1 KƆ̀RƐ̀ŊTYƐŊ 2:14 - Bafia Nouveau Testament

¹⁴ Ŋwaànɛ à yin ɗi Ǹghay à Bɛ̀ll, à yin lɛ à teɗ ɓìɓan ɓi Ǹghay à Bɛ̀ll a rìì rì ɓyɔ ɓisuulɛ ɓìɓan ɓiǹ ɓi ri ɓìyèg ɓi ɓiɓan ɓi rìghɛn ɗii, fɔɔnnɛ à yin lɛ à yi ɓyɔ̀, lɛ ɓi ri ɓìɓan ɓi ɓɛɛ̀ fiɓɓag ri Ǹghay.

1 KƆ̀RƐ̀ŊTYƐŊ 2:14 ပူးပေါင်းရင်းမြစ်များ

MATYOO 16:23

Kìɓan kifog Yeesus à lɔ̀ɔ̀ghrɛ̀ngày à kpaa Pyɛɛri lɛ: Pɛ̀sɛn mɛ̀ ajɛ̀m Satàn, u kìki lɛ, u kɛɓti mɛ̀ fìɓàg, ɓisuulɛ mɛ̀yitì mɔɔ mɛ yin mɛyitì mɛ Bɛ̀ll, mɛ ri lɔŋ mɛyitì mɛ ɓum.

ZYAŊ 10:20

Kìgwey ki ɓi ɓɔ ki kpaakpààghà lɛ: Yeesus à rì rì kìɓeɓtàg ki nghay, à ki ɓa ti ndùŋɛn, ɓisuucɛ nnɛ ɓi wowog ɓiɓan ɓii?

ZYAŊ 12:37

Nsoò yɛ̀ɛ Yeesus à kìghà dàm yi ɓiɓan lɛɛ̀gwey ɓi mis maa, ɓɛ gherɛ̀ngà ɓi nyi,

ZYAŊ 14:17

Nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ ziinɛ ì yin lɛ ì teɗ, ɓisuulɛ ì ghɛɛ ɓi nyi, yɛ̀ kɛɛ̀ ki yi nyi. Lɔŋ mìni yɛɛ yii nyi ɓisuulɛ à rì ɓi mìni.

ZYAŊ 14:26

Kìɓan kifog m̀maasì mɛ̀rem ànɛ à rì Kìtɛntɛ̀ɛ̀n ki Nghay ki Tààta à ɓiì romìì ɓi ɗii ɗyɛ̀m, yɛɛ ri mìni ɓiì rèsaagh ɓiɓan ɓìcèm, à ki kì lɛ, ɓi yiti ɓìɓan ɓìcèm ɓi ǹkalìghà mìni.

ZYAŊ 15:26

Yɛ̀ɛ m̀maasì-mɛ̀rem ànɛ ǹɗì ɓiì romiì à ɓiì yùu, nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ à pɛ̀sɛɛ yì yɛ̀ɛ Tààta, à ɓiì tɛɛ̀zii ɓum kìɓan kɛm̀.

ZYAŊ 5:44

Lannɛ ɓì rì lɛ ɓì gherɛ̀n, di ɓi faafàlɛ̀n rìkem mìni rì mìni, kɛ̀ ɓi kaa rikem ɗi ɗi riì yɛ̀ɛ Bɛ̀ll cɛ̀ncii?

ZYAŊ 8:43

Ɓisuucɛ nnɛ ɓì woogh ɓi kitòkì kɛm̀? Lɛ ɓì yin lɛ ɓì wog jɛ̀ɛ̀ yɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 16:14

Giɓ àdɛŋ à ɓaghà wɔɔ ɗii lɛ Lidyaa àa m̀ɓɔgsàg Bɛ̀ll, à ɓaghà ǹkìì-dùne ì ɓìsyeesyee ɓi ɓilàà ɓi ɓàŋ ɓi bàn ì Tyatiir, à ramgà mɛ̀reè lɛ syeesyee lɛ a wog ɓìtòkì ɓis, fɔɔnnɛ Kan à nɛmgà nyi ǹɗem lɛ a konag kì woògh ɓìtòkì ɓi Pol.

