1 KƆ̀RƐ̀ŊTYƐŊ 14:2 - Bafia Nouveau Testament

² Ɓisuulɛ ŋwaànɛ a tòtog ɓìkènekènè ɓi ɓitòkì, à yin ɓiì tòtoogh ri ɓum, lɔŋ rì Bɛ̀ll nnɛ a tòtòg ɓisuulɛ à yin lɛ à wog com ki a kpaakpàà; rì ǹghay innɛ a kpaakpaa ɓiɓan ɓi rim.

1 KƆ̀RƐ̀ŊTYƐŊ 14:2 ပူးပေါင်းရင်းမြစ်များ

MATYOO 13:11

Yeesus à ɓàg ɓɔ lɛ: Ntòtog ri ɓɔ ɓi dàɗkì lɛ mìniìɓɛ ki ri kì fayɛn lɛ ɓi yi ɓìɓan ɓi ɓi kìlɔ̀ŋ ki aɗyoo ɓi ɓi ri ɓìnyamɛn, wɔ̀lɛ ɓi ɓɛg wàa, ki yin ɓɔ kì fayɛn lɛ ɓɛɛ yi ɓìɓan ɓiǹ.

MARIKUS 16:17

Dàm yi ɓiɓan yi ɓumɓɛ ɓɛ gherɛɛ ɓɛ ɓiì kìkii, yi ri lɛ: Ɓɛ ri ɓiì nànaɓi ɓiɓeɓtàg ɓi mɛghay rì ɗii ɗyɛ̀m, ɓɛ ki tòtog ɓìkènekènè ɓi ɓitòkì.

MARIKUS 4:11

Nni à ɓàkà ɓɔ lɛ: Mìnii ɓɛ ki ri ki fayɛn lɛ ɓi yi ɓìɓan ɓi ɓi ɓaghà ɓì nyamɛn ɓi kìlɔ̀ŋ ki Bɛ̀ll; ɓi ɓɛg ànɛ a ɓɛ̀ro ɓɛmbog ɓɛɛ̀ wowog lɔŋ ɓiɓan ɓìcèm yɛ̀ɛ dàɗkì

MƐ̀KÌKÌÌ MƐ ƁƐKƐ̀NÌ-FÌTOM 10:46

Ɓɛ wowòkà di ɓumɓɛ̀n ɓɛɛ̀ tòtog ɓìkènekènè ɓi ɓitòkì, ɓɛ kpaàkpàgsɛ̀n ɗìkem ɗi Bɛ̀ll. Nni Pyɛɛri à kpaaghà min lɛ:

MƐ̀KÌKÌÌ MƐ ƁƐKƐ̀NÌ-FÌTOM 19:6

Fɔɔnnɛ Pol à saghìghà ɓɔ ɓyàg ɓi nyoo, Kìtɛntɛ̀ɛ̀n ki Nghay ki sɛn yì ɓi ɓɔ, ɓɛ tumɛ̀n ɗìtòg ɗi ɓìkènekènè ɓi ɓitòkì di ɓɛɛ̀ kpaakpaa ɓiɓan ɓi Bɛ̀ll à rèrèsìghà ɓɔ lɛ, ɓɛɛ kpaà.

MƐ̀KÌKÌÌ MƐ ƁƐKƐ̀NÌ-FÌTOM 22:9

Ɓumɓɛ m̀ɓaghà ǹɗaŋ ɗi ɓɔ, ɓɛ ghɛngà kìtɛɛtɛn, kìɓan kifog jɛ̀ɛ̀ ìnɛ ì tòòghrɛ̀ngà rì mɛ̀ yɛ̀ɛnɛ ɓɛ wokà ɓi.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

1 KƆ̀RƐ̀ŊTYƐŊ 12:10

À fa ŋwaàdɛŋ ìtèɗ wu kìkiyɛn dàm, à fa roàmbog ìtèɗ wu kpaakpaŋzìyɛ̀n ɓìɓan ɓi Bɛ̀ll à rèsii nyi; à fa roàdɛŋ ìtèɗ wulɛ a yi rìghasì ɗi lɛ, rì ɓìɓeɓtàg ɓi mɛghay, rì syeesyee à Ǹghay, à fa tì roàdɛŋ ìtèɗ wu tòtoghɛn ɓìkènekènè ɓi ɓitòkì à ki fa roàdɛŋ ìtèɗ wulɛ a tɛɛ̀zi ɓìɓan ɓi ɓyɛɛ̀ kpaakpaàrɛ̀n ɓi ɓìtòkì ɓiǹ.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 13:1

Nsoò màa tòtòg ɓìtòkì lɛ rì ɓi ɓum, rì ɓi ɓum ɓɛ titom, i ǹ-yin ɗi ǹkɔ̀nɛ̀n ǹɗì lɔŋ yɛ̀ɛ ǹkeŋ wu wɛɛ̀ tòtòg, nsoò lɛ jeŋi inɛ yɛɛ̀ yooyòò.

