1 KƆ̀RƐ̀ŊTYƐŊ 14:37 - Bafia Nouveau Testament

³⁷ I mum a fèfeg lɛ à rì ǹkpaŋzì-ɓìɓan à ghɛ̀ɛ̀sɛɛ kì yiì lɛ kìɓan ki ǹkàni mìni ki, ki ri kìdɔ̀gsɛna ki Kan.

1 KƆ̀RƐ̀ŊTYƐŊ 14:37 ပူးပေါင်းရင်းမြစ်များ

LUKAS 10:16

I mum à woogh mìni, di mɛ̀ nnɛ à woogh; ŋwaànɛ à ɓeni mìni di à ɓèni mɛ̀; wɔ̀lɛ i mum à ɓèni mɛ̀ di, à ɓèni girig roànɛ à romgày mɛ̀.

RÒMƐŊ 12:3

Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

1 KƆ̀RƐ̀ŊTYƐŊ 14:29

Ɓi ɓɛg ànɛ a ɓɛ̀kpaŋzì-ɓìɓan, ɓɛ̀sɛ̀ɛ̀ ɓɛɓɛɛ̀ nsoò lɛ ɓɛraa ɓɛ ghɛɛ̀sɛɛ kì tòòghrɛɛ, ɓɛ̀ro ɓɛmbog ɓɔɔ fifìɓì ɓìɓan ɓi ɓɛ̀roɓɛ̀n ɓɛɛ̀ kpaakpàà.

1 KƆ̀RƐ̀ŊTYƐŊ 14:36

A lɔ̀ŋkin innɛ jɛ̀ɛ̀ ì Bɛ̀ll ì pɛ̀sɛ̀ngày yɔ̀? Gìn mìni yɛɛ tekà yɔ̀ cɛ̀ncin?

1 KƆ̀RƐ̀ŊTYƐŊ 14:38

I mum à còmɛɛ kɔ, di Bɛ̀ll à yii ɓi nyi.

1 KƆ̀RƐ̀ŊTYƐŊ 2:15

Kìɓan kifog ŋwaànɛ àrì rì Nghay à Bɛ̀ll à ti à yɔ̀mgì ɓyom ɓìcèm; mum à ki yin lɛ à yɔ̀m nyi.

1 KƆ̀RƐ̀ŊTYƐŊ 3:1

Ɓɔɔsoŋ̀! Ɓi ɓɛg ànɛ a lɔ̀ŋkɛm̀, ǹtòòghrɛ̀ngà ɓi ri mìni yɛ̀ɛ rì ɓumɓɛ ɓɛ ti rì Ǹghay à Bɛ̀ll, wɔ̀lɛ ǹtòòghrɛ̀ngà lɔŋ ri mìni yɛ̀ɛ rì ɓumɓɛ ɓɛ ri ɓumɓɛ ɓi mɛ̀mùù, lɔŋ yɛ̀ɛ rì ɓumɓɛ ɓɛ kaka ɓɔn ɓɛsàg ɓi Kiris.

1 KƆ̀RƐ̀ŊTYƐŊ 7:25

Ɓi san ànɛ a ɓɔɓti ɓɛ ɓɛ ka wɛɛyi ɓi, ǹ-yin ɗi bimiɗ à ǹsiŋdɛn ànɛ à rìì yɛ̀ɛ Kan, kìɓan kifog, ɓi rìɓa ɗi ǹɗì mum ànɛ kìrɔɔ̀-ǹɗem à Bɛ̀ll à kìghà lɛ mɓa mum ànɛ ɓɛ ghɛɛ̀sɛɛ kì tyweeyii, ǹkpaa lèg ànɛ yɛɛ rìghɛn ɗyɛ̀m ɗi ri.

1 KƆ̀RƐ̀ŊTYƐŊ 7:40

Nni wɔ̀lɛ ɓi rìghɛn ɗyɛ̀m, giɓ anɛ̀n à ɓiì ɓiisɛɛ ki ɓaà lɛ syeesyee, di à kɔ̀rii fɔ̀lɔ̀ɔ̀; nni mɛ̀ɛ nfèki lɛ ǹɗì girig rì Ǹghay à Bɛ̀ll.

