1 KƆ̀RƐ̀ŊTYƐŊ 13:2 - Bafia Nouveau Testament

² Nsoò màa rì rì rìfa ɗi Nghay ɗi lɛ nkpaàkpàŋzì ɓìɓan ɓi Bɛ̀ll, màa soo yii dàm yi ɓiɓan yicèm yi a rìnyam, ǹki yi ɓiɓan ɓìcèm, nsoò màa rì kɔm̀ ɗì rìgherɛ̀n ɗi ɗi ri lɛ ɗi pɛsì dòn lɛ yɛ̀ɛ, pɛsɛn jàŋ inɛ ì rì, i ǹ-yin ɗi ǹkɔ̀nɛ̀n, di ǹɗì lɔŋ com ki zɛy.

1 KƆ̀RƐ̀ŊTYƐŊ 13:2 ပူးပေါင်းရင်းမြစ်များ

MATYOO 13:11

Yeesus à ɓàg ɓɔ lɛ: Ntòtog ri ɓɔ ɓi dàɗkì lɛ mìniìɓɛ ki ri kì fayɛn lɛ ɓi yi ɓìɓan ɓi ɓi kìlɔ̀ŋ ki aɗyoo ɓi ɓi ri ɓìnyamɛn, wɔ̀lɛ ɓi ɓɛg wàa, ki yin ɓɔ kì fayɛn lɛ ɓɛɛ yi ɓìɓan ɓiǹ.

MATYOO 17:20

Yeesus à ɓàg ɓɔ lɛ: Kaa yaagh mìni rìnàɓ lɛ rìgherɛ̀n ɗin ɗi tɔɔ ɓì; ǹkalii mìni ɓi saaɗ lɛ; i ɓyàa rì ɗì rìgherɛ̀n ɗìtèghɛn yɛ̀ɛ zàm ì doŋ, di ɓì rì lɛ, i ɓì kpaa dòn ìnɛ lɛ: Pɛ̀sɛn fɛ kɛ̀na fɛnii, ì pɛ̀sɛ̀n; di com ki yin lɛ ki yag mìni.

MATYOO 21:19

Fɔɔnnɛ à ghɛngà ǹɗyèm wu fìgyee ɓi bee, à kɛ̀n wɔɔ; kìɓan kifog, à tanɛ̀n wɔ tyɛn ɗì tyɛn, à kpaa rì fìgyee ànɛn lɛ: Wàa wumdii gɛ ɓi kiɗùn nsoò kìfog. Lɔŋ ɓi cààmɛ̀n kɔm̀ kiǹ, ǹɗyèm wu fìgyee wu ghaskà kì wiì.

MATYOO 21:21

Yeesus à bàg ɓɔ lɛ: Ǹkpaa mìni saaɗ lɛ, i ɓì rì rì rìgherɛ̀n, ɓì ki ɓa kɛ̀ɛ̀ nyoey ɓi nɗem, ɓì rì lɛ, ɓì kì kìɓan ki ǹkìi fìgyee ànɛ ki, ɓì ki ɓa ti kɔm̀ rì ìtèɗ wulɛ, i ɓì kpaa dòn ìnɛ lɛ, yɛ̀ɛ pɛsɛn yɛ̀ɛ kɛǹ kì kpìi ɓi rìɓày, ki kilɛ̀n fɔlɔɔ.

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 15:14

Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

1 KƆ̀RƐ̀ŊTYƐŊ 11:4

Baŋì bimiɗ ìnɛ yɛɛ̀ kìki bɔ̀ŋzɛ̀n nsoò lɛ ìnɛ yɛɛ̀ kpaakpaŋzì ɓìɓan ɓi Bɛ̀ll à rèsii nyi, di ì rì rì tàm ɓi nto ì yin ɗi bɔgsɛ̀n ɓi san ànɛ yɛ̀ɛ rifòm ɗii.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 13:1

Nsoò màa tòtòg ɓìtòkì lɛ rì ɓi ɓum, rì ɓi ɓum ɓɛ titom, i ǹ-yin ɗi ǹkɔ̀nɛ̀n ǹɗì lɔŋ yɛ̀ɛ ǹkeŋ wu wɛɛ̀ tòtòg, nsoò lɛ jeŋi inɛ yɛɛ̀ yooyòò.

1 KƆ̀RƐ̀ŊTYƐŊ 13:3

Màa soo teri ìkum wɛm̀ wùcèm, ǹkàɓsàg rì ɓɛ̀soghàsogha lɛ ɓɛɛ ɗiɗi miì, màa soo ki faa kɔm̀ nyoo yɛ̀m lɛ yɛ̀ɛ ɗig ɓi ɗuu, i ǹ-yin ɗi ǹkɔ̀nɛ̀n, fɔlɔɔ anɛ̀n àa ghɛɓsi ɓi mɛ com.

1 KƆ̀RƐ̀ŊTYƐŊ 13:8

Ǹkɔ̀nɛ̀n à yin ɗi rìlèg; rìkpaŋzì ɗi ɓiɓan ɓi Bɛ̀ll ɗi ri lèg, rìtòtòg ɗi ɓìkènekènè ɓi ɓitòkì ɗi leg, rìyi ɗi ɓiɓan ɗi sugtɛ̀n,

1 KƆ̀RƐ̀ŊTYƐŊ 14:29

Ɓi ɓɛg ànɛ a ɓɛ̀kpaŋzì-ɓìɓan, ɓɛ̀sɛ̀ɛ̀ ɓɛɓɛɛ̀ nsoò lɛ ɓɛraa ɓɛ ghɛɛ̀sɛɛ kì tòòghrɛɛ, ɓɛ̀ro ɓɛmbog ɓɔɔ fifìɓì ɓìɓan ɓi ɓɛ̀roɓɛ̀n ɓɛɛ̀ kpaakpàà.

