1 KƆ̀RƐ̀ŊTYƐŊ 2:12 - Bafia Nouveau Testament

¹² Ɓi ɓɛg ànɛ a lɔ̀ŋkis, àa ǹghay wu ɓi ziinɛ wɛɛ̀wu tì tekà, lɔŋ Nghay ànɛ à rìì yɛ̀ɛ Bɛ̀ll lɛ di ti yi ɓyom ɓi Bɛ̀ll à faghà ɓìsi ɓi geesɛ̀n yìì.

1 KƆ̀RƐ̀ŊTYƐŊ 2:12 ပူးပေါင်းရင်းမြစ်များ

RÒMƐŊ 8:1

Nni ɓigomìnɛ, ɓumɓɛ ɓɛ ri ɓi Yeesus Kiris ɓi ɗùm, ɓɛ yiìɗi ri bɛ̀lɛn nsoò lɛsàg, ɓɛ yiìdi ɓiì ghɛghɛɓi yɛ̀ɛ mɛ̀mùù mɛɛ̀ titini ɓɔ lɛ ɓɛɛ ghɛɓ, ɓɛɛ̀ nɔ̀ɔnɔɔ̀tì lɔŋ cɛɓ ki Nghay à Bɛ̀ll a rèresi ɓɔ.

RÒMƐŊ 8:32

Nyi ànɛ à kèŋìghà ɓi Man wiì à nyimiɗ, à faghà Man ànɛ̀n ɓisu wis ɓɛsɛ̀ɛ̀ ɓɛ̀cèm, nni lannɛ à rì ɓiì rɔ̀ɓi kɛ̀ɛ fa ɓisi ɓìɓan ɓìcèm bas rì Man wiì lɛ geesɛ̀n yìì.

1 KƆ̀RƐ̀ŊTYƐŊ 1:27

Wɔ̀lɛ Bɛ̀ll à ɓɔ̀ngà ɓìɓan ɓi ziinɛ yɛɛ̀ seesee lɛ ɓìyèg ɓi ɓiɓan, lɛ a fa ɓum ɓɛ ɗyomzɛ̀n ǹtoòrìɗ, à ɓɔ̀n ɓyom ɓi ɓi ri kɛ̀ɛ̀ ìtèɗ, lɛ a fa ɓɛ̀tèteɗ ǹtoòrìɗ.

1 KƆ̀RƐ̀ŊTYƐŊ 2:6

Kɔlɛ ɗyomzɛ̀n ɗidɛŋ ɗyɛɛ̀ɗi ɓìsiì rèresi ɓɛ̀kìristɛ̀n ɓɛ ɓɛ mɛ kadɛ̀n; ɗyomzɛ̀n ɗiǹ ɗi yin ɗyomzɛ̀n ɗi ɓi ziinɛ, nsoò lɛ ɗi mɛfòm mɛ ɓi ziinɛ, mɛ mɛɛ ɓiì ɓaà mɛ̀tììsiyɛn.

1 KƆ̀RƐ̀ŊTYƐŊ 3:22

Nsoò Pol, nsoò Apolos, nsoò Sefas, nsoò ziinɛ, nsoò cɛɓ, nsoò rìwu, nsoò ɓìɓan ɓi ɓi cààmɛ̀n ki, nsoò ɓi ɓi cɛɓ ki kɛɛ̀ yùyuiy, ɓyom ɓìcèm ɓi ri lɛ ɓyom ɓin.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

ZYAG 4:5

Àa zɛy innɛ ki ri kìkànɛn lɛ: Bɛ̀ll à ti à keesàg Nghay wu à fogà ɓi ɓìsi à kpaŋ lɛ a ki yɔ̀ɔ̀tì ɓisuu Nghay wìn.

1 ZYAŊ 2:20

Ɓi ɓɛg ànɛ a lɔ̀ŋkin, ɓì mɛ teɗ Kitɛntɛ̀ɛ̀n ki Nghay ki Kiris à sààtìghà ɓi mìni, fɔlɔɔ nnɛ ɓì mɛ yi saaɗ ɓɛ̀sɛ̀ɛ̀ ɓɛ̀cèm.

1 ZYAŊ 2:27

Ɓi ɓɛg wìn, Kiris à miskà Nghay wìì ɓi mìni; fɔɔnnɛ ɓì yiìdi ri zày ì rìrèsàg ɗi ŋwaàɗɛŋ ɓisuulɛ Nghay wìì a rèresi mini ɓìɓan ɓicèm; rìrèsì ɗii ɗi ri lɛ saaɗ, ɗi yin ɓɛpwàà, kìɓan kiǹ kɛɛ̀ki ɓì ghɛɛ̀sɛɛ kì woògh rìrèsì ɗi Nghay, ɓì ɓa ɓɛ̀ràrɛn ɗi Kiris.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 22:6

Nni à kpaaghà mɛ̀ lɛ: Jɛ̀ɛ̀ yi yi ri miì, yi ki ɓa saaɗ. Kan Bɛ̀ll ànɛ ǹghay wìì a kɛ̀ɛ̀sag ɓɛkpaŋzì-ɓìɓan, nnyɛɛ nɗomiì mum wiì à fìtom lɛ a resi ɓɛ̀kìì-ɓìsay ɓii ɓiɓan ɓi ɓi ri ɓiì kìlɛɛ di maa cààmɛ̀n à ghaghii.