1 KƆ̀RƐ̀ŊTYƐŊ 8:2

I mum a fèfeg lɛ à yii com, ŋwaànɛ̀n à ka konag ɓi ki yiì yɛ̀ɛ ki ghɛɛ̀sɛɛ.

2 KƆ̀RƐ̀ŊTYƐŊ 10:12

Ɓìsii ghɛɛsii ɓi lɛ ti teɗ ǹɗɛli, nsoò lɛ ti feèghrɛn ɓìsiìɓɔmiɗ ri ɓum ɓɛdɛŋ, ɓɛ ɓɛ ti ɓɛ sɛɛghràg ɓɔmiɗ. Wɔ̀lɛ ɓɛ ri ɓìyèg yɛ̀ɛ ɓɛ ti ɓɛ feèghràg ɓi vèg ìnɛ ɓɔmiɗ ɓɔ yɛɛ rɛsii, ɓɛ ki teɗ ɓɔmiɗ ɓi sìg à vèg ìnɛ ɓum ɓɛ ghɛɛ̀sɛɛ kìfèèghrɛɛ ri yɔ̀.

2 KƆ̀RƐ̀ŊTYƐŊ 10:7

Ghɛngiina ɓìɓan lɔŋ yɛ̀ɛ ɓi ri; i ŋwaàdɛŋ à konaagh kì yii rì nɗem wii wucèm lɛ, à rì mum à Kiris, à ghɛ̀ɛ̀sɛɛ kì yitii ɓi nɗem wii lɛ, ɓìsi girig tì rì ɓum ɓɛ Kiris lɔŋ yɛ̀ɛ nyi.

2 KƆ̀RƐ̀ŊTYƐŊ 11:4

Ɓisuulɛ ki yeesii ɓi mini lɛ ŋwaàdɛŋ a yu mìni kì kalii kiɓan ki Yeesus àdɛŋ, ànɛ à yin anɛ ɓìsii kalìghà mìni, nsoò lɛ ɓi teɗ Ǹghay àdɛŋ ànɛ à yin Ǹghay ànɛ ɓì ɓaghà di ɓì mɛ teɗ, nsoò lɛ Syeesyee à Ɓɔlɛ àdɛŋ ànɛ à yin anɛ ɓì tekà.

GÀLAT 6:8

Ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ kɔ̀ngi mɛmùù, ɓìɓan ɓiǹ ɓi ki lɛ a ɓumi rìwu; wɔ̀lɛ ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ̀ kɔ̀ngi Nghay, Nghay à kì lɛ a ɓumi cɛɓ ki fiɗyàɓ fikɔ̀ɔ̀.

2 PYƐƐRI 3:2

lɛ ɓi yiìyìtàg lɛ rì ɓìɓan ɓi ɓɛkpaŋzì-ɓìɓan ɓɛ ɓɛ ri ɓɛ̀tɛnɛn ɓɛ kpaaghà lɛ ɓi ɓiì kìlɛɛ, rì kìdɔ̀gsɛna ki Kan ànɛ à rì Ǹghɛɓsì-ɓum, kɛɛ̀ki ɓɛ̀kɛ̀nì-fìtom ɓin ɓɛ resìghà mìni.

1 ZYAŊ 4:6

Ɓi ɓɛg wìs, ɓìsii ri ɓum ɓɛ Bɛ̀ll; ŋwaànɛ à yii Bɛ̀ll, à rì ɓiì woògh com ki ti kpaakpàà; wɔ̀lɛ ŋwaànɛ à yin mum à Bɛ̀ll àa wog ɓi com ki ti kpaakpàà, fɔlɔɔ nnɛ tì rì lɛ tì yi rìghasì ɗi lɛ rì Nghay wu wu ri ɓi saaɗ, rì wu wu ri ɓi rìnàn.

ZYUUDƐ 1:17

Kìɓan kifog mìni ɓum ɓɛm ɓɛ nɗem, yitiina ɓìɓan ɓi ɓɛ̀kɛ̀nì-fìtom ɓɛ Kan wìs Yeesus Kiris ɓɛ kpaaghà mìni lɛ ɓi ri ɓiì ghɛnɛɛ.