1 KƆ̀RƐ̀ŊTYƐŊ 13:2

Nsoò màa rì rì rìfa ɗi Nghay ɗi lɛ nkpaàkpàŋzì ɓìɓan ɓi Bɛ̀ll, màa soo yii dàm yi ɓiɓan yicèm yi a rìnyam, ǹki yi ɓiɓan ɓìcèm, nsoò màa rì kɔm̀ ɗì rìgherɛ̀n ɗi ɗi ri lɛ ɗi pɛsì dòn lɛ yɛ̀ɛ, pɛsɛn jàŋ inɛ ì rì, i ǹ-yin ɗi ǹkɔ̀nɛ̀n, di ǹɗì lɔŋ com ki zɛy.

1 KƆ̀RƐ̀ŊTYƐŊ 14:16

Ɓisuulɛ i u fafa Bɛ̀ll ɓìtògsɛ̀n ɓi nghay wɔ rì wɔ, lannɛ ŋwaà zɛ̀y ànɛ à kɔ̀kɔrii ǹɗaŋ ri ɓumɓɛ ɓɛɛ̀ wowòg à rì lɛ à kpaa lɛ ààmɛ̀n ɓi ɓìtògsɛ̀n ɓi ù faa Bɛ̀ll kɔlɛ à yii ɓi com ki ù kpaa?

1 KƆ̀RƐ̀ŊTYƐŊ 14:26

Ɓɔɔsoŋ̀ nni cɛ ɓì ghɛ̀ɛ̀sɛɛ min lɛ ɓì kìlàg? Ki ghɛɛ̀sɛɛ lɛ, cààmɛ̀n ki ɓì taŋzɛɛ, wàànɛ ù rì rì fyem, nsoò lɛ com ki rèsiyɛn, nsoò kìɓan ki Nghay à rèsii wɔ̀, nsoò lɛ u toòghrɛn kìkènekènè ki kitòkì, nsoò lɛ rìtɛɛ̀zì ɗi ɓiɓan ɓi ɓi kparɛɛ ɓi kìkènekènè ki kitòkì kiǹ, ɓìɓan ɓiǹ ɓìcèm ɓi ghɛɛ̀sɛɛ kìfaà ɓɛ̀gherɛ̀n ɓɛ̀cèm ìtèɗ ɓi nghay.

1 KƆ̀RƐ̀ŊTYƐŊ 15:51

Nɗesi mìni kìɓan ki rim ki a rìnyam: Tyàa wu ɓi ɓɛsɛ̀ɛ̀ ɓɛ̀cèm, kìɓan kifog ɓìsi ɓɛ̀sɛ̀ɛ̀ ɓɛ̀cèm tì rì ɓiì koɓsɛɛ,

1 KƆ̀RƐ̀ŊTYƐŊ 2:10

Ɓìsi ɓɛɛ̀ɓɛ Bɛ̀ll à mɛ rèsi ɗyomzɛ̀n ɗiǹ rì Ǹghay, ɓisuulɛ Ǹghay à ti à timgì ɓìɓan ɓìcèm, nsoò ɓɛ̀fèg ɓɛ Bɛ̀ll ɓɛ ɓɛ ri ɓɛ̀rimɛn lɛ kɔɔ̀kɔɔ̀.

1 KƆ̀RƐ̀ŊTYƐŊ 2:7

Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

EFÈZYƐŊ 6:19

ɓì ɓɔ̀ŋzàg girig Bɛ̀ll ɓisu wɛ̀m lɛ, a fa mɛ̀ jɛ̀ɛ̀ ìnɛ ǹghagsi, rì kìghɛɛsii cààmɛ̀n kìcèm ki m̀pinii ŋwɔm lɛ nɗesi ɓum kìɓan ki ki ri kì nyamɛn ɓi Syeesyee à Ɓɔlɛ.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

TIMOTE 3:9

ɓɛ ghɛɛ̀sɛɛ kì ɓèŋì ɓiɓan ɓi ɓi ri ɓìnyamɛn ɓi rìgherɛ̀n rì nɗem wu wu ri wùtɛnɛn.

ÀPÒKÀLIƁSƐ̀ 10:7

kìɓan kifog ɓi mɛ̀ru mɛ jɛ̀ɛ̀ ì ŋwaà-fìtom a kìtaàɓɛ̀ɛ̀ ì rì ɓiì wooghrɛɛ, di à ti lɛ à tumɛ̀n ɗìrɔŋ ɗi ɗyam, innɛ fèg à Bɛ̀ll ànɛ a ɓalag nyamɛn à ɓiì ronì lɔŋ yɛ̀ɛ à wogsìghà Syeesyee à Ɓɔlɛ ànɛ ɓi fèg ànɛn rì ɓɛ̀kpaŋzì-ɓìɓan ɓɛ ɓɛ ri ɓɛ̀kìì-ɓìsay ɓii.