1 KƆ̀RƐ̀ŊTYƐŊ 15:4 - Bafia Nouveau Testament

⁴ Ɓɛ ɓomgà nyi ɓi zɔ̀ŋ, à ki ghèmɓɛn ɓi ŋwos a kìraa lɔŋ yɛ̀ɛ ki ɓaghà kì kànɛn.

1 KƆ̀RƐ̀ŊTYƐŊ 15:4 ပူးပေါင်းရင်းမြစ်များ

MATYOO 12:40

Ɓisuulɛ, lɔŋ yɛ̀ɛ Zyonas à lalà mɛ̀ru mɛ̀ra rì ɓɛ̀ŋwos ɓɛraa ɓi ɗùm ɗi coo kìzɛn, fɔɔnnɛ Man à mum à ɓiì ghagsii girig mɛ̀ru mɛraa rì ɓɛ̀ŋwos ɓɛraa ɓi zi ɓiɗùm.

MATYOO 16:21

Ɓi cààmɛ̀n kiǹ innɛ Yeesus à tumɛ̀ngà rìkakàlì ɗi ɓɛyilàg ɓii lɛ: Ki ghɛɛ̀sɛɛ lɛ, a kɛǹ a Yorisalɛm, a ghɛǹ mɛ̀tɔɓ lɛɛ̀gwey, ɓi ɓyàg ɓi ɓɛsɛ̀ɛ̀mɛn ɓɛ kilɔ̀ŋ, rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna. Ɓɛ ri wey nyi, à ki ghèmɓɛn ɓi ŋwos a kìraa.

MATYOO 20:19

ɓɛ ki rì nyi ɓiì kàɓi ri ɓumɓɛ ɓɛ yin Ɓɛ̀yudɛ̀n lɛ ɓɛɛ ki lɛ ɓɛ fengì nyi, ɓɛ ɓog nyi kìtòn, ɓɛ ki kpan nyi ɓi kɔrɔs; kìɓan kifog, à ɓiì ghèmɓɛɛ ɓi ŋwos a kìraa.

MARIKUS 9:31

ɓisuulɛ à rèrèsìghà ɓɛ̀yilàg ɓii ɓiɓan, à kpaakpàà ɓɔ lɛ: Ɓɛ ɓiì ɓanì Man à mum, ɓɛ fa rì ɓum, ɓumɓɛ̀n ɓɛ wey nyi; wɔ̀lɛ à ɓiì ghèmɓɛɛ ajɛ̀m ì mɛ̀ru mɛraa.

LUKAS 24:26

ɓì yii ɓi lɛ Kiris à ghɛ̀ɛ̀sɛ̀ngà kì woògh mɛ̀tɔɓ fɔlɔɔ ɓi ɗi lɛ a ɗiŋi ɓi rìkem ɗii?

LUKAS 24:46

À ki kpaa ɓɔ lɛ: Ki ri kì kànɛn lɛ: Kiris à ghɛ̀ɛ̀sɛɛ kì woògh rìkɛŋ, à ghèmɓɛ̀n a ɓìloŋ ɓi ŋwos a kìraa.

LUKAS 9:22

Nni à ɓɔ̀ɓtìghà jɛ̀ɛ̀ lɛ: Ki ghɛɛ̀sɛɛ lɛ Man à mum a wog rìkɛŋ lɛɛ̀gwey; ɓɛ̀sɛ̀ɛ̀mɛn ɓɛ Ɓɛ̀yudɛ̀n rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna ɓɛ rì nyi ɓiì roòzɛɛ, ɓɛ ki wey nyi; kìɓan kifog à ghèmɓɛ̀n ɓi ŋwos a kìraa.

ZYAŊ 19:38

Ajɛ̀m ìnɛn, Yoosɛɓ, ŋwaànɛ a Arimate, à ɓaghà ǹ-yilàg à Yeesus a rìnyam lɛ à rirìsìghà Ɓɛ̀yudɛ̀n. Nni à tɔkà Pilat ìtèɗ wulɛ a teɗ kìloŋ ki Yeesus, Pilat à gherɛ̀n. Fɔɔnnɛ à yùghà, à teɗ kìloŋ ki Yeesus.

MƐ̀KÌKÌÌ MƐ ƁƐKƐ̀NÌ-FÌTOM 1:3

Ajɛ̀m ì rìwu ɗii, à rèsɛ̀ngà ɓɔ, à ki rèsi ɓɔ ɓìrèmzɛnà lɛɛ̀gwey ɓi lɛ ɓɛɛ yi lɛ à rì cem; à rèsɛ̀ngà a lɔ̀ŋkaa, mɛ̀ru mɛ̀tin mɛɓɛɛ̀, à kakàlì ɓɔ ɓìɓan ɓi ɓi seesee kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 17:31

Ɓisuulɛ à rɛsìghà bimiɗ à ŋwos ànɛ à rì ɓiì yɔ̀mi zi bimiɗ miì, lɔŋ yɛ̀ɛ saaɗ a kɔ̀nkɔ̀n; à ɓɔ̀ngà mum ànɛ à rì ɓiì kìi kisay kiǹ, à fa ɓum ɓɛ̀cèm kìrèmzɛnà ki ki resii lɛ, nnyɛɛ ɓɔngà ŋwaàncèm, yɛ̀ɛ à ghèmzìghày nyi a ɓìloŋ.

RÒMƐŊ 6:4

Ɓi bàɓtis nnɛ tì ɓòmɓɛ̀ngà ɓi zɔ̀ŋ rì nyi, lɛ ti wu ǹɗaŋ ɗi nyi, di fɔlɔɔ nnɛ ɓìsi girig ti ghɛɓ cɛɓ ki nyɔn fɛlɛ yɛ̀ɛ Kiris à ghèmɓɛ̀ngày a ɓìloŋ ɓi-tèɗ wu rikem ɗi Seŋi.

KÒLÒSYƐŊ 2:12

Ɓɛ ɓomgà mìni ǹɗaŋ ri nyi yɛ̀ɛ ɓì ɓàɓtɛ̀ngà, ɓì mɛ ghèmɓɛn girig ɓi nyi, ǹɗaŋ ɗi nyi lɛ rìgherɛ̀n ɗi ɓì gherɛɛ ìtèɗ wu Bɛ̀ll ànɛ à ghèmzìghày nyi a ɓìloŋ.

EBIREEGH 13:20

Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,

1 PYƐƐRI 1:11

Ɓɛ siìrɛ̀ngà lɛ ɓɛɛ yi lɛ rì zìŋɛn, rì ɓìɓan ɓi ɓi koŋkomi ɓìɓan ɓi Ǹghay à Kiris ànɛ à ɓaghà ɓi ɓɔ à rerèɓkà ɓɔ abɛ̀y; à rèsìghà mɛ̀tɔɓ mɛ Kiris à ghɛ̀ɛ̀sɛ̀ngà kìwoògh, rì rìkem ɗi ɗi ghɛɛ̀sɛ̀ngà kì ɓɔ̀ɓiì mɛ̀tɔɓ mɛ̀n.