1 KƆ̀RƐ̀ŊTYƐŊ 14:1 - Bafia Nouveau Testament

¹ Kaana ǹkɔ̀nɛ̀n; ɓì keesì girig mɛ̀faà mɛ Kitɛntɛ̀ɛ̀n ki Nghay, à ɓiisɛ̀n rìfa ɗi lɛ ɓi kpaàkpàŋzì ɓìɓan ɓi Bɛ̀ll à rèsii mìni.

1 KƆ̀RƐ̀ŊTYƐŊ 14:1 ပူးပေါင်းရင်းမြစ်များ

RÒMƐŊ 12:6

lèg ànɛ yɛ̀ɛ geesɛ̀n ì Bɛ̀ll ì ghɛnɛ̀ngà a lɔ̀ŋkis, tì ri lɛ rì mum, rì rìkuu ɗi kiɓan ɗi Bɛ̀ll à faghà nyi lɛ a kilag, fɔɔnnɛ roànɛ Bɛ̀ll à faghà ìtèɗ wulɛ a kpaàkpàŋzì ɓìɓan ɓi Bɛ̀ll à rèsii nyi, à ghɛ̀ɛ̀sɛɛ kì kìi kisay kiǹ lɔŋ yɛ̀ɛ ki ghɛɛ̀sɛɛ ɓi rìgherɛ̀n.

RÒMƐŊ 14:19

Fɔlɔɔ nnɛ tì ghɛ̀ɛ̀sɛɛ min kikaà lɛ ti ki ɓìɓan ɓi ɓyɛɛ̀ kìki lɛ fyòoog a ɓa, ɓi ki fa ti ɓisi ɓɛ̀sɛ̀ɛ̀ ɓɛ̀cèm ìtèɗ ɓi rìgherɛ̀n.

RÒMƐŊ 9:30

Cɛ tì rì min lɛ tì kpaa? Ti kpaà lɛ ɓumɓɛ ɓɛ yin Ɓɛ̀yudɛ̀n, ɓɛ kɛɛ̀ ki ɓa ɓumɓɛ ɓɛ kaakààghà lɛ ɓɛɛ ɓa lɛ saaɗ ɓi mis mɛ Bɛ̀ll, ɓɛ ti lɛ saaɗ ɓi mis mii lɛ rìgherɛ̀n.

1 KƆ̀RƐ̀ŊTYƐŊ 12:1

Ɓɔɔsoŋ̀, ɓi kìɓan ki ki seesee ɓìɓan ɓi Kìtɛntɛ̀ɛ̀n ki Nghay ki ti ki falàg ɓum ìtèɗ wu kìyɛn, mɛ̀ ǹkɔ̀ni ɓi lɛ ɓi rɔɓ lɛ dùŋdùŋ.

1 KƆ̀RƐ̀ŊTYƐŊ 12:31

Fɔɔnnɛ ɓi ghɛ̀ɛ̀sɛɛ kì ɓaà zày rì mɛ̀faà mɛ mɛ ɓiisɛɛ kì rɔɔtɛɛ. Ǹki rì tì mìni ɓiì rèsii bee inɛ ì ɓɛghɛɛ kìrɔɔ.

1 KƆ̀RƐ̀ŊTYƐŊ 13:13

Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

1 KƆ̀RƐ̀ŊTYƐŊ 13:2

Nsoò màa rì rì rìfa ɗi Nghay ɗi lɛ nkpaàkpàŋzì ɓìɓan ɓi Bɛ̀ll, màa soo yii dàm yi ɓiɓan yicèm yi a rìnyam, ǹki yi ɓiɓan ɓìcèm, nsoò màa rì kɔm̀ ɗì rìgherɛ̀n ɗi ɗi ri lɛ ɗi pɛsì dòn lɛ yɛ̀ɛ, pɛsɛn jàŋ inɛ ì rì, i ǹ-yin ɗi ǹkɔ̀nɛ̀n, di ǹɗì lɔŋ com ki zɛy.

