1 KƆ̀RƐ̀ŊTYƐŊ 14:6 - Bafia Nouveau Testament

⁶ Nni ɓigomìnɛ, ɓɔɔsoŋ̀ gɛɓsɛ̀n aɗi yɛɛ̀nɛ ǹɗì lɛ mɓay mìni rì yɔ̀, di ǹ-yùu mìni kìtòtoogh ɓìkènekènè ɓi ɓitòkì jàŋ inɛ màa ghɛ̀ɛ̀sɛɛ lɛ ǹ-yùy mìni rì kìɓan ki Ǹghay à rèsii, nsoò lɛ rìyi ɗidɛŋ, nsoò lɛ kìɓan ki Bɛ̀ll à rèsii mɛ̀ lɛ nkpaŋzi, nsoò lɛ bimiɗ à rìrèsàg àdɛŋ?

1 KƆ̀RƐ̀ŊTYƐŊ 14:6 ပူးပေါင်းရင်းမြစ်များ

MATYOO 11:25

Nni ɓi cààmɛ̀n kiǹ, Yeesus à pɛ̀sìghà ɓìtòkì à kpaa lɛ: Tààta, wàànɛ ù lamii lɛ rì ɗyoo rì zi, ǹfaa wɔ̀ ɓìtògsɛ̀n ɓisuulɛ ù nyamgàkà ɓɛ̀yiì-ɓìɓan rì ɓum ɓɛ ɗyomzɛ̀n ɓìɓan ɓi, ù rèsì ɓɔɓti ɓɛsàg ɓyɔ.

MATYOO 16:17

Nni Yeesus à teɗtìghà jɛ̀ɛ̀, a kpaa nyi lɛ: Wɔ̀ Simɔn, man à Zyonas, ù rì m̀màŋɛn, ɓisuulɛ, àa mum à mɛ̀mùù rì bwaɓ yɛɛ resii wɔ̀ kìɓan kiǹ, lɔŋ Seŋi wɛ̀m ànɛ à rì ɓi ɗyoo ɓi ɗùm nnyɛɛ resii wɔ̀ kɔ.

MATYOO 16:26

Nni ki ghɛɓsii mum cɛ lɛ a fɔǹ ziinɛ bimiɗ, di à ɗimzii cɛɓ kii? Cɛ ŋwaà rì lɛ à làg cɛɓ kii ri kɔ?

MƐ̀KÌKÌÌ MƐ ƁƐKƐ̀NÌ-FÌTOM 2:42

Ɓɛ siìrɛ̀ngà ɓi rìwowòg ɗi rirèsàg ɗi ɓɛkɛ̀nì-fìtom, rì ɓi cɛɓ ki rigeni, rì ɓi rìcusàg ɗi bìrɛs, rì ɓi bɔ̀ŋzɛ̀n.

RÒMƐŊ 15:14

Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

RÒMƐŊ 6:17

Bɛ̀ll a teɗ rìkem, lɛ mìni ɓɛ ɓì ka ɓaghà ɓɛ̀kpàn ɓɛ kiɓe, ɓigomìnɛ, mìni yɛ̀ɛ mɛ nɔ̀ɔ̀ti ri nɗem win wucèm, deɓ yi ɓi rìrèsàg ɗi ɓì tekà.

1 KƆ̀RƐ̀ŊTYƐŊ 10:33

Fɛlɛ yɛ̀ɛ mɛ̀ɛ ntèeteèsì nyoo lɛ mpuɓsi ɓum ɓɛ̀cèm mɛ̀rem ɓi ɓìɓan ɓicèm; mɛ̀ ǹ-yin ɓiì kaakaa kirɔɔ kɛ̀m ki mɛ̀ɛmiɗ, nkaakaa lɔŋ kirɔɔ ki ɓum lɛɛ̀gwey lɛ di ɓɛɛ ghɛǹ cɛɓ.

1 KƆ̀RƐ̀ŊTYƐŊ 14:1

Kaana ǹkɔ̀nɛ̀n; ɓì keesì girig mɛ̀faà mɛ Kitɛntɛ̀ɛ̀n ki Nghay, à ɓiisɛ̀n rìfa ɗi lɛ ɓi kpaàkpàŋzì ɓìɓan ɓi Bɛ̀ll à rèsii mìni.

1 KƆ̀RƐ̀ŊTYƐŊ 14:7

I ɓyom ɓi zɛy (ɓi ɓi yin lɛ ɓi nyɛŋɗɛ̀n ɓi ɓɛ ri lɛ ɓɛ rɔŋ) fɛlɛ yɛ̀ɛ zàro rì fìloŋ ɓyaa yin mɛtòògh dɛŋ dɛ̀ŋ dɛŋ, di lannɛ ŋwaà rì lɛ à yi rìghasì ɗi ritòg ɗi zàro rì ɗi fìloŋ?

2 KƆ̀RƐ̀ŊTYƐŊ 11:6

Nsoò yɛ̀ɛ m̀ɓiisɛɛ ɓi ki yiì kìtòkì, ǹ-yin zɛ̀zɛɗ ɓi kìɓan ki ki seesee rìyi. Tì mɛ rèsi mini kìɓan kiǹ bee lɛ bee ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 12:1

Ki ghɛɛ̀sɛɛ nya lɛ mum a kalɛn? Ki ghɛɓsii ɓi com nsoò lɛsag. Nsoò fɔlɔɔ m̀ɓiì kpaŋì ɓi jàŋ inɛ mɓuŋ ɓìɓan ɓi Kan à rèsìghà mɛ̀, rì ɓi à kìghà lɛ n-yi.

