1 KƆ̀RƐ̀ŊTYƐŊ 3:18 - Bafia Nouveau Testament

¹⁸ Mum kɛ̀ɛ pwààrɛn, i ŋwaàdɛŋ ànɛ ɓi mìni a fèfeg lɛ nyii ri rì ɗyomzɛ̀n ɗi ɓi ziinɛ, à ghɛ̀ɛ̀sɛɛ ki ghalì kìyèg lɛ di a ɓa min ɗi ɗyomzɛ̀n.

1 KƆ̀RƐ̀ŊTYƐŊ 3:18 ပူးပေါင်းရင်းမြစ်များ

MATYOO 13:22

Ŋwaànɛ à ghaɓkà boo ì ɓyom ɓi nyìinyìm à ɓìkàrag yɛɛ ri roànɛ à woogh jɛ̀ɛ̀ ì Bɛ̀ll, kìɓan kifog, cɛɛ̀-ǹɗem à cɛɓ ki ɓi ziinɛ, ɗì rìyɛ̀y ɗi ikum ɓi laatàg jɛ̀ɛ̀ ìnɛn, ɓi ki lɛ, yɛ̀ kɛɛ̀ wum ɓiɗùn.

MATYOO 18:4

Kìɓan kiǹ kɛɛ̀ki, mum ǹcèm ànɛ à ɓiì sɛɛdii nyimiɗ ɓi zi fɛlɛ yɛ̀ɛ maa mutyàànɛ, nnyɛɛ ri ɓiì ceè ɓum ɓɛ̀cèm ɓi kìlɔ̀ŋ ki aɗyòò.

MARIKUS 10:15

Ǹkalii mìni ɓi saaɗ lɛ mum ǹcèm ànɛ à ghàɓi ɓi kilɔ̀ŋ ki Bɛ̀ll fɛlɛ yɛ̀ɛ maa ŋwɔɓti, àa ɗiŋi ɓi miì.

LUKAS 18:17

Ǹkalii mìni saaɗ lɛ, i mum à ghàɓi ɓi kilɔ̀ŋ ki Bɛ̀ll fɛlɛ yɛ̀ɛ maa ŋwɔɓti à yin lɛ à ɗiŋì miì.

LUKAS 21:8

Yeesus à ɓàg lɛ: Ɓì konàg lɛ mum kɛ̀ɛ yègsi mini, ɓisuulɛ ɓum lɛɛ̀gwey ɓɛ ɓiì yùyuu ri ɗii ɗyɛ̀m, rì ànɛn miì à kpaa lɛ: Mɛ̀ yɛɛ ri Kiris, rì tì lɛ cààmɛ̀n ki ti jàŋbog; kɛ̀ ɓi nɔ̀ɔ̀ti ɓɔ.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 12:16

Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.

1 KƆ̀RƐ̀ŊTYƐŊ 15:33

Kɛ̀ ɓi pwààrɛn, rìkɛ̀ɛ̀kɛ̀ɛ̀ ɗi rì ɓìɓeɓtàg ɓi ɓum ɗi ti ɗi yogsàg ɓìsyɔ̀ɔ̀ ɓì syeesyee ɓi mum à rì rì ɓyɔ.

1 KƆ̀RƐ̀ŊTYƐŊ 3:17

I ŋwaà wààghii naa ìnɛ Bɛ̀ll à kɔ̀kɔrii miì, Bɛ̀ll à wàagh gɛ girig nyi; lɛ naa ìnɛ Bɛ̀ll à kɔ̀kɔrii miì ì rì ǹtɛnɛn, nni mìni yɛɛ ki rì naa ìnɛ̀n.

1 KƆ̀RƐ̀ŊTYƐŊ 4:10

Tì rì ɓɛ̀ghalɛn ɓiyèg lɛ Kiris, wɔ̀lɛ mìnii ri rì ɗyomzɛ̀n ɓi Kiris ɓi ɗùm; ɓìsii ri ɓɛ̀kɔ̀kɔg, mìni ɓɛ̀tèteɗ; ɓum ɓɛ nyaànyààsì mìni, wɔ̀lɛ ɓɛ sɛɛ̀sɛ̀ɛ̀tì ɓìsi.

1 KƆ̀RƐ̀ŊTYƐŊ 6:9

Ɓì yii ɓi lɔŋ lɛ ɓumɓɛ ɓɛɛ̀ kìki ɓiɓeɓtàg ɓi ɓiɓan, ɓaa ɓa ɓi ri ìkɔ̀ɔ̀ ɓi kìlɔ̀ŋ ki Bɛ̀ll? Kɛ̀ ɓi pwààrɛn, à tumɛɛ lɛ, ɓumɓɛ ɓɛɛ̀ ghɛghɛɓ cɛɓ ki tifin, à kpaŋ lɛ ɓɛ̀kìì-ɓìnùn, rì ɓɛ̀kìì-tìsɔ̀mɔ̀g,

GÀLAT 6:3

I mum à terɛɛ nyimiɗ lɛ bimiɗ à mum, kɔlɛ à yin com, di à pwààrɛɛ nyimiɗ.

GÀLAT 6:7

Kɛ̀ ɓi pwààrɛn mìniìɓɔmiɗ, ɓaà yègsi ɓi Bɛ̀ll, lɔŋ com ki mum à ɓɛ̀li kɛɛ̀ki à rì girig ɓiì ɓùmii.

EFÈZYƐŊ 5:6

Mum kɛ̀ɛ yègsi mini rì ɓìtòkì ɓi kɛ̀ɛ̀-su lɛ ɓisuu ɓiɓan ɓiǹ innɛ bim i Bɛ̀ll ì rì ɓiì sɛni ɓi ɓɔn ɓɛ ɓɛ ri rì ǹtoòtèɗ.

2 TIMOTE 3:13

Kìɓan kifog ɓìɓeɓtàg ɓi ɓum rì ɓɛ̀pwààpwaà ɓɛ ri ɓiì kɛ̀nkɛni lɔŋ beèbɛ̀y ɗì rìkìkì ɗi kiɓe, ɓɛ naànààzì ɓum bee lɛ ɓɔmiɗ ɓɔɔ ka rì ɓɛ̀ɗimɛn bee.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

ZYAG 1:22

Kìina ɓìɓan ɓi jɛ̀ɛ̀ ì Bɛ̀ll yɛɛ̀ kpaakpàà, kɛ̀ ɓi rɔ̀ɓ lɔŋ lɛ rìwowòg ɗi jɛ̀ɛ̀ ìnɛ̀n ɗyɔ rì ɗyɔ, ɓì pwààpwààrɛ̀n mìniìɓɔmiɗ ri ɓɛ̀fèg ɓɛ ɓɛ ri ɓìtɛ̀ŋtɛ̀ŋ.

ZYAG 1:26

I mum a fèfeg lɛ à rì mum à rìgherɛ̀n kɛ̀ɛ ki ɓèŋ rìlemàg ɗii, kìɓan kifog à yèèghyègsì ǹɗem wii, rìgherɛ̀n ɗi ŋwaànɛ̀n ɗi ghɛɓsii ɓi com.

1 ZYAŊ 1:8

I tì kpaa lɛ, tì yin ɗi ɓìɓe, di tì pwààrɛɛ ɓìsiìɓɔmiɗ, saaɗ kɛ̀ɛ ki ɓa a lɔ̀ŋkis.