1 KƆ̀RƐ̀ŊTYƐŊ 16:13 - Bafia Nouveau Testament

¹³ Ɓaana cem, ɓì sììrɛ̀n ɓi rìgherɛ̀n; ɓaana ɓum, ɓì tèèsɛ̀n.

1 KƆ̀RƐ̀ŊTYƐŊ 16:13 ပူးပေါင်းရင်းမြစ်များ

MATYOO 25:13

Fɔɔnnɛ ɓì ghɛ̀ɛ̀sɛɛ kì kɔ̀rii cem, lɛ ɓì yii ɓì gòn nsoò cààmɛn.

MATYOO 26:41

Kɔ̀riina cem, ɓì ki ɓɔ̀ɔɓɔ̀ŋzì lɛ, kɛ̀ ɓi tanɛn ri mɛ̀fèèghrɛn; lɛ ǹghay wu mum wu ri rì ìtèɗ, kìɓan kifog, nyoo ì mɛ̀mùù ì rì kɛ̀ɛ̀ ìtèɗ.

LUKAS 21:36

Fɔɔnnɛ kɔ̀riina cem, ɓì ki ɓɔ̀ɔɓɔŋzàg ɓyààmɛ̀n ɓìcèm, lɛ ɓi ɓa rì ìtèɗ wulɛ ɓi ceè ɓìɓan ɓi ɓi ri ɓiì kìlɛɛ, ɓì ki kpaŋ ɓi mis mɛ Man à mum mɛ̀rɛy.

1 KƆ̀RƐ̀ŊTYƐŊ 14:20

Ɓɔɔsoŋ̀, kɛ̀ ɓi ɓa yɛ̀ɛ ɓɔɓti ɓi rìfifìɓì ɗi ɓiɓan, wɔ̀lɛ ɓi kìɓe nnɛ ɓì ghɛ̀ɛ̀sɛɛ kì ɓaà yɛ̀ɛ ɓɔɓti; ɓì rìfifìɓì ɗi ɓiɓan, ɓì ɓa ɓɛ̀sɛ̀ɛ̀mɛn.

1 KƆ̀RƐ̀ŊTYƐŊ 15:58

Fɔlɔɔ nnɛ mìni ɓɔɔseŋi ɓɛ̀m ɓɛ nɗem, sììrɛɛna kɛ̀ ɓi kpig, ɓì tɔɔtɔ̀ɔ̀ ntɔɔtɔyɛn ɓi kìsay ki Kan, ɓì ki yi lɛ, kìsay ki ɓi kìki nyi kaa wu ɓi zɛy.

2 KƆ̀RƐ̀ŊTYƐŊ 1:24

Ki yin ɓaà loò lɛ, ti kaakaa lɛ ti lami rìgherɛ̀n ɗin, wɔ̀lɛ ti kɔ̀ngi lɛ di tyàa sali càg ri càg ɓisuu kinyàà kin, lɛ, ɓi san ànɛ a rìgherɛ̀n ɓì ti ɓɛ̀sììrɛn.

GÀLAT 5:1

Kiris à kwèɗkà ɓìsi lɛ ti ɓa ɓɛ̀kan; nni kɛ̀ ɓi foŋɗɛn ti mìniìɓɔmiɗ ɓi kìɓèg lɛ ɓi sugti ɓi rìkpàn.

EFÈZYƐŊ 3:16

Ǹtɔg nyi lɛ a fa mìni Nghay wìì lɛ a foŋ mìni ìteɗ ɓi nɗem,

EFÈZYƐŊ 6:10

Ǹsyɔɔdii ɓìtòkì ɓyɛm̀ lɛ: Kaana ìtèɗ win ɓi rìràrɛ̀n ɗi rì Kan, rì ɓi coo itèɗ wii.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

FÌLÌPYƐŊ 4:1

Fɔlɔɔ nnɛ, mìni ɓɛ̀geni ɓɛ̀m ɓɛ nɗem ɓɛ ǹɗì rì coo zày ìnɛ lɛ di màa ghɛɛdii, ɓì rì lɛ, mìni kìnyàà kɛm̀, mìni rìkem ɗyɛ̀m, kɛ̀ɛna lɔŋ asu, ɓi siìrɛn fɔlɔɔ ɓi Kan, mìni ɓum ɓɛm ɓɛ nɗem.

