1 KƆ̀RƐ̀ŊTYƐŊ 16:6 - Bafia Nouveau Testament

⁶ Ɓaàyi ɓi, ǹɗì ɓiì ghagsii cààmɛ̀n a lɔ̀ŋkin, i ki yii ɓi, cààmɛ̀n à bùmà bimiɗ, fɔɔnnɛ ɓì ri kɛ̀n min mɛ̀ jàŋ inɛ ki ri ɓa lɛ nkɛǹ.

1 KƆ̀RƐ̀ŊTYƐŊ 16:6 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 15:3

Kìseŋi ki ki a Aŋtyos ki faghà ɓɔ ɓyom ɓi ɓi kɔ̀ɔ̀kɔ̀nɛ̀ngà ɓi rìkɛ̀ɛ̀ ɗyaa: Fɔɔnnɛ ɓɛ fyeeghà a Fenisii rì a Samari di ɓɛɛ̀ kpaakpaa ɓɛgeni ɓaa rilɔ̀ɔ̀ghrɛ̀n ɗi ɓum ɓɛ zɛy ɓɛ lɔɔ̀ghrɛ̀ngà, ɓɛ gherɛ̀n Bɛ̀ll. Ɓɔlɛ ànɛ̀n à faghà ɓɛ̀geni ɓaa ɓɛǹ coo kinyàà ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 17:15

Ɓumɓɛ ɓɛ kɛngà kì foŋì Pol, ɓɛ kɛngà lɔŋ ǹɗaŋ ɗì nyi à kpaŋ a Atɛn, fɔɔnnɛ ɓɛ sugtìghày min a Bere, Pol à romgì ɓɛ̀-Silas ɓɛɛ̀ Timote jɛ̀ɛ̀ rì ɓɔ, lɛ, ɓɛɛ nɔɔ̀tiì nyi lɛ fyɛ̀ɗ.

MƐ̀KÌKÌÌ MƐ ƁƐKƐ̀NÌ-FÌTOM 20:38

Kìɓan ki ki ɓiisɛ̀ngà ɓɔ kì faà ǹɗemi-kɛŋɛn ki ɓaghà jɛ̀ɛ̀ ìnɛ Pol à kpaaghà ɓɔ lɛ, ɓaa ghɛɛ̀di ɓi ìsu wii ŋwos adɛŋ. Nni ɓɛ kɛ̀ngà min nyi ki foŋì a fìtimà.

MƐ̀KÌKÌÌ MƐ ƁƐKƐ̀NÌ-FÌTOM 21:5

Di tyàa ghagsi mɛru taàɓɛ̀ɛ̀, nnɛ tì rùɓtɛ̀ngà tì rì rìkɛ̀ɛ̀. Fɔɔnnɛ ɓɛ kɛngà ɓìsi kìfɔŋì ɓɛ̀sɛ̀ɛ̀ ɓɛ̀cèm lɛ rì ɓɛ̀yiɓ ɓaa, rì ɓɔn ɓaa, ɓɛ ceesì ɓìsi ǹdèè wu bàn. Nni tì ɓakà mɛ̀ɗu ɓi zi, tì ɓɔ̀ŋzì Bɛ̀ll ɓi bèn ì rìɓày.

MƐ̀KÌKÌÌ MƐ ƁƐKƐ̀NÌ-FÌTOM 27:12

Yɛ̀ɛ jàŋ inɛ̀n ì ɓiisɛ̀ngà ɓi ki rɔɔtɛɛ lɛ ŋwaa ghagsi cààmɛ̀n à bùmà wɔɔ, nni kìgwey ki ɓum ki ɓi ɓɔ, ki gherɛ̀ngà lɛ ɓɛɛ ruɓtɛn tì ɗì rìkɛ̀ɛ̀, lɛ i bee i ɓaa, ɓɛɛ kɛǹ a Fenis, ɓi jàŋ idɛŋ ìnɛ a Kirɛɗɛ, ìnɛ tìtimà tyɛɛ̀ rɛlag wɔɔ, ìnɛ ì faa mis ɓi ɓɛg ànɛ ŋwos a kɛ̀ngi ki nɔ̀ŋii, lɛ ɓɛ kɔnkɔ̀ngà lɛ bɛɛ ghagsi cààmɛ̀n à bùmà wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 28:11

Yɛ̀ɛ tì ghagsìghà ɓɛ̀ŋwii ɓɛraa wɔɔ, nni tì ɓɔkà fìtimà fidɛŋ fi a Alɛgsaŋdirii, fi fi ghagsìghà bùmà wɔɔ ɓi kìrìŋ ki riɓày kiǹ. Fìtimà fiǹ fi ɓaghà ɗii lɛ, bɛ̀ll yi rifas.

RÒMƐŊ 15:24

ɓisuulɛ ǹɗì rì dyàɓɛn lɛ ǹɗi ghɛn mini ɓi rìkɛ̀nkɛ̀n, ɓì ki ghɛɓsi mɛ lɛ nkpaŋ wɔɔ di m̀mɛ ka wog gàɓ ì kìnyàà ɓi cààmɛ̀n ki nɗi ghagsi a lɔ̀ŋkin.

1 KƆ̀RƐ̀ŊTYƐŊ 16:11

Mum kɛ̀ɛ sɛɛti nyi, ghɛɓsiina nyi lɛ a sugtiì lɛ fyòoog a lɔ̀ŋkɛm̀, ɓisuulɛ mɓoŋɓoŋ nyi rì ɓɔɔseŋi ɓis.

2 KƆ̀RƐ̀ŊTYƐŊ 1:16

Fɔɔnnɛ i m̀pɛ̀sɛɛ foo, ǹkɛ̀n a Masedwan; i m̀ɓaa yì a Masedwan, ǹsugtìì a lɔ̀ŋkin, lɛ di ɓi ɓuŋɛn lɛ ɓi kɛǹ mɛ̀ kìfoŋì a Zyude.

Kaàtà ànɛ Pol à kàngà TIT 3:12

Yɛ̀ɛ ǹɗi rom yi wɔ̀ Aritemas nsoò lɛ Tisig, ù fyaŋzìì mɛ̀ kìyùu ki tanɛɛ a Nikopolis lɛ wɔɔ nnɛ mɛ̀ɛ nkpaa lɛ ǹɗì ɓiì ghagsii bùmà.