1 KƆ̀RƐ̀ŊTYƐŊ 2:13 - Bafia Nouveau Testament

¹³ Nni ɓìsii yin ɓiì kpaakpaa kiɓan ki rì jɛ̀ɛ̀ yi tì teriì ɓi ɗyomzɛ̀n ɗi ɓum; ti kpaakpaa lɔŋ kɔ rì jɛ̀ɛ̀ yi Ǹghay a rèresi ɓisi, tì ki rèresi ɓumɓɛ ɓɛ ri rì Ǹghay ànɛ̀n ɓɛ̀saaɗ ɓɛ ɓi ɓìɓan ɓi ɓi Nghay lɛ tɛntɛ̀ɛ̀n.

1 KƆ̀RƐ̀ŊTYƐŊ 2:13 ပူးပေါင်းရင်းမြစ်များ

LUKAS 12:12

Lɛ, Kìtɛntɛ̀ɛ̀n ki Nghay ki ri mìni ɓiì rèsii com ki ɓì ghɛ̀ɛ̀sɛɛ kì kpaà ɓi cààmɛ̀n kiǹ.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

1 KƆ̀RƐ̀ŊTYƐŊ 1:17

Ɓisuulɛ Kiris à romgày ɓi mɛ lɛ mɓààɓàɓtì ɓum, wɔ̀lɛ à romgày mɛ̀ lɛ nkakali Syeesyee à Ɓɔlɛ, ǹki kì kiɓan kiǹ kɛ̀ɛ̀ ɗyomzɛ̀n ɗi ɓitòkì, lɛ di kɛ̀ kɛɛ̀ ɓa yɛ̀ɛ kɔrɔs à Kiris à rì com ki zɛy.

1 KƆ̀RƐ̀ŊTYƐŊ 14:2

Ɓisuulɛ ŋwaànɛ a tòtog ɓìkènekènè ɓi ɓitòkì, à yin ɓiì tòtoogh ri ɓum, lɔŋ rì Bɛ̀ll nnɛ a tòtòg ɓisuulɛ à yin lɛ à wog com ki a kpaakpàà; rì ǹghay innɛ a kpaakpaa ɓiɓan ɓi rim.

1 KƆ̀RƐ̀ŊTYƐŊ 2:1

Ɓɔɔsoŋ̀, cààmɛ̀n ki mɛ̀ɛmiɗ ǹ-yùghà a lɔ̀ŋkin lɛ nghagsi mìni kɔɔ̀kɔɔ̀ à kìɓan a Bɛ̀ll ànɛ à ɓaghà a rìnyam, m̀ɓaghày ɓi ri ɓìtòkì ɓi ɓi yeesɛɛ rìwog, nsoò lɛ coo ɗyomzɛ̀n.

1 KƆ̀RƐ̀ŊTYƐŊ 2:14

Ŋwaànɛ à yin ɗi Ǹghay à Bɛ̀ll, à yin lɛ à teɗ ɓìɓan ɓi Ǹghay à Bɛ̀ll a rìì rì ɓyɔ ɓisuulɛ ɓìɓan ɓiǹ ɓi ri ɓìyèg ɓi ɓiɓan ɓi rìghɛn ɗii, fɔɔnnɛ à yin lɛ à yi ɓyɔ̀, lɛ ɓi ri ɓìɓan ɓi ɓɛɛ̀ fiɓɓag ri Ǹghay.

1 KƆ̀RƐ̀ŊTYƐŊ 2:4

Rìrèsàg ɗyɛm̀, rì ɓìɓan ɓi Bɛ̀ll ɓi ǹkpaakpààghà, ɓi ɓaghà ɓi ri ɓɛ̀syeesyee ɓɛ jɛ̀ɛ̀ ɓɛ ɓɛ ti ɓɛ ɓalàg yì ɓi ɗyomzɛ̀n ɗi ɓum, ɗi ki syògi ɓɔ mɛ̀rem, ɓi ɓaghà lɔŋ ɓiɓan ɓi Ǹghay à Bɛ̀ll yɛɛ rerèsìghà saaɗ ànɛ miì, rì ìtèɗ wii.

1 KƆ̀RƐ̀ŊTYƐŊ 9:11

I ɓìsii ɓɛlà ɓìrɔɔ ɓi ɓi nghay ɓi mìni, nni ki ɓeɓtɛɛ nya lɛ ti ɓumi gàɓ ì ɓìɗilàg ɓi zɛy a lɔ̀ŋkin?

EFÈZYƐŊ 5:19

Ɓì kuùkùrɛ̀n rì ɓɛ̀sam, rì mɛ̀ɓàlì, rì tyem ti Bɛ̀ll; ghàɓina mɛ̀ɓàlì lɛ ɓi ɓɔgsi Kan, rì mɛ̀rem min mɛcèm.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

2 PYƐƐRI 1:16

Lɛ yɛ̀ɛ tì rèsìghà mìni kìɓan ki lɛ Kan wìs Yeesus Kiris à rì ɓiì sugtii yi, à ɓay rì ìtèɗ, tì ɓaàdɛ̀ngà ɓi ɓi mɛ̀kànkàn mɛ ɓum ɓɛ konaagh kì syaàgh, tì rèsìghà lɔŋ mini kìɓan kiǹ ɓisuulɛ ɓìsiìɓɔmiɗ tì ghɛngà rìgwey ɗii fɛlɛ rì mis mìs.