1 KƆ̀RƐ̀ŊTYƐŊ 14:39

Fɔlɔɔ nnɛ ɓaana rì zày ìnɛ lɛ ɓi kpaàkpàŋzì ɓìɓan ɓi Bɛ̀ll, ɓɔɔsoŋ̀! Kɛ̀ ɓi ki règ ɓum lɛ ɓɛɛ totog ɓìkènekènè ɓi ɓitòkì.

1 KƆ̀RƐ̀ŊTYƐŊ 14:4

Ŋwaànɛ a tòtog ɓìkènekènè ɓi ɓitòkì, a faafàlɛ̀n nyimiɗ itèɗ ɓi rìgherɛ̀n, roànɛ a kpaakpaŋzì ɓìɓan ɓi Bɛ̀ll a kìki lɛ kìseŋi ki Bɛ̀ll kɛɛ ɓa rì ìtèɗ, ɓi rìgherɛ̀n.

1 KƆ̀RƐ̀ŊTYƐŊ 15:51

Nɗesi mìni kìɓan ki rim ki a rìnyam: Tyàa wu ɓi ɓɛsɛ̀ɛ̀ ɓɛ̀cèm, kìɓan kifog ɓìsi ɓɛ̀sɛ̀ɛ̀ ɓɛ̀cèm tì rì ɓiì koɓsɛɛ,

1 KƆ̀RƐ̀ŊTYƐŊ 16:22

I mum à keesii ɓi Kan, à ghɛ̀ɛ̀sɛɛ kì terì ǹcɛ̀m! Màrànatà-Kan wìs yuiy!

1 KƆ̀RƐ̀ŊTYƐŊ 4:1

Ɓì ghɛ̀ɛ̀sɛɛ min ɓisi kì seesee yɛ̀ɛ ɓɛ̀kìì-ɓìsay ɓɛ Kiris, ɓɛ ɓɛ ri ɓɛ̀ɓèŋì ɓɛ ɓɛkɔɔ̀kɔɔ̀ ɓɛ ɓiɓan ɓɛ Bɛ̀ll à nyamgà.

1 KƆ̀RƐ̀ŊTYƐŊ 7:19

Kìɓan ki lɛ ŋwaà rì ǹkɛ̀rɛn nsoò lɛ à yin ǹkɛ̀rɛn, ki ghɛɓsii ɓi com, lɔŋ rìɓèŋ ɗi ɓidɔ̀gsɛna ɓi Bɛ̀ll ɗyɛɛ ghɛɓsii.

1 KƆ̀RƐ̀ŊTYƐŊ 8:4

Nni ɓi ntɔɔ̀tɔɔgh wu lɛ ŋwaà rì nya lɛ à ɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn, ɓìsii yii lɛ kìnùn ki yin ɓi ziinɛ nsoò kìfog; Bɛ̀ll à rì lɔŋ bog.

2 KƆ̀RƐ̀ŊTYƐŊ 12:11

Mɛ̀ mmɛ ghay kiyèg, kìɓan kifog, mìni yɛɛ tinìghà mɛ̀ lɛ nghay kìyèg, lɛ mìni yɛɛ ghɛɛ̀sɛ̀ngà lɛ ɓì sɛg ɓum mɛ̀. Lɛ nsoò yɛ̀ɛ ǹ-yin bimiɗ à mum, ǹ-yii ɓi lɛ ɓumɓɛ ɓɛɛ̀ kpaakpaa lɛ ɓɔ yɛɛ ri ɓyoo ɓɛkɛ̀nì-fìtom ɓɛ Yeesus ɓɛ cee mɛ̀ ɓi com kidɛŋ.

GÀLAT 5:16

Càrɛɛnà lɛ Nghay à Bɛ̀ll yɛɛ kɛɛ̀kɛ̀ɛ̀sì ɓyɛɓ ɓin, fɔɔnnɛ ɓyàa kì ti ɓi ɓiɓan ɓi mɛ̀mùù mɛɛ̀ syògi ɓum lɛ ɓɛɛ ki.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 6:3

I mum à terɛɛ nyimiɗ lɛ bimiɗ à mum, kɔlɛ à yin com, di à pwààrɛɛ nyimiɗ.

EFÈZYƐŊ 3:4

I ɓì ɓàli gàɓ ì ɓìɓan inɛ màa kàni, ɓì rì lɛ ɓì ghɛn lèg ànɛ yɛ̀ɛ ǹ-yii ɓìɓan ɓi a rìnyam ɓi ɓi seesee Kiris.

EFÈZYƐŊ 6:19

ɓì ɓɔ̀ŋzàg girig Bɛ̀ll ɓisu wɛ̀m lɛ, a fa mɛ̀ jɛ̀ɛ̀ ìnɛ ǹghagsi, rì kìghɛɛsii cààmɛ̀n kìcèm ki m̀pinii ŋwɔm lɛ nɗesi ɓum kìɓan ki ki ri kì nyamɛn ɓi Syeesyee à Ɓɔlɛ.

KÒLÒSYƐŊ 1:26

yɛ̀ɛ ri kìɓan ki Bɛ̀ll à ɓègà a rìnyam fìɗyàɓ fikɔ̀ɔ̀, lɛ gbàà yi ɓum yìcèm yɛ̀ kɛɛ̀ yi, wɔ̀lɛ kɛɛ̀ki à mɛ rèsi ɓum ɓii ɓi cààmɛ̀n ki,

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

1 ZYAŊ 4:8

Ŋwaànɛ à yin ɗi ǹkɔ̀nɛ̀n à yii ɓi Bɛ̀ll ɓisuulɛ, Bɛ̀ll à rì ǹkɔ̀nɛ̀n.