1 KƆ̀RƐ̀ŊTYƐŊ 15:3 - Bafia Nouveau Testament

³ Ǹlokà mìni kìghagsii rirèsì ɗi mɛ̀ɛmiɗ ǹtekà girig, ɗyɛɛ ri lɛ: Kiris à wughà ɓisuu ɓiɓe ɓis lɔŋ yɛ̀ɛ ki ɓaghà kì kànɛn.

1 KƆ̀RƐ̀ŊTYƐŊ 15:3 ပူးပေါင်းရင်းမြစ်များ

MATYOO 26:24

Man à mum à ɓiì wiì lɔŋ yɛ̀ɛ ɓɛ kangà lɛ à ghɛ̀ɛ̀sɛɛ kìwiì, kìɓan kifog nyìighnyìg rì ŋwaànɛ à rì nyi ɓiì kàɓi! Ki ɓaghà kìrɔɔ ɓisuu ŋwaànɛ̀n lɛ kɛ̀ɛ yalɛn.

MATYOO 26:28

ɓisuulɛ bwaɓ yɛm̀ yɛɛ ri, bwaɓ yi ɓi rìràrɛ̀n ɗi rì Bɛ̀ll, yi yi ri ɓiì kpaŋì ɓisuu ɓum lɛɛ̀gwey, ɓisuu ricenɛ̀n ɗi ɓiɓe.

LUKAS 24:25

Fɔɔnnɛ Yeesus à kpaaghà min ɓɔ lɛ: Mìni ɓum ɓɛ kɛ̀ɛ̀ ɗyomzɛ̀n, ɓɛ mɛ̀rem mɛ ti mɛ̀ kɛɛ̀ fyaŋzi ki gherɛɛ ɓiɓan ɓi ɓɛ̀kpaŋzì-ɓìɓan ɓɛ kpaaghà,

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

MƐ̀KÌKÌÌ MƐ ƁƐKƐ̀NÌ-FÌTOM 17:2

Fɔɔnnɛ Pol à ɗiŋìghà ɓi naà-bɔ̀ŋzɛ̀n ìnɛn lɔŋ yɛ̀ɛ àa nti à kìlàg. À kurɛ̀ngà rì ɓumɓɛ wɔɔ, ɓi ɓìɓan ɓi ɓi kaàtà à Bɛ̀ll, gòn yi Saɓàt yiraa.

MƐ̀KÌKÌÌ MƐ ƁƐKƐ̀NÌ-FÌTOM 3:18

Kìɓan kifog, ɓi bee inɛ̀n nnɛ Bɛ̀ll àa ǹdoòzii kìɓan ki à lokà ki kpaà ɓi myɔm mɛ ɓɛkpaŋzì-ɓìɓan ɓɛ̀cèm ɓɛ ɓi mɛ̀ru mɛ ajɛ̀m lɛ: Kiris à ghɛ̀ɛ̀sɛɛ gɛ kì woògh rìkɛŋ.

MƐ̀KÌKÌÌ MƐ ƁƐKƐ̀NÌ-FÌTOM 8:32

Kìden ki à ɓàɓàlà ɓi kaàtà ànɛn ki ɓaghà lɛ: À rɔ̀ɓkà lɔŋ yɛ̀ɛ kìtuwe ki ɓɛɛ kɛ̀nkɛn ɗi kɔ lɛ ɓɛɛ gheg̀ ɓoŋ, à ki maarag lɔŋ yɛ̀ɛ man à jɔ̀ɔ̀ ànɛ ɓɛɛ̀ caacaa nyùŋ. Fɔɔnnɛ à rɔ̀ɓkà fɔlɔɔ, kɛ̀ɛ pini nsoò ŋwɔ̀m.

RÒMƐŊ 3:25

Yeesus ànɛ̀n nnɛ Bɛ̀ll à fèkà lɛ a ɓa roànɛ à rì ɓiì sòo ɓiɓe ɓi ɓum rì bwaɓ yii ɓi bee ì rìgherɛ̀n; à kìghà fɔlɔɔ lɛ a resi saaɗ wìì ɓisuulɛ, à càɗkà ɓum kɛ̀ɛ fa ɓɔ deɓ ɓi ɓìɓe ɓi ɓɛ kikìghà abɛ̀y, cààmɛ̀n ki à ɓaghà di à ka kɔn ɓi lɛ bim yiì yɛ̀ɛ resɛ̀n.

