1 KƆ̀RƐ̀ŊTYƐŊ 3:10 - Bafia Nouveau Testament

¹⁰ Ɓi lèg à geesɛ̀n ànɛ Bɛ̀ll à kìghà mɛ̀, nnɛ ǹ-yàghɛ̀ngà kìgɔ̀ŋgɔ̀m ki mɛɛ lɔŋ yɛ̀ɛ syeesyee à ǹtoŋì-ɓìtoŋ, nni ŋwaàdɛŋ à yùghà kì toŋì ɓi kìgɔ̀ŋgɔ̀m kiǹ aɗyòò; wɔ̀lɛ mum ǹcèm à ghɛ̀ɛ̀sɛɛ kì kɔ̀rii ɗyomzɛ̀n ɗì rìkuu ɗi kitoŋ ɗi a toŋtoŋ miì.

1 KƆ̀RƐ̀ŊTYƐŊ 3:10 ပူးပေါင်းရင်းမြစ်များ

MATYOO 24:45

Nkìì-kìsay anɛ à rì lɛ: nyi rì mɛ̀wog, nyi rì ɗyomzɛ̀n, nnyɛɛ rì ǹkìì-kìsay anɛ masà wìì a ɓɔgsìghà rìfòm ɗi ɓɛ̀kìì-ɓìsay ɓii ɓɛmbog, lɛ a falag ɓɔ ɓìɗilàg ɓi ɓyààmɛ̀n ɓi ɓi ghɛɛ̀sɛɛ.

MATYOO 7:24

Nni fɔlɔɔ nnɛ mum ǹcèm ànɛ à woogh ɓìɓan ɓi nkpaakpaa ɓi, à ki nɔ̀ɔ̀ti ɓyɔ à ɓiì pisɛɛ ŋwaà ɗyomzɛ̀n ànɛ à togà mɛɛ mii ɓi rìɓan aɗyòò.

LUKAS 11:35

Nni kɔ̀ri min ɗyomzɛ̀n lɛ, kìtɛɛtɛn ki ù rì rì kɔ, kɛ̀ kɛɛ ghay birìm.

LUKAS 21:8

Yeesus à ɓàg lɛ: Ɓì konàg lɛ mum kɛ̀ɛ yègsi mini, ɓisuulɛ ɓum lɛɛ̀gwey ɓɛ ɓiì yùyuu ri ɗii ɗyɛ̀m, rì ànɛn miì à kpaa lɛ: Mɛ̀ yɛɛ ri Kiris, rì tì lɛ cààmɛ̀n ki ti jàŋbog; kɛ̀ ɓi nɔ̀ɔ̀ti ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 18:27

Ajɛ̀m ìnɛn, Apolos à fèkà lɛ a kɛǹ a Akayi, ɓɛ̀geni ɓii ɓɛ righerɛ̀n ɓɛ teèsì nyi nyoo lɛ a kɛǹ, ɓɛ ki kàn ɓɛgherɛ̀n ɓɛ wɔɔ lɛ, ɓɛɛ ghaɓ nyi lɛ syeesyee. Yɛ̀ɛ à kpàgà wɔɔ, à ɓaghà rì ǹghɛɓsɛn ɓisuu ɓum ɓɛ̀cèm ɓɛ geesɛ̀n ì Bɛ̀ll ì kìghà lɛ, ɓɛɛ ɓa ɓɛ̀gherɛ̀n,

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 12:3

Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

RÒMƐŊ 15:15

Nsoò fɔlɔɔ mɛ̀ ǹkàniì mìni rì kìghɛɛsii lèg àdɛŋ, lɛ nghem̀zi mìni mɛ̀rem ɓi ɓìɓan ɓi ɓì ɓaghà di ɓyàa yilàg, mɛ̀ɛ ǹkàniì fɔlɔɔ, lɛ geesɛ̀n ìnnɛ Bɛ̀ll à rèsìghà mɛ̀,

RÒMƐŊ 15:20

Ǹfalɛ̀ngà mɛ̀ɛmiɗ rikem ɗi lɛ nkakali Syeesyee à Ɓɔlɛ lɔŋ ɓi jàŋ yi ɗii di Kiris ɗi ɓaghà di ɗi ka ɓuŋ̀ɗɛn ɓi, lɛ kɛ̀ɛ nki ɓa lɛ ǹtoŋ ɓi jàŋ inɛ ŋwaàdɛŋ à ɓaghà di à mɛ yàghɛn kitoŋ, wɔ̀lɛ lɔŋ yɛ̀ɛ ki ri kìkànɛn lɛ:

1 KƆ̀RƐ̀ŊTYƐŊ 3:11

Ɓisuulɛ ŋwaàdɛŋ à yin ɗi ìtèɗ wulɛ à yàghɛ̀n kìgɔ̀ŋgɔ̀m kidɛŋ ki ki yin ki ki ti kìyàghɛn, kɔ yɛɛ ri lɛ Yeesus Kiris.

1 KƆ̀RƐ̀ŊTYƐŊ 9:2

I ɓum ɓɛdɛŋ ɓɛ ɓeni kì gherɛɛ lɛ ǹɗì ǹkɛ̀nì-fìtom a Yeesus, nsoò mìni, mìnii ghɛɛ̀sɛɛ kì gherɛɛ lɛ ǹɗì ǹkɛ̀nì-fìtom, ɓisuulɛ mìni yɛɛ ri kìrèmzɛnà ki ɓi rìɓa ɗi ǹɗì ǹkɛ̀nì-fìtom, ɓi cɛɓ ki ɓi ghɛghɛɓ ɓi Kan ɓi ɗùm.

