1 KƆ̀RƐ̀ŊTYƐŊ 2:1 - Bafia Nouveau Testament

¹ Ɓɔɔsoŋ̀, cààmɛ̀n ki mɛ̀ɛmiɗ ǹ-yùghà a lɔ̀ŋkin lɛ nghagsi mìni kɔɔ̀kɔɔ̀ à kìɓan a Bɛ̀ll ànɛ à ɓaghà a rìnyam, m̀ɓaghày ɓi ri ɓìtòkì ɓi ɓi yeesɛɛ rìwog, nsoò lɛ coo ɗyomzɛ̀n.

1 KƆ̀RƐ̀ŊTYƐŊ 2:1 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 20:21

Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

MƐ̀KÌKÌÌ MƐ ƁƐKƐ̀NÌ-FÌTOM 22:18

fɔɔnnɛ ǹghɛngà Kan, à kpaa mɛ̀ lɛ: Kìya lɛ fyɛ̀ɗ, u fyaŋzi kì pɛ̀sɛɛ a Yorisalɛm lɛ ɓumɓɛ wɔɔ ɓaa gherɛn ɓi ɓiban ɓi ù rì ɓɔ ɓiì ghagsii ɓi rarɛ̀n ɗì mɛ̀.

RÒMƐŊ 16:18

Ɓisuulɛ àa kìsay ki Kiris ànɛ à rì Kan wìs kɛɛ̀ki ɓɛɛ̀ kìkì, ɓɛɛ̀ sasay lɔŋ ɓisuu mùm maa, fɔɔnnɛ ɓɛ ti ɓɛ yegsàg ɓumɓɛ mɛ̀rem maa mɛ ka yin ɗi ɗyomzɛ̀n ɓi kìɓan ki kiɓe, rì ɓìsyeesyee ɓi jɛ̀ɛ̀, rì fìɗyɛɓi.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

1 KƆ̀RƐ̀ŊTYƐŊ 1:17

Ɓisuulɛ Kiris à romgày ɓi mɛ lɛ mɓààɓàɓtì ɓum, wɔ̀lɛ à romgày mɛ̀ lɛ nkakali Syeesyee à Ɓɔlɛ, ǹki kì kiɓan kiǹ kɛ̀ɛ̀ ɗyomzɛ̀n ɗi ɓitòkì, lɛ di kɛ̀ kɛɛ̀ ɓa yɛ̀ɛ kɔrɔs à Kiris à rì com ki zɛy.

1 KƆ̀RƐ̀ŊTYƐŊ 1:6

Lɛ rìrèsì ɗi ɓiɓan ɓi ɓi seesee cɛɓ ki Kiris ɗi mɛ ɓag gàŋ ri ìtèɗ a lɔ̀ŋkin.

1 KƆ̀RƐ̀ŊTYƐŊ 2:13

Nni ɓìsii yin ɓiì kpaakpaa kiɓan ki rì jɛ̀ɛ̀ yi tì teriì ɓi ɗyomzɛ̀n ɗi ɓum; ti kpaakpaa lɔŋ kɔ rì jɛ̀ɛ̀ yi Ǹghay a rèresi ɓisi, tì ki rèresi ɓumɓɛ ɓɛ ri rì Ǹghay ànɛ̀n ɓɛ̀saaɗ ɓɛ ɓi ɓìɓan ɓi ɓi Nghay lɛ tɛntɛ̀ɛ̀n.

1 KƆ̀RƐ̀ŊTYƐŊ 2:4

Rìrèsàg ɗyɛm̀, rì ɓìɓan ɓi Bɛ̀ll ɓi ǹkpaakpààghà, ɓi ɓaghà ɓi ri ɓɛ̀syeesyee ɓɛ jɛ̀ɛ̀ ɓɛ ɓɛ ti ɓɛ ɓalàg yì ɓi ɗyomzɛ̀n ɗi ɓum, ɗi ki syògi ɓɔ mɛ̀rem, ɓi ɓaghà lɔŋ ɓiɓan ɓi Ǹghay à Bɛ̀ll yɛɛ rerèsìghà saaɗ ànɛ miì, rì ìtèɗ wii.

1 KƆ̀RƐ̀ŊTYƐŊ 2:7

Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

2 KƆ̀RƐ̀ŊTYƐŊ 10:10

Ɓisuulɛ ɓɛ ti ɓɛ kpaaghì lɛ: Ɓɛ̀kaàtà ɓɛ Pol ɓɛ kiì lɛ ɓɛ nyɛn ɓɛ ki tèèsɛn, kìɓan kifog, cààmɛ̀n ki nyimiɗ yɛɛ rɛrɛlii, à ɓa kɛ̀ɛ̀ ìtèɗ, ɓìtòkì ɓii ɓi ki ɓa ɓitòkì ɓi ɓum ɓɛ ri lɛ ɓɛ sɛɛtì.

2 KƆ̀RƐ̀ŊTYƐŊ 11:6

Nsoò yɛ̀ɛ m̀ɓiisɛɛ ɓi ki yiì kìtòkì, ǹ-yin zɛ̀zɛɗ ɓi kìɓan ki ki seesee rìyi. Tì mɛ rèsi mini kìɓan kiǹ bee lɛ bee ɓyààmɛ̀n lɛɛ̀gwey.

2 TÈSÀLÒNÌSYƐŊ 1:10

yɛ̀ɛ à ri yù ɓi ŋwos anɛ̀n lɛ a kem̀ ɓi ɓum ɓii, ɓɛ ki sɛsɛg nyi rì mis ɓi ɓɛ̀roɓɛ ɓɛ gherɛ̀ngà nyi ɓɛ̀cèm; mìnii gherɛ̀ngà gì kɔm̀ ɓɔlɛ ànɛ tì kalìghà mìni.

TIMOTE 1:11

Ɓìɓan ɓiǹ ɓyɛɛ̀ɓi Syeesyee à Ɓɔlɛ à ǹkeŋkèmì à Bɛ̀ll ànɛ à rì ǹtin wu ɓɛmààgh a rèrèsì. Syeesyee à Ɓɔlɛ ànɛ̀n nnɛ ɓɛ reɓsɛ̀ngà rì mɛ̀.

2 TIMOTE 1:8

Fɔɔnnɛ kɔ̀ɔ wog ntoòrìɗ lɛ u tɛɛ̀zi kìɓan ki Kan wìs, nsoò lɛ ki màànɛ ǹɗì kìmbùŋ ɓisu wii. Kìɓan kifog ɓi-tèɗ wu Bɛ̀ll, wogha rìkɛŋ ɓisuu Syeesyee à Ɓɔlɛ ǹɗaŋ ri mɛ̀,

1 ZYAŊ 4:14

nni ɓìsii ghɛngà, tì ki làalamɓɛ̀n lɛ, Tààta à romgày Man, lɛ a ghɛɓsi ziinɛ.

ÀPÒKÀLIƁSƐ̀ 1:2

Zyaŋ ànɛ̀n yɛɛ kalìghà ɓìɓan ɓìcèm ɓi à ghɛngà, fɔɔnnɛ à ghagsìghà jɛ̀ɛ̀ ì Bɛ̀ll rì ɓìɓan ɓi saaɗ ɓi Yeesus Kiris à rèsìghà nyi.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.