RÒMƐŊ 4:25

Yeesus ànɛ̀n nnɛ ɓɛ kaɓkà ɓisuu ɓiɓe ɓis, à ghèmɓɛ̀n a ɓìloŋ lɛ di ti ɓa lɛ saaɗ ɓi mis mɛ Bɛ̀ll.

1 KƆ̀RƐ̀ŊTYƐŊ 11:2

Ǹsɛɛgh mìni yɛ̀ɛ ɓi yiiyitàg mɛ̀ ɓyààmɛ̀n ɓìcèm, rì yɛ̀ɛ ɓi ɓèŋɓeŋ deɓ yɛm̀ lɔŋ yɛ̀ɛ mɛ̀ ǹfaghà mìni yɔ.

1 KƆ̀RƐ̀ŊTYƐŊ 11:23

Ɓisuulɛ, rìrèsàg ɗi mɛ̀ ǹtekà yɛ̀ɛ Kan ɗyɛɛɗi mɛ̀ ǹghagsìghà mìni. Lɛ Kan Yeesus, ɓi-ru wu ɓɛ tɔkɛ̀ngà nyi, à tekà bìrɛs

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

GÀLAT 1:12

lɛ mɛ̀ɛmiɗ mɛ̀ ǹwokà ɓi Ɓɔlɛ ànɛ̀n rì ŋwaàdɛŋ, mum kɛ̀ɛ ki rèsi mɛ nyi, lɔŋ Yeesus Kiris yɛɛ kighà lɛ n-yi Ɓɔlɛ ànɛ̀n.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

GÀLAT 3:13

Kiris à kwèɗkà ɓìsi ɓi ncɛ̀m à ɓìdɔ̀gsɛna, lɛ à ghalà mum à ǹcɛ̀m ɓisu wis, - lɛ ki ri kì kànɛn lɛ: Mum ǹcèm ànɛ ɓɛ surii ɓi mɓàg à ti ǹcɛ̀mɛn.

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EBIREEGH 5:1

Lɛ ǹlàmì-ɓɛ̀pìrɛɛtìrɛ̀ ǹcèm ànɛ ɓɛ teri ɓi nyìinyìm à ɓum, à rì ǹrɛsɛn ɓisuu ɓum, lɛ a ki kìsay ki Bɛ̀ll, à fafà nyi ɓyom, à ki fùufunɛ̀n ɓìtuwe ɓisuu ɓiɓe ɓi ɓum.

EBIREEGH 5:3

Rìɓa ɗi à rì ɗiǹ ɗì ìkɔ̀g, ɗyɛɛ̀ɗi à ghɛ̀ɛ̀sɛɛ kì lɛghii Bɛ̀ll lɛ, rì ɓi ɓìɓe ɓii ɓi nyimiɗ, rì ɓi ɓum ɓɛ kilɔ̀ŋ.

1 PYƐƐRI 1:11

Ɓɛ siìrɛ̀ngà lɛ ɓɛɛ yi lɛ rì zìŋɛn, rì ɓìɓan ɓi ɓi koŋkomi ɓìɓan ɓi Ǹghay à Kiris ànɛ à ɓaghà ɓi ɓɔ à rerèɓkà ɓɔ abɛ̀y; à rèsìghà mɛ̀tɔɓ mɛ Kiris à ghɛ̀ɛ̀sɛ̀ngà kìwoògh, rì rìkem ɗi ɗi ghɛɛ̀sɛ̀ngà kì ɓɔ̀ɓiì mɛ̀tɔɓ mɛ̀n.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 2:2

Lɛ nyimiɗ a faghà cɛɓ kii ɓisuulɛ ɓìɓe ɓis ɓyɛɛ ɓa ɓìcenɛn, àa gì lɛ ɓinkis ɓyɔ rì ɓyɔ, lɔŋ ɓisuu ɓiɓe ɓi ɓum ɓɛ̀cèm girig.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,