐ̀NÌ-FÌTOM 18:24

Muu Ɓɛ̀yudɛ̀n àdɛŋ ɗii lɛ Apolos, ànɛ à yalɛ̀ngà a Alɛgsaŋdirii, à kpagà a Efɛɛzɛ. Ŋwaànɛ̀n à kìghà lɛ, à yi rìlɛ̀ŋì ɗi ɓitòkì, à ki yi ɓiɓan ɓi ɓi kaàtà à Bɛ̀ll lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 19:1

Cààmɛ̀n ki Apolos à ɓaa a Kɔrɛŋt, kɛɛ̀ki Pol à kìi lɛ, à mɛ rereniì ɓìlɔ̀ŋ ɓi ɓi dòn, à yù kì kpaŋì a Efɛɛzɛ, à tanɛn gàɓ ì ɓɛ̀yilàg wɔɔ, à tɔg ɓɔ lɛ:

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 16:12

Ɓi ɓɛg ànɛ yɛ̀ɛ Apolos à geni wìs, maà totònì nyi lɛ a yuiy a lɔ̀ŋkin nɗaŋ ɗi ɓɛ̀geni ɓis ɓɛdɛŋ, kìɓan kifog à kɔ̀ni ɓi lɛ a ki fɔlɔɔ nsoò lɛsàg ɓigomìnɛ, wɔ̀lɛ à ɓiì yùu di à ghɛɛ cààmɛ̀n, ki lɛ a yu miì.

1 KƆ̀RƐ̀ŊTYƐŊ 3:10

Ɓi lèg à geesɛ̀n ànɛ Bɛ̀ll à kìghà mɛ̀, nnɛ ǹ-yàghɛ̀ngà kìgɔ̀ŋgɔ̀m ki mɛɛ lɔŋ yɛ̀ɛ syeesyee à ǹtoŋì-ɓìtoŋ, nni ŋwaàdɛŋ à yùghà kì toŋì ɓi kìgɔ̀ŋgɔ̀m kiǹ aɗyòò; wɔ̀lɛ mum ǹcèm à ghɛ̀ɛ̀sɛɛ kì kɔ̀rii ɗyomzɛ̀n ɗì rìkuu ɗi kitoŋ ɗi a toŋtoŋ miì.

1 KƆ̀RƐ̀ŊTYƐŊ 3:22

Nsoò Pol, nsoò Apolos, nsoò Sefas, nsoò ziinɛ, nsoò cɛɓ, nsoò rìwu, nsoò ɓìɓan ɓi ɓi cààmɛ̀n ki, nsoò ɓi ɓi cɛɓ ki kɛɛ̀ yùyuiy, ɓyom ɓìcèm ɓi ri lɛ ɓyom ɓin.

1 KƆ̀RƐ̀ŊTYƐŊ 3:7

Fɔlɔɔ nnɛ ŋwaànɛ à ɓɛ̀li boo ì ɓyom à yin com nsoò roànɛ à tùɓii yɔ̀, lɔŋ Bɛ̀ll ànɛ à ti à kìlàg lɛ ɓyom ɓyɛɛ roò, nnyɛɛ ri com.

1 KƆ̀RƐ̀ŊTYƐŊ 9:17

I mɛ̀ɛmiɗ yɛɛ ɓekà lɛ nki kɔ di ǹɗì miì rì mɛ̀lèɓ, wɔ̀lɛ ǹɗì ǹtiniyɛn lɛ nki kɔ ɓi kàŋɓɛn lɛ ki ri mɛ̀ ǹtɛ̀g wu ɓɛ tɛgsii mɛ̀.

2 KƆ̀RƐ̀ŊTYƐŊ 11:23

I ɓɛ ri ɓɛ̀kìì-ɓìsay ɓɛ Kiris m̀ɓa kìyèg ki kɔɔ̀kɔɔ̀ lɛ mɛ̀ ǹɗì ǹkìì-kìsay a Kiris ǹcee ɓɔ, ɓi ɓìsay ɓi m̀mɛ kì, nni àa foo ri foo, ǹcee ɓɔ ɓi naà-zày yi m̀mɛ kɛ̀n, à kɛ̀n kì kpaŋì ɓi zàà yi ɓɛ mɛ kwiy mɛ, rì ɓi ɓɛ̀koŋnyoo ɓɛ riwù ɓɛ ǹti ǹghaaghràg miì ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 3:3