MƐ̀KÌKÌÌ MƐ ƁƐKƐ̀NÌ-FÌTOM 17:18

Ɓɛ̀rèsàg dɔgtɛ̀n yidɛŋ yi yɛɛ, kpaakpaa lɛ ŋwaà keèsi rìyɛ̀y ɗi cɛɓ, rì lɛ, ŋwaà ghɛ̀ɛ̀sɛɛ kì ɓiɓì nɗem ɓi rìkɛŋ, ɓɛ tumɛ̀ngà girig ìkurè rì Pol, ɓɛ̀roɓɛ lɛ: Cɛ ǹkìì-kɛɛgh anɛ a kpaakpaa kɔmiɗ? Ɓɛ̀ro ɓɛm̀bog ɓɛ ɓaàg lɛ: Ki pisɛɛ yɛ̀ɛ a kakali kiɓan ki bɛ̀ll yidɛŋ, yi tì yii ɓi; ɓɛ ɓakà fɔlɔɔ ɓisuulɛ, ɓɛ wokà di Pol a kakali Ɓɔlɛ à Yeesus, rì rìghèmɓɛ̀n ɗi ɓiloŋ.

MƐ̀KÌKÌÌ MƐ ƁƐKƐ̀NÌ-FÌTOM 17:32

Lɔŋ yɛ̀ɛ ɓumɓɛ̀n ɓɛ wokà di Pol à ti ɓiì kpaakpaa kiɓan ki righèmɓɛ̀n ɗi ɓiloŋ, ɓɛ̀ro ɓɛdɛŋ ɓɛ kpusɛ̀n ɗi tyɛ̀y, ɓɛm̀bog ɓɛ kpaa nyi lɛ, tì ri wog kiŋkɔɔ kiǹ ŋwos adɛŋ.

MƐ̀KÌKÌÌ MƐ ƁƐKƐ̀NÌ-FÌTOM 18:15

Nni yɛ̀ɛ ki rì lɛ ɓi nyoonyolɛ̀n ɓi dɔgtɛ̀n ìdɛŋ rì ɓi mii mɛdɛŋ, rì ɓi ɓìdɔ̀gsɛna ɓin, mìniìɓɔmiɗ yɛɛ ghɛɛ̀sɛɛ kìpègsɛɛ kiɓan kin; mɛ̀ ǹ-yin lɛ ǹ-yɔ̀m ɓìɓan ɓi fɔlɔɔ.

MƐ̀KÌKÌÌ MƐ ƁƐKƐ̀NÌ-FÌTOM 25:19

Paàzì wàà àa nɗì ɓi kìɓan ki ki seesee rìgherɛ̀n ɗyaa, à ɓiìɓììsɛ̀n ɓi kìɓan ki ŋwaàdɛŋ lɛ Yeesus, ànɛ à wughà, wɔ̀lɛ Pol nyii kalàg lɛ, ànɛn à rì cem.

1 KƆ̀RƐ̀ŊTYƐŊ 1:18

Ɓisuulɛ rìlààlàmɓɛ̀n ɗi kɔrɔs ɗi ri kìɓan ki kiyèg ɓisuu ɓumɓɛ ɓɛ ghɛɛ̀sɛɛ kì ɗyaŋì, wɔ̀lɛ ɓisuu ɓisi ɓɛ tì rì rì cɛɓ, ɗi ri ìtèɗ wu Bɛ̀ll.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

1 KƆ̀RƐ̀ŊTYƐŊ 1:23

Wɔ̀lɛ ɓìsiì làalam̀ɓɛ̀n Kiris ànɛ ɓɛ kpangà ɓi kɔrɔs aɗyoo, kìɓan kiǹ ki ri kìɓan ki kɛɛ̀ kɛ̀ɛkɛɓtì Ɓɛ̀yudɛ̀n fìɓàg, ki ɓa kìɓan ki kiyèg ɓisuu ɓumɓɛ ɓɛ yin Ɓɛ̀yudɛ̀n.