FÌLÌPYƐŊ 4:13

Ǹɗì lɛ ǹcenɛ̀n ɓìɓan ɓiǹ ɓìcèm rì ìtèɗ wu roànɛ à ti à falàg mɛ̀ ìtèɗ.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

KÒLÒSYƐŊ 4:2

Sììrɛɛna ɓi bɔ̀ŋzɛ̀n; ɓì ɓa cem miì ɓi rìfafà ɗi Bɛ̀ll ɓìtògsɛ̀n.

TÈSÀLÒNÌSYƐŊ 3:8

Nni ɓigomìnɛ ki ri yɛ̀ɛ tì teetii tì cɛɓ yɛ̀ɛ tì woogh lɛ ɓì kaka lɔŋ ɓɛsììrɛn ɓi Kan.

TÈSÀLÒNÌSYƐŊ 5:6

Fɔlɔɔ nnɛ tì ghɛ̀ɛ̀sɛɛ ɓi min kilalì yɛ̀ɛ ɓɛro ɓɛm̀bog; ti kɔ̀riina lɔŋ cem, tì ɓèŋɗɛ̀n ɓi kìɓan ki mɛrɔ̀g.

2 TÈSÀLÒNÌSYƐŊ 2:15

Fɔɔnnɛ sììrɛɛna lɔŋ ɓɔɔsoŋ̀, ɓì ɓèŋ ɓìɓan ɓi tì rèsàkà mìni, rì ŋwɔm nsoò lɛ ɓi kaàtà ànɛ tìi nkàniì mìni.

TIMOTE 6:12

Ɗùùya syeesyee à wɛ̀y a rìgherɛ̀n, ù ɓan cɛɓ ki fiɗyàɓ fikɔ̀ɔ̀ ki Bɛ̀ll à reŋìghà wɔ̀ lɛ u teɗ, cɛɓ kìn kɛɛ̀ki ù tòòghrɛ̀ngà ɓìsyeesyee ɓi ɓitòkì miì, ɓi mis mɛ ɓum lɛɛ̀gwey yɛ̀ɛ ù rèsìghà rìgherɛ̀n ɗyɔɔ.

2 TIMOTE 2:1

Nni wɔ̀ man wɛm̀, foŋa ìtèɗ ɓì geesɛ̀n ìnɛ ì rì ɓi Yeesus Kiris ɓi ɗùm.

2 TIMOTE 4:5

Wɔ̀lɛ ɓi ɓɛg ànɛ a lɔ̀ŋkɔɔ, ɓèŋa rìmum ɗyɔɔ lɛ kɔ̀ɔ ghaasi wɛ̀ɛmiɗ ǹkpàn a com kidɛŋ, sììri nɗem ɓi mɛ̀tɔɓ, kìya kìsay ki ǹkalì-ɓɔlɛ, roozi kìsay kɔɔ lɛ syeesyee.

2 TIMOTE 4:7

M̀mɛ ɗùù syeesyee à wɛ̀y, m̀mɛ lègsi kighɛŋii mɛ̀ree, ǹki ɓèŋ righerɛ̀n.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

ÀPÒKÀLIƁSƐ̀ 16:15

Ghɛna, n-yùyuy yɛ̀ɛ wiiwìì. Mààgh rì ŋwaànɛ à rì cem, à ki ɓèŋɓeŋ ɓilàà ɓii lɛ kɛ̀ɛ kɛ̀ɛ̀ghi kitòn zɛy lɛ a wog ǹtoòrìɗ di ɓum ɓɛ ghɛɛ nyi kìtòn zɛy.