1 KƆ̀RƐ̀ŊTYƐŊ 3:16 - Bafia Nouveau Testament

¹⁶ Ɓì yii ɓi lɛ mìni yɛɛ ri naa ìnɛ Bɛ̀ll à kɔ̀kɔrii miì, rì tì lɛ Ǹghay à Bɛ̀ll à rì ɓi mìni.

1 KƆ̀RƐ̀ŊTYƐŊ 3:16 ပူးပေါင်းရင်းမြစ်များ

ZYAŊ 14:17

Nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ ziinɛ ì yin lɛ ì teɗ, ɓisuulɛ ì ghɛɛ ɓi nyi, yɛ̀ kɛɛ̀ ki yi nyi. Lɔŋ mìni yɛɛ yii nyi ɓisuulɛ à rì ɓi mìni.

RÒMƐŊ 6:16

Ɓì yii ɓi lɛ, i ɓì càrɛɛ lɛ ɓi ɓa ɓɛ̀kpàn ɓɛ mum lɛ ɓi kiki ŋwaànɛ̀n miì mɛ̀wog, lɔŋ lɛ ɓì ghali ɓɛ̀kpàn ɓɛ mum ànɛ ɓi kìki mɛwog anɛ̀n; kòo lɛ kìɓe, ki ki ti ki syogìì rìwu, kòo lɛ mɛ̀wog, mɛ mɛ ti mɛ kilàg lɛ mum a ɓa lɛ saaɗ ɓi mis mɛ Bɛ̀ll?

RÒMƐŊ 6:3

Ɓì yii ɓi lɛ ɓìsi ɓɛ̀sɛ̀ɛ̀ ɓɛ̀cèm ɓɛ tì ɓàɓtɛ̀ngà ɓi Yeesus Kiris ɓi ɗùm, ɓi rìwu ɗii nnɛ tì ɓàɓtɛ̀ngà lɔɔ?

RÒMƐŊ 8:11

Ǹghay à roànɛ à ghèmzìghày Yeesus a ɓìloŋ a rì ɓi mìni; roànɛ à ghèmzìghày Yeesus Kiris a ɓìloŋ anɛ̀n à ɓiì faa girig nyoo yin yi yi ti yi wulàg cɛɓ, rì Nghay wìì anɛ à rì ɓi mìni.

RÒMƐŊ 8:9

Ɓi san ànɛ a lɔ̀ŋkin, mɛ̀mùù mɛ lamii tì ɓi minì, lɔŋ Ǹghay à Bɛ̀ll yɛɛ lamii mìni, i ki ki rì lɛ, Nghay à Bɛ̀ll à rì ɓi mìni. Ŋwaànɛ à yin ɗi Nghay à Kiris, à yin mum wiì.

1 KƆ̀RƐ̀ŊTYƐŊ 3:17

I ŋwaà wààghii naa ìnɛ Bɛ̀ll à kɔ̀kɔrii miì, Bɛ̀ll à wàagh gɛ girig nyi; lɛ naa ìnɛ Bɛ̀ll à kɔ̀kɔrii miì ì rì ǹtɛnɛn, nni mìni yɛɛ ki rì naa ìnɛ̀n.

1 KƆ̀RƐ̀ŊTYƐŊ 3:9

Lɛ ɓìsiì kìki kisay ki Bɛ̀ll ǹɗaŋ, mìni yɛɛ ri dɛm i Bɛ̀ll, ɓì ki ɓa mɛɛ mɛ Bɛ̀ll a toŋtòŋ.

1 KƆ̀RƐ̀ŊTYƐŊ 5:6

Ɓi kìki ɓidaŋà ɓi zɛy! ɓì yii ɓi lɛ maa nwìɗ lɛsàg à ti à ɓɔgsàg ǹkùŋ wu ɓɛ tɔɓi?

1 KƆ̀RƐ̀ŊTYƐŊ 6:16

Nsoò ŋwos bog! Ɓì yii lɛ syeesyee lɛ ŋwaànɛ à ràrɛɛ rì giɓ a rìɓàmɓà, à ti nyoo bog rì giɓ anɛ̀n, ɓisuulɛ ki ri kìkaliyɛn lɛ: Kìɓɛ̀ɛ̀ ki ɓum ki ri ɓiì ghalì rìmùù ɗìfog.

1 KƆ̀RƐ̀ŊTYƐŊ 6:19

Ɓì yii ɓi lɛ, nyoo yìn i rì naa ì Kìtɛntɛ̀ɛ̀n ki Nghay ki ki ri ɓi mìni, ki Bɛ̀ll à faghà mìni? Fɔɔnnɛ ɓì làmii tì ɓi mìniìɓɔmiɗ.

