1 KƆ̀RƐ̀ŊTYƐŊ 15:45 - Bafia Nouveau Testament

⁴⁵ Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

1 KƆ̀RƐ̀ŊTYƐŊ 15:45 ပူးပေါင်းရင်းမြစ်များ

ZYAŊ 1:4

Cɛɓ ki ɓaghà ɓi Jɛ̀ɛ̀ ìnɛn, cɛɓ kìn ki ki fafa ɓum kìtɛɛtɛn.

ZYAŊ 10:10

Wiiwìì à ti à yùlàg lɔŋ lɛ, a yiì, à wey, à ki cuusi. Ɓi mɛ̀, mɛ̀ ǹ-yùghà lɛ, jɔ̀ɔ̀ yɛɛ ɓa rì cɛɓ, yi ki ɓa ri kɔ lɛɛ̀gwey.

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 14:19

Cààmɛ̀n lɛsàg ziinɛ yàa ghɛɛ̀di ɓi mɛ, lɔŋ mìni yɛɛ ri mɛ̀ ɓiì seesee ɓisuulɛ ǹɗì cem, nni mìni girig ɓì ɓiì ɓaà rì cɛɓ.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 5:21

Lɛ fɛlɛ yɛ̀ɛ Seŋi à ti à ghèmzàg ɓìloŋ, à fa ɓyɔ cɛɓ, fɔlɔɔ nnɛ Man à ti à falàg girig ɓumɓɛ à kɔ̀ni cɛɓ.

ZYAŊ 6:33

Lɛ bìrɛs ì Bɛ̀ll ì rì bìrɛs ìnɛ ì sɛniì aɗyòò, ì ki fa ziinɛ cɛɓ.

ZYAŊ 6:54

Ŋwaànɛ à ɗii nyoo yɛ̀m, à ki nɔ bwaɓ yɛm̀, à rì rì cɛɓ ki fiɗyàɓ fikɔ̀ɔ̀, ǹɗì ɓiì ki ghèmzii nyi ɓi siitòn a ŋwos.

ZYAŊ 6:57

Fɛlɛ yɛ̀ɛ Tààta ànɛ à rì cem a romgày mɛ̀, mɛ̀ ǹki ɓa ri cɛɓ lɛ nyi, fɔlɔɔ nnɛ ŋwaànɛ à ɗii mɛ̀, à ɓiì ghɛɓì lɛ mɛ̀.

ZYAŊ 6:63

Ǹghay wɛɛ̀ fafa cɛɓ, mɛ̀mùù mɛ yin ɗi gɛɓsɛ̀n. Fɔɔnnɛ ɓìɓan ɓi màa kpaa mìni ɓi ri ɓìɓan ɓi Nghay, rì ɓi cɛɓ.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

RÒMƐŊ 5:17

I rìnàn ɗi kibog ki mum ɗi kighà lɛ rìwu ɗyɛɛ̀ ragɛn, lɛ kìbog ki mum kìn, bɔ̀ɓ yaŋ ri ɓumɓɛ ɓɛɛ̀ teki lɛ rì geesɛ̀n yìì inɛ ì tèghɛɛ, rì rìɓòò ɗi ɓi rìren ɗii ɗi ɓiɓan, ɓɛ ri kì lɛ, ɓɛ ghɛɓ, ɓɛ ki làmi lɛ m̀bobog à mum ànɛ lɛ Yeesus Kiris.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

1 KƆ̀RƐ̀ŊTYƐŊ 15:46

Wɔ̀lɛ àa com ki ki ri nghay kɔ yɛɛ ti ki lokì, lɔŋ ki ki ri mɛ̀mùù, ajɛ̀m ìnɛn, ki ki ri nghay ki nɔɔ̀tìì.

FÌLÌPYƐŊ 3:21

Nnyɛɛ ri lɔ̀ghi nyoo yìs inɛ ì rì nyìighnyìg lɛ yɛ̀ɛ ɓa nyoo ì ǹlònlomɛn yɛ̀ɛ ìnkìì, rì ìtèɗ wu a rì rì wɔ, wɛɛ̀ wu à ti fogì ɓyom ɓìcèm miì ɓi rìlàmì ɗii azi.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

ÀPÒKÀLIƁSƐ̀ 16:3

Nni ŋwaà-fìtom a kìɓɛ̀ɛ̀ a sùùrìghà ɓeŋ wìì ɓi rìɓày à kìkòn, rìɓày à lɔ̀ɔ̀ghrɛ̀n bwaɓ, yɛ̀ɛ bwaɓ yi kiloŋ ki mum, fɔɔnnɛ ɓyom ɓìcèm ɓi ɓi ghɛghɛ̀ɓkà ɓi rìɓày à kìkòn ɓi cuughà.

ÀPÒKÀLIƁSƐ̀ 21:6

Nni à kpaghà mɛ̀ lɛ ki leègh. Ǹɗì Alfà rì Òmegà, rìtumɛ̀n ɗì rìsugtɛ̀n. Ŋwaànɛ a wowog kinɔli, nnɛ ǹɗì ɓiì faà ǹsim à mɛ̀nig mɛ cɛɓ zɛy rì zɛy, kɛ̀ɛ kòòsɛn.

ÀPÒKÀLIƁSƐ̀ 22:1

Fɔɔnnɛ ŋwaà-fìtom a rèsìghà mɛ̀ rìɓày à mɛ̀nig mɛ cɛɓ, ànɛ à ɓaghà lɛ saŋì-saŋì yɛ̀ɛ kìpɛsà ki ŋwii; rìɓày ànɛn à kpaŋkpàŋgày ɓi-kɔ̀ɔ̀ wu rilàmì wu Bɛ̀ll rì wu Man à jɔ̀ɔ̀.

ÀPÒKÀLIƁSƐ̀ 22:17

Ǹghay rì gurà ɓyɛɛ̀ kpaakpaa lɛ: Yuiy. Ŋwaànɛ à woogh kìɓan kiǹ à kpaa girig lɛ yuiy. Ŋwaànɛ a wowog kinɔli, à ghɛ̀ɛ̀sɛɛ kì yùu, ŋwaànɛ à kɔ̀ni, à teɗ mɛ̀nig mɛ cɛɓ zɛy, kɛ̀ɛ kòòsɛn.