Kɛɛ̀ rèeresɛ̀n lɛ tɛntɛ̀ɛ̀n lɛ, ɓì rì kaàtà à Kiris, ànɛ à kànɛ̀ngà, ɓi kìsay kis, àa rì fìwey, lɔŋ rì Ǹghay à Bɛ̀ll ànɛ à rì cem; kaàtà ànɛn, à kànɛ̀ngà ɓi ɓi ɓìɓoŋ ɓi gɔ̀g, à kànɛ̀ngà lɔŋ ɓi ɓìɓoŋ ɓi mɛmùù, yɛɛ lɔ̀ɔ̀ lɛ ɓi mɛ̀rem min.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

2 KƆ̀RƐ̀ŊTYƐŊ 4:1

Bɛ̀ll yɛɛ faghà ɓìsi kìsay ki ɓi kìpuɓì-nɗem wìì, fɔlɔɔ nnɛ mùm mis mɛ yin miì lɛ mɛ fɔy.

2 KƆ̀RƐ̀ŊTYƐŊ 4:5

Àa ɓìsiìɓɔmiɗ nnɛ ti làalamɓɛ̀n ɓi ɓìɓan ɓi Bɛ̀ll ɓi ti kpaakpàà, lɔŋ Kan Yeesus Kiris nnɛ ti làalamɓɛ̀n, tì ki kpaaghi lɛ tì rì ɓɛ̀kìì-ɓìsay ɓin ɓisuu Yeesus.

2 KƆ̀RƐ̀ŊTYƐŊ 4:7

Ɓìsii tɛtɛɛgh ìkum wiǹ ɓi ɓìbɔkɔ̀ ɓi ɓi ri ɓì kìyɛn ɗi fyòò, lɛ di kɛɛ ghɛnɛn lɛ tɛntɛ̀ɛ̀n lɛ coo itèɗ wu kuukuùghràkɛ̀n wiǹ, wu yin itèɗ wis, wu ri ìtèɗ wu Bɛ̀ll.

2 KƆ̀RƐ̀ŊTYƐŊ 5:18

Ɓìɓan ɓiǹ ɓìcèm ɓi riì yɛ̀ɛ Bɛ̀ll ànɛ à kìghà lɛ paàzì ànɛ lɛ rì ɓìsi rì nyi a leg lɛ Kiris; nnyɛɛ ki faghà ɓìsi kìsay lɛ ɓum ɓɛɛ leg ɓi kìɓan ri nyi.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

EFÈZYƐŊ 3:7

ànɛ ǹɗì ǹkìì-kìsay anɛ miì lɛ rìfa ɗi Bɛ̀ll à faghà mɛ̀ ìtèɗ wii, ɓi geesɛ̀n yìì.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:25

Mɛ̀ ǹtighà ǹkìì-kìsay anɛ ɓi kìseŋi ki Kiris, lɛ ǹtɛ̀g wu Bɛ̀ll à tɛ̀gsìghà mɛ̀ lɛ nghagsi mìni jɛ̀ɛ̀ ì Bɛ̀ll lɛ kɔɔ̀kɔɔ̀,

TIMOTE 1:12

Ǹtògsaagh Yeesus Kiris à Kan wìs, ànɛ à faghà mɛ̀ ìtèɗ ɓisuulɛ, à ghɛngà lɛ ǹɗì mum ànɛ ɓɛ ri lɛ ɓɛ tyweeyì, yɛ̀ɛ à ɓɔ̀ngà mɛ̀ lɛ nki nyi kìsay.

1 PYƐƐRI 4:10

Yɛ̀ɛ mum ǹcèm ànɛ ɓi mìni à rì rì rìfa ɗi Bɛ̀ll à faghà nyi, kìina kìsay ri rìfa ɗi Bɛ̀ll à faghà mìni ɓi kìrɔɔ ki ɓum ɓɛmbog fɛlɛ yɛ̀ɛ ɓɛ̀syeesyee ɓɛ ɓum ɓɛ ɓɛɛ̀ kɛ̀ɛkɛɛ̀sì geesɛ̀n ì Bɛ̀ll ìnɛ ì ti ì ghɛnàg bee lɛ bee.