1 KƆ̀RƐ̀ŊTYƐŊ 6:9

Ɓì yii ɓi lɔŋ lɛ ɓumɓɛ ɓɛɛ̀ kìki ɓiɓeɓtàg ɓi ɓiɓan, ɓaa ɓa ɓi ri ìkɔ̀ɔ̀ ɓi kìlɔ̀ŋ ki Bɛ̀ll? Kɛ̀ ɓi pwààrɛn, à tumɛɛ lɛ, ɓumɓɛ ɓɛɛ̀ ghɛghɛɓ cɛɓ ki tifin, à kpaŋ lɛ ɓɛ̀kìì-ɓìnùn, rì ɓɛ̀kìì-tìsɔ̀mɔ̀g,

1 KƆ̀RƐ̀ŊTYƐŊ 9:13

Ɓì yii ɓi lɛ naà-Bɛ̀ll yɛ̀ɛ ti ì mɛnàg ɓumɓɛ ɓɛɛ̀ kìki kisay ɓi naa ì Bɛ̀ll, rì tì lɛ, ɓumɓɛ ɓɛ ti ɓɛ tɔngì ɓyom ɓi ɓɛ̀ro ɓɛmbog ɓɛ yuu kì ɓɔgsii Bɛ̀ll rì ɓyɔ ɓi jàŋ inɛ ɓɛɛ̀ tɔ̀ngi ɓyom ɓɛ ti ɓɛ ɓalàg rì gàɓ ɓi ɓyom ɓìn?

1 KƆ̀RƐ̀ŊTYƐŊ 9:24

Ɓì yii lɛ ɓumɓɛ ɓɛ ri ɓi nlog à mɛ̀ree ɓi nlɛmɓog wu ticàɓ ɓɛɛ̀ ghɛghɛŋi ɓɛsɛ̀ɛ̀ ɓɛ̀cèm wɔ̀lɛ lɔŋ mum bog yɛɛ ti à kpagì, beèbɛ̀y à teɗ mɛ̀raà mɛ ɓi nlog ànɛ̀n? Nni ghɛŋiina lèg ànɛ lɛ ɓi teɗ mɛ̀raà mɛ ɓi nlog.

2 KƆ̀RƐ̀ŊTYƐŊ 6:16

Naà-Bɛ̀ll ì wuɓsɛɛ ɓi cɛ ri ɓìnùn ɓi zɛy? Lɛ ɓìsii ri naà-Bɛ̀ll ì Bɛ̀ll ànɛ à rì cem lɔŋ yɛ̀ɛ Bɛ̀ll à kpaaghà lɛ: Ǹkìi gɛ lɛ, ǹkɔ̀rì ǹki kɛ̀ɛ̀kɛɛ ɓi nyìinyìm wàà, m̀ɓaa gɛ Bɛ̀ll wàà, ɓɔɔ ɓa ɓum ɓɛm.

TIMOTE 3:15

Kìɓan kifog, nsoò màa lɛ̀mzii yì, ɓìɓan ɓi nkpaa ɓi ri wɔ̀ ɓiì rèsii lannɛ ki ghɛɛ̀sɛɛ lɛ u ghɛɓ ɓi naa ì ɓum ì Bɛ̀ll ìnɛ ì rì kìseŋi ki ɓɔn ɓɛ Bɛ̀ll ànɛ à rì cem à ki ɓa rikwìy ɗì kìlèmì ki saaɗ.

2 TIMOTE 1:14

Ɓèŋa syeesyee à rìrèsàg ànɛ ù rì rì nyi, rì nghɛɓsɛn wu Kitɛntɛ̀ɛ̀n ki Nghay ki ki ri ɓi ɓìsi.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

ZYAG 4:4

Mìni ɓɛ̀kìì-tìsɔ̀mɔ̀g ɓɛ! Ɓì yii ɓi lɛ i mum à rì rìghan ɗi ziinɛ di à rì bènàbena a Bɛ̀ll? Nni ŋwaànɛ à rì ɓiì kɔ̀ni lɛ a ɓa rìghan ɗi ziinɛ à rì ɓiì ɓaà bènàbena a Bɛ̀ll.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.

1 ZYAŊ 4:12

Mum à ka ghɛngà ɓi Bɛ̀ll; i tì rì rì ǹkɔ̀nɛ̀n ɓi nyìinyìm wìs, di Bɛ̀ll à rì a lɔ̀ŋkis, ǹkɔ̀nɛ̀n wìì a ki ɓa ɓi ɓìsi syeesyee à rìɓa.