1 KƆ̀RƐ̀ŊTYƐŊ 14:26 - Bafia Nouveau Testament

²⁶ Ɓɔɔsoŋ̀ nni cɛ ɓì ghɛ̀ɛ̀sɛɛ min lɛ ɓì kìlàg? Ki ghɛɛ̀sɛɛ lɛ, cààmɛ̀n ki ɓì taŋzɛɛ, wàànɛ ù rì rì fyem, nsoò lɛ com ki rèsiyɛn, nsoò kìɓan ki Nghay à rèsii wɔ̀, nsoò lɛ u toòghrɛn kìkènekènè ki kitòkì, nsoò lɛ rìtɛɛ̀zì ɗi ɓiɓan ɓi ɓi kparɛɛ ɓi kìkènekènè ki kitòkì kiǹ, ɓìɓan ɓiǹ ɓìcèm ɓi ghɛɛ̀sɛɛ kìfaà ɓɛ̀gherɛ̀n ɓɛ̀cèm ìtèɗ ɓi nghay.

1 KƆ̀RƐ̀ŊTYƐŊ 14:26 ပူးပေါင်းရင်းမြစ်များ

RÒMƐŊ 1:13

Ɓɔɔsoŋ̀ ǹkɔ̀ni ɓi lɛ ɓi naǹ lɛ, mmɛ ɓeg ɓyààmɛ̀n ɓidɛŋ lɛ n-yu mìni kì ghɛɛ̀ lɛ di kìsay kɛm̀ kɛɛ wum gàɓ ì ɓìɗùn a lɔ̀ŋkin, yɛ̀ɛ ki faghà ɓi ɓìlɔ̀ŋ ɓimbog. Nni à kpaŋ ɓigomìnɛ, bee ì ka ghɛnɛ̀ngà ɓi.

RÒMƐŊ 12:7

Roànɛ à rì ǹɗeŋiyɛn lɛ a ɓa ǹkìì-kìsay à ɓɛ̀ro ɓɛmbog, a siìrɛn ɓi rìkì ɗi kisay; roànɛ Bɛ̀ll à faghà lɛ a ɓa ǹɗèsàg, à ghɛ̀ɛ̀sɛɛ kì falɛɛ ɓi rìrèrèsì.

RÒMƐŊ 14:19

Fɔlɔɔ nnɛ tì ghɛ̀ɛ̀sɛɛ min kikaà lɛ ti ki ɓìɓan ɓi ɓyɛɛ̀ kìki lɛ fyòoog a ɓa, ɓi ki fa ti ɓisi ɓɛ̀sɛ̀ɛ̀ ɓɛ̀cèm ìtèɗ ɓi rìgherɛ̀n.

RÒMƐŊ 15:2

Mum ǹcèm ànɛ ɓi ɓìsi à ghɛ̀ɛ̀sɛɛ kì puɓsii geni nɗem ɓi kìɓan ki ki rɔɔtɛɛ, lɛ a siìrag nyi ɓi rìgherɛ̀n.

1 KƆ̀RƐ̀ŊTYƐŊ 14:15

Ǹghɛ̀ɛ̀sɛɛ min ki kìi la? Ǹɗì ɓiì ɓɔ̀ŋzaagh Bɛ̀ll rì nghay wɛ̀m, kìɓan kifog m̀ɓɔ̀ŋzàg girig rì ɗyomzɛ̀n ɗyɛm̀; ǹɗì ɓiì kɛɛghraagh tyem rì nghay wɛ̀m kìɓan kifog ǹkɛɛghràg girig rì ɗyomzɛ̀n ɗyɛm̀.

1 KƆ̀RƐ̀ŊTYƐŊ 14:2

Ɓisuulɛ ŋwaànɛ a tòtog ɓìkènekènè ɓi ɓitòkì, à yin ɓiì tòtoogh ri ɓum, lɔŋ rì Bɛ̀ll nnɛ a tòtòg ɓisuulɛ à yin lɛ à wog com ki a kpaakpàà; rì ǹghay innɛ a kpaakpaa ɓiɓan ɓi rim.

