1 KƆ̀RƐ̀ŊTYƐŊ 15:52 - Bafia Nouveau Testament

⁵² ɓi maa cààmɛ̀n, lɔŋ yɛ̀ɛ rìpwaɗ ɗi mis, di ɗyam ɗi siitòn ɗi mɛ tòòghrɛ̀n; lɛ yɛ̀ɛ ɗyam ɗi siitòn ɗi rɔŋi gɛ, ɓìloŋ ɓi ghembɛ̀n ɗì nyoo ìnɛ ì yin lɛ ì wutì; ɓìsii lɔɔ̀ghrɛ̀n nyoo.

1 KƆ̀RƐ̀ŊTYƐŊ 15:52 ပူးပေါင်းရင်းမြစ်များ

MATYOO 24:31

À romi gɛ ɓum ɓii ɓɛ titom rì ɗyam ɗigwey, ɓi mɛ̀fon mɛ zi mɛnin, lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ ɓɔ̀nɛn ɓi zi bimiɗ rì ɓi ɓɛ̀tum ɓɛ zi ɓɛ̀cèm.

ZYAŊ 5:25

Nkpaa mìni kɔɔ̀kɔɔ̀ à rìkpaa lɛ cààmɛ̀n ki riì, kiŋcèm kɛɛ ti lɛ, kɛɛ̀ki ɓìloŋ ɓi ɓiì woògh jɛ̀ɛ̀ ì Man à Bɛ̀ll. Fɔɔnnɛ ɓɛ̀roɓɛ ɓɛ ri ɓiì woògh jɛ̀ɛ̀ yìì, ɓɛ ɓiì ghɛɓì.

ZYAŊ 5:28

Nni kɛ̀ ɓi kuurag kiɓan kiǹ; cààmɛ̀n ki tiì, ki ɓum ɓɛ̀cèm ɓɛ ɓɛ ri ɓi zɔ̀ŋ ɓɛ ɓiì woògh jɛ̀ɛ̀ yìì, ɓɛ kpagìì.

1 KƆ̀RƐ̀ŊTYƐŊ 15:23

Kìɓan kifog, ki ɓa lɛ, rì ɓum, rì cààmɛ̀n kaa; Kiris à ɓa ŋwaà beèbɛ̀y, ɓumɓɛ ɓɛ ri lɛ ɓɛŋkii, ɓɛ ɓɔ̀ɓ ŋwosi risugtìì ɗii.

1 KƆ̀RƐ̀ŊTYƐŊ 15:42

Fɔlɔɔ nnɛ ki ri ɓa girig ɓi rìghèmɓɛ̀n ɗi ɓiloŋ, nyoo ìnɛ ɓɛ ti ɓɛ ɓomgì, ì rì nyoo ìnɛ ì ti ì ɓwɛ̀ɛ̀yì; ɓi rìghèmɓɛ̀n ì ɓa nyoo ìnɛ ì yin lɛ ì ɓwɛ̀y.

1 KƆ̀RƐ̀ŊTYƐŊ 15:50

Ɓɔɔsoŋ̀, com ki nkpaaghi ki ri lɛ: Ɓyom ɓi lɛ, rì mɛ̀mùù rì bwaɓ, ɓyaa teɗ ɓi gàɓ ɓi kìlɔ̀ŋ ki Bɛ̀ll, fɔɔnnɛ com ki ki ti ki wulàg ki yin lɛ ki ɓa rì gàɓ ɓi rìɓa ɗi lɛ com kɛ̀ kɛɛ̀ wu.

TÈSÀLÒNÌSYƐŊ 4:15

Ɓisuulɛ com ki ti kpaaghì fɛlɛ yɛ̀ɛ jɛ̀ɛ̀ ì Kan ì rì ki ri lɛ: Ɓìsi ɓɛ tì rì ɓiì ɓaà di tì kaka cem ɓi rìsugtìì ɗi Kan, tyàa syòŋ ɓi ɓɛroɓɛ ɓaa wu bee.

2 PYƐƐRI 3:10

Ŋwos a Kan à ɓiì kpaŋì yɛ̀ɛ wiiwìì à ti à yùlàg. Ŋwos anɛ̀n, ɗyoo ɗi ri ɓiì silii ri coo gom, ɗuu ɗi digsì ɓyom ɓi ɓi ɗyoo, zi rì ɓìɓan ɓi miì ɓìcèm ɓi ɗig.

ÀPÒKÀLIƁSƐ̀ 8:13

Nni ǹseesèèghà tì, ǹwog di bèè i fììlì yɛɛ̀ lɛŋlɛŋ ɓi ɗyoo ɓi ɗùm, ì kpaakpàà jɛ̀ɛ̀ aɗyoo lɛ: Nyìighnyìg! Nyìighnyìg! Nyìighnyìg rì ɓumɓɛ ɓi ziinɛ ɓisuu gom ì mam mɛ ɓum ɓɛ titom ɓɛ kiraa ɓɛ siitòn ɓɛ ri ɓiì rɔŋì.

ÀPÒKÀLIƁSƐ̀ 8:2

Nni ǹghɛngà ɓum ɓɛ titom ɓɛ ɓɛ rɛrɛ̀lìghà ɓi mis mɛ Bɛ̀ll ɓɛ̀sɛ̀ɛ̀ taàɓɛ̀ɛ̀, fɔɔnnɛ ɓɛ faghà ɓɔ mam taàɓɛ̀ɛ̀.