1 KƆ̀RƐ̀ŊTYƐŊ 15:1 - Bafia Nouveau Testament

¹ Ɓɔɔsoŋ̀, n-yiti mìni Syeesyee à Ɓɔlɛ ànɛ ǹkalìghà mìni, ànɛ ɓì tekà, innɛ ɓì rì ɓɛ̀sììrɛn miì;

1 KƆ̀RƐ̀ŊTYƐŊ 15:1 ပူးပေါင်းရင်းမြစ်များ

ZYAŊ 12:48

Nni ŋwaànɛ à ɓèni mɛ̀, kɛ̀ɛ ghàɓ ɓiɓan ɓyɛm̀, à rì rì ŋwaànɛ à ɓiì renì kìɓan kii. Ɓìɓan ɓi ǹkalìghà ɓyɛɛ ri ren kiɓan kii ɓi siitòn a ŋwos.

MƐ̀KÌKÌÌ MƐ ƁƐKƐ̀NÌ-FÌTOM 11:1

Ɓɛ̀kɛ̀nì-fìtom rì ɓɛ̀geni ɓaa ɓɛ righerɛ̀n ɓɛ ɓɛ kɔkɔ̀rìghà a Zyude ɓɛ wokà lɛ, ɓumɓɛ ɓi mɛ̀kuu mɛm̀bog ɓɛ ǹghàɓi girig jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 2:41

Ɓumɓɛ ɓɛ gherɛ̀ngà rìkpaa ɗi Pyɛɛri ɗiǹ ɓɛ ɓaɓtàkà, fɔɔnnɛ bàlì ì ɓum ìnɛ ì sagtɛ̀ngà ɓi bàlì ì ɓɛ̀gherɛ̀n, ì ɓaghà nunùg ɓum ɓɛ̀tɔɔsìm ɓɛraa.

RÒMƐŊ 11:20

Ki ri lɔŋ fɔlɔɔ lɛ ɓɛ rengàkà myaɓ mɛǹ lɛ rìɓa ɗi mɛ ɓaghà kɛ̀ɛ̀ rìgherɛ̀n nni kɔ̀ɔ kaakalɛ̀n, ù ghɛ̀ɛ̀sɛɛ gì kì risii.

RÒMƐŊ 2:16

Kìɓan kiǹ kɛɛ ri ghɛnɛn ŋwos anɛ Bɛ̀ll à ri yɔm̀ ɓi Yeesus Kiris ɓìɓan ɓi ɓum ɓɛ ti ɓɛ kilàg a rìnyam; fɔlɔɔ nnɛ Syeesyee à Ɓɔlɛ ànɛ mɛ̀ɛ nghaaghagsì ɓum a rèrèsì.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

1 KƆ̀RƐ̀ŊTYƐŊ 16:13

Ɓaana cem, ɓì sììrɛ̀n ɓi rìgherɛ̀n; ɓaana ɓum, ɓì tèèsɛ̀n.

1 KƆ̀RƐ̀ŊTYƐŊ 3:6

Mɛ̀ m̀ɓɛ̀là boo ì ɓyom, Apolos à yù kì tùɓii, kìɓan kifog Bɛ̀ll yɛɛ kighà lɛ ɓyom ɓyɛɛ roò.

1 KƆ̀RƐ̀ŊTYƐŊ 4:15

Ɓisuulɛ nsoò ɓyàa rì rì ɓɛ̀rèsàg ɓɛ̀tɔɔsìm ǹtɛ̀ɗ ɓi cɛɓ ki ɓi ghɛghɛɓ ɓi Kiris ɓi ɗùm, ɓì yin lɛ ɓì ɓa rì ɓɛ̀seŋi kìtuu, lɛ mɛ̀ yɛɛ yali mìni ɓi Yeesus Kiris ɓi ɗùm, rì Syeesyee à Ɓɔlɛ ànɛ ǹghagsìghà mìni.

2 KƆ̀RƐ̀ŊTYƐŊ 1:24

Ki yin ɓaà loò lɛ, ti kaakaa lɛ ti lami rìgherɛ̀n ɗin, wɔ̀lɛ ti kɔ̀ngi lɛ di tyàa sali càg ri càg ɓisuu kinyàà kin, lɛ, ɓi san ànɛ a rìgherɛ̀n ɓì ti ɓɛ̀sììrɛn.

TÈSÀLÒNÌSYƐŊ 1:6

Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

2 TÈSÀLÒNÌSYƐŊ 3:6

Ɓɔɔsoŋ̀! tì tɔɔgh mìni ɓi ɗii ɗi Kan wìs Yeesus Kiris lɛ: Kɛ̀ ɓi wuɓsɛn ɓɛgeni ɓin ɓɛ ɓɛ ri ɓɛ̀ɓɔɓwɛɗ, ɓɛ ɓɛ ɓeni kì nɔ̀ɔ̀tii ɓiɓan ɓi tì rèsìghà mìni.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.