1 KƆ̀RƐ̀ŊTYƐŊ 14:27

I ɓum ɓɛɛ̀ tòtòg ɓìkènekènè ɓi ɓitòkì, ɓum ɓɛɓɛɛ̀ nsoò lɛ ɓɛraa, di ɓɛ teghɛɛ ɓɛɛ ghɛɛ̀sɛɛ lɛ ɓɛ toòghrɛ̀n lɛ i roànɛ à tòòghrɛɛ, roàmbog à tòòghrɛ̀n, mum ànɛ lɛ a ghaàghàgsì ɓìɓan ɓi ɓɛɛ̀ kpaakpàà à ghɛ̀ɛ̀sɛɛ wɔɔ ki ɓaà.

1 KƆ̀RƐ̀ŊTYƐŊ 14:40

Kìɓan kifog, ɓìɓan ɓìcèm ɓi ghɛɛ̀sɛɛ kì kìlɛɛ yɛ̀ɛ kɛɛ̀ kɔ̀nkɔ̀n rì syeesyee à rìwòŋzàg.

2 KƆ̀RƐ̀ŊTYƐŊ 12:19

Kaa finɛn yɛ̀ɛ ɓyaà fèfèg lɛ ɓìsiì kpaakpaàsɛ̀n ɓi mis min. Lɔŋ ɓi mis mɛ Bɛ̀ll, ɓi Kiris ɓiɗùm innɛ ti tòtòg, nni ɓìɓan ɓiǹ ɓìcèm ɓi ri ɓisuu kitɔɔ kiǹ ki ɓi Ǹghay, mìni ɓɔɔseŋi ɓɛ̀m ɓɛ nɗem.

2 KƆ̀RƐ̀ŊTYƐŊ 13:10

Kìɓan kiǹ kɛɛ̀ki ǹkàniì mìni fɔlɔɔ, di ǹkakay fìràɓ ɓisuulɛ, yɛ̀ɛ nkpaŋkpaŋ foo, kɛ̀ɛ mɓa ǹtiniyɛn lɛ ǹnyɛn ɗì mìni, ɓi rìlàmì ɗi Kan à faghà mɛ̀ lɛ, nki lɛ ɓi siìrɛn ɓi rìgherɛ̀n, àa lɛ n-yogsi rìgherɛ̀n ɗin.

EFÈZYƐŊ 4:12

À kìghà fɔlɔɔ lɛ di ɓɛ̀gherɛ̀n ɓɛɛ tɔɔ̀ ɓɛ kpaŋ ɓi nɗɛli wu ɓɛ ri lɛ ɓɛ ki kìsay ɓi rìtoŋ ɗi nyoo ì Kiris.

EFÈZYƐŊ 4:16

Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

EFÈZYƐŊ 4:29

Ŋwɔm win wu ghɛɛ̀sɛɛ ɓi ki kpaà kìɓan ki ɓeɓtɛn, wɔ̀lɛ i ki kpaŋi lɛ ɓi toòghrɛn, jɛ̀ɛ̀ yìn i ghɛ̀ɛ̀sɛɛ kì ɓaa jɛ̀ɛ̀ ìnɛ ì rì lɛ ì fa ìtèɗ ɓi rìgherɛ̀n ì ki ɓa ri ǹghɛɓsɛn ɓisuu ɓɛroɓɛ ɓɛ woogh yɔ̀.

EFÈZYƐŊ 5:19

Ɓì kuùkùrɛ̀n rì ɓɛ̀sam, rì mɛ̀ɓàlì, rì tyem ti Bɛ̀ll; ghàɓina mɛ̀ɓàlì lɛ ɓi ɓɔgsi Kan, rì mɛ̀rem min mɛcèm.

TÈSÀLÒNÌSYƐŊ 5:11

Fɔɔnnɛ ɓì ghɛ̀ɛ̀sɛɛ kì faafàlɛ̀n mìniìɓɔmiɗ ìtèɗ, ɓì kì feèfègsɛ̀n mìni rì mìni yɛ̀ɛ ɓì ti ɓiì kìkii.