1 KƆ̀RƐ̀ŊTYƐŊ 16:15 - Bafia Nouveau Testament

¹⁵ Ɓɔɔsoŋ̀ ǹsiŋ̀dɛɛ tì mìni kìɓan kidɛŋ; ɓì yii lɛ Sitefanas rì naa yìì i ɓum ɓɛɛ ɓaghà ɓum ɓɛ ǹtonto ɓɛ lɛ ɓɛɛ lɔɔ̀ghrɛn mɛ̀rem ɓi kìlànà ki zi ki lɛ Akayi, ɓɛ falɛ̀ngà lɛɛ̀gwey lɛ ɓɛɛ ghɛɛ̀ghɛ̀ɓsì ɓɛ̀gherɛ̀n.

1 KƆ̀RƐ̀ŊTYƐŊ 16:15 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 18:12

Ɓi mɛ̀ru mɛ Galyɔŋ à ɓaghà gɔmìnà ànɛ ɓi kìlànà ki zi ki lɛ Akayi, Ɓɛ̀yudɛ̀n ɓɛ wɔrɛ̀ngà ɓɔɔ̀cèm, ɓɛ ɓigtì paàzì rì Pol ɓɛ kɛǹ ɗì nyi ɓi naà-ɓɛ̀yɔ̀m.

RÒMƐŊ 12:13

Ɓì ghɛ̀ɛ̀sɛɛ kì ghɛɓsaagh ɓɛgeni ɓin ɓɛ ɓi rìgherɛ̀n ɓi ɓìɓan ɓi ɓyɛɛ̀ yeeyeèsì ɓɔ, ɓì ki yi rìghàɓ ɗi ɓɛ̀kèn lɛ syeesyee.

RÒMƐŊ 15:25

Nni wɔ̀lɛ ɓi cààmɛ̀n ki, ǹkɛ̀ɛ a Yorisalɛm ɓisuu fitom fi fi seesee ɓɛ̀gherɛ̀n ɓɛ wɔɔ.

RÒMƐŊ 15:31

Di fɔɔnnɛ nghɛɓ ɓumɓɛ ɓɛ yin ɓɛ kìristɛn a Zyude, rì tì lɛ ɓɛ̀gherɛ̀n ɓɛɛ ghaɓ gɛɓsɛ̀n ìnɛ ǹɗì ɓiì kɛ̀ɛ ri yɔ̀ a Yorisalɛm rì kìnyàà.

RÒMƐŊ 16:2

Ghàɓina nyi ɓi ɗii ɗi Kan lèg ànɛ yɛ̀ɛ ɓɛ̀gherɛ̀n ɓɛ ghɛɛ̀sɛɛ kì kìlaagh, ɓì ki ghɛɛghɛɓsì nyi ɓi ɓìɓan ɓìcèm ɓi à rì lɛ à ɓa rì zày ìnɛ lɛ ɓi ghɛɓsi nyi miì, ɓisuulɛ, nyimiɗ a mɛ ghɛɓsi ɓum lɛɛ̀gwey, nsoò mɛ̀ɛmiɗ anɛ.

RÒMƐŊ 16:5

Ɓì tɔkì girig kìseŋi ki Kiris ki ki ti ki taŋzàg ɓi naa yàà, ɓì tɔkì mɛ̀ Epayinɛt, mum wɛm̀ à ǹɗem, ànɛ à ɓaghà ǹtonto à mum ànɛ a gherɛn Kiris ɓi kìlànà ki zi ki a Azii.

1 KƆ̀RƐ̀ŊTYƐŊ 1:16

M̀ɓàɓtìghà tì girig naa ì ɓum ì Sitefanas ɓi ɓɛg ànɛ a ɓɛ̀ro ɓɛmbog, ǹ-yii ɓi nkòo m̀ɓàɓtìghà tì ŋwaàdɛŋ.

1 KƆ̀RƐ̀ŊTYƐŊ 16:1

Ɓi kìɓan ki ki seesee syɔ̀ɔ̀ à ɓyom ɓisuu ɓɛgherɛ̀n ɓɛ a Yorisalɛm mìnii kìina girig yɛ̀ɛ ǹtɔkà ɓìseŋi ɓi Kiris ɓi a Galasi.

1 KƆ̀RƐ̀ŊTYƐŊ 16:17

Mɛ̀ nyààrɛɛ rì rìyù ɗi Sitefanas, rì Fɔrtunatus rì Akayikus; ɓɛ nɗoòzii kìkpaŋ ki ki ǹɗì mɛ̀ ɓi nɗem, lɛ rìɓa ɗi ɓì yin mɛ jàŋbog.

2 KƆ̀RƐ̀ŊTYƐŊ 8:4

Ɓɛ ntɔɔgh ɓìsi ɓɛ siìrɛ̀n lɛ ɓɔɔ teɗ gàɓ ɓi syɔ̀ɔ̀ à ɓyom ànɛ a kìikilɛ̀n ɓisuu ɓɛgherɛ̀n ɓɛ a Yorisalɛm.

2 KƆ̀RƐ̀ŊTYƐŊ 9:1

Ki ghɛɓsii ɓi com lɛ nkaǹ yì mìni ɓi kìɓan ki ki seesee gɛɓsɛ̀n ìnɛ yɛɛ̀ kɔ̀ɔkɔnɛ̀n ɓisuu ɓɛgherɛ̀n.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

FILEMƆŊ 1:7

Lɛ mɛ̀ɛ nwoogh kìnyàà lɛɛ̀gwey nɗem wu ki kpì mɛ ɓi ɗùm lɛ ǹkɔ̀nɛ̀n ànɛ ù rì rì nyi; ɓisuulɛ mɛ̀rem mɛ ɓɛgherɛ̀n mɛ mmaa lɛ fyòoog lɛ kìsay kɔɔ, geni wɛ̀m.

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.

1 PYƐƐRI 4:10

Yɛ̀ɛ mum ǹcèm ànɛ ɓi mìni à rì rì rìfa ɗi Bɛ̀ll à faghà nyi, kìina kìsay ri rìfa ɗi Bɛ̀ll à faghà mìni ɓi kìrɔɔ ki ɓum ɓɛmbog fɛlɛ yɛ̀ɛ ɓɛ̀syeesyee ɓɛ ɓum ɓɛ ɓɛɛ̀ kɛ̀ɛkɛɛ̀sì geesɛ̀n ì Bɛ̀ll ìnɛ ì ti ì ghɛnàg bee lɛ bee.

ÀPÒKÀLIƁSƐ̀ 14:4

Ɓumɓɛ̀n ɓɛɛ tɔɓɓɛ̀ngà ɓi tifin rì ɓɛyìɓ; ɓɛ ri ɓumɓɛ ɓɛ yii ɓi ɓɛyìɓ; ɓɛɛ̀ nɔ̀ɔnɔɔ̀tì Man à jɔ̀ɔ̀ jàŋ bimiɗ ìnɛ à kɛ̀ɛ. Ɓɛ ɓaghà ɓɛ̀kòrɛn ɓi nyìinyìm à ɓum lɛ ɓɛɛ ɓa fɛlɛ yɛ̀ɛ ɓumɓɛ ɓɛ ri ɓìɗùn ɓi ǹtonto ɓisuu Bɛ̀ll rì ɓisuu Man à jɔ̀ɔ̀,