1 KƆ̀RƐ̀ŊTYƐŊ 14:22

Fɔlɔɔ nnɛ rìtòtòg ɗi ɓìkènekènè ɓi ɓitòkì ɗi resii com, àa ɓisuu ɓɛgherɛ̀n, wɔ̀lɛ ɓisuu ɓumɓɛ ɓɛ yin ɓɛgherɛ̀n, kɔlɛ rìkpaŋzì ɗi ɓiɓan ɓi Bɛ̀ll, ɗi resii com, wɔ̀lɛ àa ɓisuu ɓumɓɛ ɓɛ yin ɓɛgherɛ̀n lɔŋ ɓisuu ɓɛgherɛ̀n.

1 KƆ̀RƐ̀ŊTYƐŊ 14:37

I mum a fèfeg lɛ à rì ǹkpaŋzì-ɓìɓan à ghɛ̀ɛ̀sɛɛ kì yiì lɛ kìɓan ki ǹkàni mìni ki, ki ri kìdɔ̀gsɛna ki Kan.

1 KƆ̀RƐ̀ŊTYƐŊ 14:39

Fɔlɔɔ nnɛ ɓaana rì zày ìnɛ lɛ ɓi kpaàkpàŋzì ɓìɓan ɓi Bɛ̀ll, ɓɔɔsoŋ̀! Kɛ̀ ɓi ki règ ɓum lɛ ɓɛɛ totog ɓìkènekènè ɓi ɓitòkì.

1 KƆ̀RƐ̀ŊTYƐŊ 16:14

Kìlaaghna ɓìɓan ɓìcèm ɗì ǹkɔ̀nɛ̀n, ɓi nyìinyìm wìn.

EFÈZYƐŊ 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris, ànɛ à màgà ɓìsi ɓi rìɓa ɗis ɗi tì rì ɓɛ̀ ràrɛn ɗi Kiris, yɛ̀ɛ à faghà ɓìsi ɓɛ̀mààgh ɓɛ nghay ɓɛ̀cèm ɓi ɗyoo ɓi ɗùm.

TÈSÀLÒNÌSYƐŊ 5:20

Kɛ̀ ɓi sɛɛti ɓiɓan ɓi ɓum ɓɛ kpaŋzii rì ìtèɗ wu Nghay à Bɛ̀ll.

TIMOTE 4:14

Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

TIMOTE 6:11

Ɓi ɓɛg wɔ̀ɔ̀, wàànɛ ù rì mum à Bɛ̀ll, lɛgha ɓìɓan ɓiǹ, ɓìcèm; u kaà lɛ rì saaɗ, rì rìfalɛ̀n ɗi ɓi rìgherɛ̀n, rì rìgherɛ̀n yɛ̀ɛ Bɛ̀ll, rì ǹkɔ̀nɛ̀n, ɗì rìnìɗ ɗi nɗem, ɗì rìɓa ɗi lɛ tɛ̀tɛ̀rɛ̀ɛ̀.

2 TIMOTE 2:22

Lɛgha ɓìɓeɓtàg ɓi ɓìɓan ɓi ɓi ti ɓi rɔɔghì ɓɛ̀dɛlì; kaaya saaɗ, rì rìgherɛ̀n, rì ǹkɔ̀nɛ̀n, rì fyòoog ànɛ rì ɓumɓɛ ɓɛ ti ɓɛ regì ɗii ɗi Kan rì nɗem wu tɛnɛn.

EBIREEGH 12:14

Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

2 PYƐƐRI 1:7

ɓi rìfalɛ̀n ɗi ɓi rìgherɛ̀n, ɓì ɓɔ̀ɓtɛ̀ntì kìrɔɔrɛɛ ki ɓi rìgeni; ɓi kìrɔɔrɛɛ ki ɓi rìgeni kìn, ɓì foŋ̀dì ǹkɔ̀nɛ̀n.

3 ZYAŊ 1:11

Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.