1 KƆ̀RƐ̀ŊTYƐŊ 3:21 - Bafia Nouveau Testament

²¹ Fɔɔnnɛ mum à ghɛ̀ɛ̀sɛɛ ɓi ki foŋì rìkem ɗii ɓi ɓum, ɓisuulɛ ɓyom ɓìcèm ɓi ri ɓiŋkìn.

1 KƆ̀RƐ̀ŊTYƐŊ 3:21 ပူးပေါင်းရင်းမြစ်များ

RÒMƐŊ 4:13

I Bɛ̀ll à kàkà Abiraham rì dòò yii lɛ ɓɛ ri ɓiì fɔ̀ni zi ɓi mɛ̀wus, ǹkàg wiǹ wu falɛ̀ngà ɓi ɓisuulɛ Abiraham à ɓègà ɓìdɔ̀gsɛna; kìɓan kifog Bɛ̀ll à faghà nyi ǹkàg wiǹ lɛ à ghɛngà nyi lɛ à rì lɛ saaɗ ɓi mis mii lɛ rìgherɛ̀n.

RÒMƐŊ 8:28

Tì ki yii girig lɛ ɓìɓan ɓìcèm ɓi ti ɓi syɔngì ɓi kìrɔɔ ki ɓumɓɛ ɓɛ keesii Bɛ̀ll, ɓumɓɛ̀n ɓɛɛ̀ɓɛ à rèŋìghà lɔŋ yɛ̀ɛ nɗem wii wu ghɛngà lɛ a reŋi ɓɔ.

RÒMƐŊ 8:32

Nyi ànɛ à kèŋìghà ɓi Man wiì à nyimiɗ, à faghà Man ànɛ̀n ɓisu wis ɓɛsɛ̀ɛ̀ ɓɛ̀cèm, nni lannɛ à rì ɓiì rɔ̀ɓi kɛ̀ɛ fa ɓisi ɓìɓan ɓìcèm bas rì Man wiì lɛ geesɛ̀n yìì.

1 KƆ̀RƐ̀ŊTYƐŊ 4:6

Ɓɔɔsoŋ̀, ɓisu win nnɛ màa teri dàɗkì yiǹ lɛ rì ɓi Apolos rì ɓi mɛ̀ɛmiɗ, lɛ i ɓì nɔ̀ɔ̀tii kìrèmzɛnà kis, fɔɔnnɛ ɓì ɓiì yilaagh yɛ̀ɛ ɓì rì lɛ ɓì rɔ̀ɓ kɛ̀ ɓi ceesi nɗèè wu ɓiɓan ɓi ɓi ri ɓìkànɛn, kɛ̀ ɓi faafàlɛ̀n mìniìɓɔmiɗ rikem lɛ ɓìi nsuugh ɓi jɛ̀m ì tɛɛnɛ à tɛɛnɛ, ɓì sɛɛtì tɛɛnɛ àmbog.

2 KƆ̀RƐ̀ŊTYƐŊ 4:15

Lɛ ɓìɓan ɓi ɓìcèm ɓyɛɛ̀ ghɛɛghɛnɛ̀n ɓisu win lɛ yɛ̀ɛ geesɛ̀n ì Bɛ̀ll yɛɛ̀ kɛ̀nkɛn asu ì tèèghtèghɛ̀n, yɛ̀ɛ ki lɛ, ɓum kìtuu ɓɛɛ ɓɔɔ̀ɓɔ̀ŋzì di ɓɛɛ̀ fafa ɓìtògsɛ̀n lɛɛ̀gwey, ɓi rìkem ɗi Bɛ̀ll.

2 KƆ̀RƐ̀ŊTYƐŊ 4:5

Àa ɓìsiìɓɔmiɗ nnɛ ti làalamɓɛ̀n ɓi ɓìɓan ɓi Bɛ̀ll ɓi ti kpaakpàà, lɔŋ Kan Yeesus Kiris nnɛ ti làalamɓɛ̀n, tì ki kpaaghi lɛ tì rì ɓɛ̀kìì-ɓìsay ɓin ɓisuu Yeesus.

2 KƆ̀RƐ̀ŊTYƐŊ 6:10

ɓɛ soo ri ɓeeɓeɓsì ɓìsi mɛ̀rem, ɓìsii ri lɔŋ kinyàà rì kìnyàà cààmɛ̀n kìcèm, ɓɛ seesèè lɛ tì rì ɓɛ̀soghàsogha, ɓìsii kuùkùmzì ɓum lɛɛ̀gwey, tyàa soo seèsèèrɛ̀n lɛ tì yin ɗi com, tì rì lɔŋ ri ɓyom ɓìcèm.

ÀPÒKÀLIƁSƐ̀ 21:7

Ŋwaànɛ à rì ɓiì yagsaagh nnyɛɛ ri ɓiì fɔ̀ni mɛwus mɛǹ, ǹɗì ɓiì ɓaà Bɛ̀ll wìì, nyii ɓa mɛ̀ man.