1 KƆ̀RƐ̀ŊTYƐŊ 1:25

Ɓisuulɛ kìɓan kicèm ki Bɛ̀ll à kìi ki pisɛ̀n kìyèg ki kiɓan, ɓi rìghɛn ɗi ɓum, ki cee ɗyomzɛ̀n ɗi ɓum, ki ɓɛ ghɛɛ ìkɔ̀g wu Bɛ̀ll miì, ki cee ìtèɗ wu ɓum.

1 KƆ̀RƐ̀ŊTYƐŊ 15:44

Ɓɛ ti ɓɛ ɓomgì yɔ̀ lɛ nyoo ì mɛ̀mùù, ɓi rìghèmɓɛ̀n ì ɓa nyoo ì nghay, lɛ i nyoo ì mɛ̀mùù ì rì wɔɔ, ìnɛ ɓi nghay ì ɓa girig wɔɔ.

1 KƆ̀RƐ̀ŊTYƐŊ 15:46

Wɔ̀lɛ àa com ki ki ri nghay kɔ yɛɛ ti ki lokì, lɔŋ ki ki ri mɛ̀mùù, ajɛ̀m ìnɛn, ki ki ri nghay ki nɔɔ̀tìì.

1 KƆ̀RƐ̀ŊTYƐŊ 2:12

Ɓi ɓɛg ànɛ a lɔ̀ŋkis, àa ǹghay wu ɓi ziinɛ wɛɛ̀wu tì tekà, lɔŋ Nghay ànɛ à rìì yɛ̀ɛ Bɛ̀ll lɛ di ti yi ɓyom ɓi Bɛ̀ll à faghà ɓìsi ɓi geesɛ̀n yìì.

1 KƆ̀RƐ̀ŊTYƐŊ 3:1

Ɓɔɔsoŋ̀! Ɓi ɓɛg ànɛ a lɔ̀ŋkɛm̀, ǹtòòghrɛ̀ngà ɓi ri mìni yɛ̀ɛ rì ɓumɓɛ ɓɛ ti rì Ǹghay à Bɛ̀ll, wɔ̀lɛ ǹtòòghrɛ̀ngà lɔŋ ri mìni yɛ̀ɛ rì ɓumɓɛ ɓɛ ri ɓumɓɛ ɓi mɛ̀mùù, lɔŋ yɛ̀ɛ rì ɓumɓɛ ɓɛ kaka ɓɔn ɓɛsàg ɓi Kiris.

ZYAG 3:15

Rìkuu ɗi ɗyomzɛ̀n ɗiǹ ɗi yin ɗyomzɛ̀n ɗi ɗi riì aɗyoo, ɗi ri lɔŋ ɗyomzɛ̀n ɗi ɓi ziinɛ, ɗi mum à mɛ̀mùù, ɗi ki ɓa ɗyomzɛ̀n ɗi ɗi riì yɛ̀ɛ Satàn.

1 ZYAŊ 2:20

Ɓi ɓɛg ànɛ a lɔ̀ŋkin, ɓì mɛ teɗ Kitɛntɛ̀ɛ̀n ki Nghay ki Kiris à sààtìghà ɓi mìni, fɔlɔɔ nnɛ ɓì mɛ yi saaɗ ɓɛ̀sɛ̀ɛ̀ ɓɛ̀cèm.

1 ZYAŊ 2:27

Ɓi ɓɛg wìn, Kiris à miskà Nghay wìì ɓi mìni; fɔɔnnɛ ɓì yiìdi ri zày ì rìrèsàg ɗi ŋwaàɗɛŋ ɓisuulɛ Nghay wìì a rèresi mini ɓìɓan ɓicèm; rìrèsì ɗii ɗi ri lɛ saaɗ, ɗi yin ɓɛpwàà, kìɓan kiǹ kɛɛ̀ki ɓì ghɛɛ̀sɛɛ kì woògh rìrèsì ɗi Nghay, ɓì ɓa ɓɛ̀ràrɛn ɗi Kiris.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

ZYUUDƐ 1:19

Ɓumɓɛ̀n ɓɛɛ ti ɓɛ syogìì gasɛ̀n ɓi nyìinyìm à ɓum, mɛ̀yitì maa mɛ ɓa mɛ̀yitì mɛ ɓumɓɛ ɓi ziinɛ, ɓɛ yin ɗi Ǹghay à Bɛ̀ll.