2 KƆ̀RƐ̀ŊTYƐŊ 10:15

Ɓìsii yin ɓiì sɛɛghsɛɛ̀ghrɛ̀n tì ceesàg ǹɗèè ɓi kìsay ki ɓum ɓɛdɛŋ, kìɓan kifog tì rì rì ǹtyweeyi lɛ rìgherɛ̀n ɗin ɗi ri ɓiì tɔɔ̀, fɔlɔɔ nnɛ tì ɓiì kìi kisay ki ki ri ɓiì ghɛnɛɛ ɓi nyìinyìm wìn ki cee fɔlɔɔ, ɓi mɛ̀rèè mɛ Bɛ̀ll à faghà ɓìsi.

EFÈZYƐŊ 2:20

Ɓì rì kìtoŋ ki ki ri kìyàghɛn yi ɓi kìsay ki ɓɛkɛ̀nì-fìtom, rì ki ɓɛkpaŋzì-ɓìɓan; Yeesus Kiris nyimiɗ a ɓa gɔ̀g ìnɛ ì ɓanɓani ntɔn à naa.

KÒLÒSYƐŊ 1:29

Kìsay kiǹ kɛɛ̀ki nkìkì, ǹɗùùɗùù rì nghɛɓsɛn wu ìtèɗ wii wu wɛɛ̀ kìki kisay ɓi mɛ̀ rì ìtèɗ.

KÒLÒSYƐŊ 4:17

Kaliina Arisip lɛ: Ù konàg rì kìsay ki Kan à faghà wɔ̀, tèèsi nyoo lɛ u konag kɔ kì kìi.

TÈSÀLÒNÌSYƐŊ 3:2

Fɔɔnnɛ tìi nɗomiì mìni geni wìs Timote, ànɛ à rì ǹkìì-kìsay a Bɛ̀ll ɓi rìghagsì ɗi Syeesyee à Ɓɔlɛ à Kiris lɛ a fa mìni ìtèɗ, à ki fegsi mìni ɓi rìgherɛ̀n ɗin;

TIMOTE 4:16

Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.

2 TIMOTE 2:15

Tèèsi nyoo lɛ u ghɛnɛn ɓi mis mɛ Bɛ̀ll fɛlɛ yɛ̀ɛ ŋwaànɛ à mɛ rèsi ɓum lɛ à rì mum, yɛ̀ɛ ǹkìì-kìsay anɛ à yin lɛ à wog ǹtoòrìɗ ri kìsay kii, ànɛ a rèresi jɛ̀ɛ̀ ì saaɗ yɛ̀ɛ kɛɛ̀ kɔ̀nkɔ̀n.

ZYAG 3:1

Ɓɛ̀geni ɓɛ̀m, ki rɔɔtɛɛ ɓi lɛ kìgwey ki ɓi mìni kɛɛ kaàkaa lɛ kɛɛ ɓa ɓɛ̀rèsàg ɓisuulɛ, ɓìsi ɓɛ tì rì ɓɛ̀rèsàg, ɓɛ̀yɔ̀m ɓis ɓɛ tèèsɛɛ gɛ ɓɛ cee ɓɛ ɓum ɓɛmbog.

1 PYƐƐRI 4:11

I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.

2 PYƐƐRI 3:15

Terina rìnìɗ ɗi ǹɗem ɗi Kan wìs lɛ ɗi ri ɓi kìrɔɔ kin lɔŋ yɛ̀ɛ geni wìs a nɗem ànɛ lɛ Pol à kàngà girig mìni ɓi ɗyomzɛ̀n ɗi Bɛ̀ll à faghà nyi.

ÀPÒKÀLIƁSƐ̀ 21:14

Bàŋbàŋ yi gari i bàn yi ɓalàkà yì toŋɛn ɓi ɓyoo gɔ̀g ǹtɛ̀ɗ ɗì ɓiɓɛɛ̀ aɗyoo, mii mɛ ɓɛkɛ̀nì-fìtom ɓɛ Man à jɔ̀ɔ̀ ntɛ̀ɗ rì ɓɛɓɛɛ̀, mɛ ɓalàkà mɛ̀kànɛn ɓi gɔ̀g yiǹ.

ÀPÒKÀLIƁSƐ̀ 21:19

Ɓyoo gɔ̀g ɓi bàŋbàŋ yi gari ì bàn yi ɓalàkà miì yìtoŋɛn aɗyoo, yi ɓaghà yì rɛ̀gakɛn ɗi gɔ̀g yi ŋwèrim-ŋwèrim mɛ̀kuu mɛ̀cèm; coo gɔ̀g ì ǹtonto ìnɛ ɓi gɔ̀g yiǹ ì ɓaghà ǹɗɛ̀ŋɛn ɗi zyaspɛ̀, ì kìɓɛ̀ɛ̀ ǹɗɛ̀ŋɛn ri sàfiir, ì kìraa rì kàlsèdwan, ì kìnìn rì èmèroòdɛ̀,