2 KƆ̀RƐ̀ŊTYƐŊ 12:7

Ɓisuulɛ ɓìɓan ɓi Kan à rèsìghà mɛ̀ ɓi ri ɓɛ̀geni ɓiɓan ɓɛ kuukuùghràkɛ̀n. Rì ɓi ɗi lɛ, ɓìɓan ɓiǹ ɓyɛ̀ kɛɛ̀ san mɛ, nnɛ ɓɛ fogà mɛ̀ zɔrì ìdɛŋ ɓi nyoo, ì rì yɛ̀ɛ ŋwaà-fìtom a Satàn, ànɛ à ghɛ̀ɛ̀sɛɛ mɛ̀ kì ɓooɓokì mɛ̀ɓɛn, lɛ di a reg mɛ̀ rìkì ɗi ɓidaŋà.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 3:4

I ɓì ɓàli gàɓ ì ɓìɓan inɛ màa kàni, ɓì rì lɛ ɓì ghɛn lèg ànɛ yɛ̀ɛ ǹ-yii ɓìɓan ɓi a rìnyam ɓi ɓi seesee Kiris.

FÌLÌPYƐŊ 3:15

Ɓìsi ɓɛ̀sɛ̀ɛ̀ ɓɛ̀cèm ɓɛ tì ti ɓɛ̀sɛ̀ɛ̀mɛn ɓi cɛɓ ki ɓi nghay, tì ghɛ̀ɛ̀sɛɛ kìɓaà rì fèg ànɛn; nni i ki kpaŋi lɛ ɓì wooghrɛɛ ɓi jɛ̀ɛ̀ ɓi kìɓan kidɛŋ Bɛ̀ll à rì mìni ɓiì lomi kitɛɛtɛn ɓi kìɓan kiǹ.

2 TIMOTE 2:14

Ɓìɓan ɓiǹ ɓyɛɛ̀ɓi ù ghɛ̀ɛ̀sɛɛ kì ɓìiɓiìtàg ɓum, ù ki siisiŋdɛ̀n ɓɔ ɓi mis mɛ Bɛ̀ll, lɛ ɓɛɛ lɛg ɓɛsaaka rì rìnyoònyòlɛ̀n ɓi kìɓan ki mii, lɛ ɓi ghɛɓsii ɓi com, di nya lɛ ɓyɛɛ ɗyaŋzi ɓumɓɛ ɓɛɛ̀ wowog ɓɛsaaka ɓɛǹ.

2 TIMOTE 3:10

Ɓi ɓɛg wɔ̀ɔ̀, ù ghɛngà rìrèsì ɗyɛm̀ lɛ syeesyee, rì rìghɛghɛ̀ɓ ɗyɛm̀, rì ɓɛ̀fèg ɓɛm, ɗì rìgherɛ̀n ɗyɛm̀, ɗì rìnìɗ ɗyɛm̀ ɗi nɗem, rì ǹkɔ̀nɛ̀n wɛ̀m, rì kìsììrì kɛm̀,

2 TIMOTE 3:16

Ɓìɓan ɓìcèm ɓi ɓi ri ɓìkànɛn, ɓi kanɛ̀ngà rì ìtèɗ wu Nghay à Bɛ̀ll, ɓi ki rì rì gɛɓsɛ̀n, lɛ ɓyɛɛ resag ɓum saaɗ, ɓi ki lɛ ɓɛɛ gherɛn, ɓi rɛsàg ɓìɓan ɓi zɛ̀ɗ, ɓi ki tɔɔsi ɓum ɓi cɛɓ ki saaɗ,

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

Kaàtà ànɛ Pol à kàngà TIT 3:8

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀, fɔɔnnɛ nkɔ̀ngi lɛ u siìrɛn ɓi rìkpaakpàà ɗi yɔ̀ di fɔɔnnɛ ɓumɓɛ ɓɛ gherɛ̀ngà Bɛ̀ll ɓɛɛ teèsi nyoo lɛɛ̀gwey, ɗì rìkìkì ɗi ɓiɓan ɓi syeesyee kìɓan kiǹ kɛɛ rɔɔtɛɛ ki ki ɓa ri gɛɓsɛ̀n ɓisuu ɓum.

EBIREEGH 13:9

Kɛ̀ ɓi càrɛn lɛ mɛ̀rèsàg mɛ̀kuu mɛ̀kuu mɛ mɛ riì tìràɓ, mɛɛ ɗimzi mìni bee, lɛ ki rɔɔtɛɛ lɛ ǹɗem wɛɛ teɗ ìtèɗ lɛ geesɛ̀n ì Bɛ̀ll, à cee ɓìsyɔ̀ɔ̀ ɓi ɓi komi ɓìɗilàg ɓi ɓi ghɛɓsìghà ɓi ɓumɓɛ ɓɛ falɛ̀ngà miì nsoò ɓi bee idɛŋ.

2 PYƐƐRI 1:5

Ɓisu wìn miì nnɛ ɓì ghɛɛ̀sɛɛ kì foŋì ìtèɗ win wucèm lɛ, ɓi ɓɔɓtɛn syeesyee à kìsyɔ̀ɔ̀ ɓi rìgherɛ̀n ɗin, ɓì ɓɔ̀ɓtɛ̀n rìyi ɓi syeesyee à kìsyɔ̀ɔ̀,

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

2 ZYAŊ 1:9

Mum ǹcèm ànɛ à ghaghii ɓìdyànì, kɛ̀ɛ ɓèŋdi rirèsì ɗi Kiris, à yin ɗi Bɛ̀ll; nni mum ǹcèm ànɛ à ɓiì kɛ̀ɛ asu à ɓèŋɓèŋ rìrèsì ɗi Kiris, à rì lɛ, nyi rì Seŋi, nyi rì Man.