1 KƆ̀RƐ̀ŊTYƐŊ 13:13 - Bafia Nouveau Testament

¹³ Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

1 KƆ̀RƐ̀ŊTYƐŊ 13:13 ပူးပေါင်းရင်းမြစ်များ

LUKAS 10:27

Ŋwaànɛn à ɓàg Yeesus lɛ: Ù ghɛ̀ɛ̀sɛɛ kì keesii Kan Bɛ̀ll wɔ̀ɔ̀ rì ǹɗem wɔɔ wucèm, rì ǹghay wɔɔ kicèm, rì ìtèɗ wɔɔ wucèm, rì mɛ̀yitì mɔɔ mɛcèm, ù ki keesi ti romum ànɛ à wuɓsɛɛ wɔ̀ yɛ̀ɛ wɛ̀ɛmiɗ.

LUKAS 22:32

wɔ̀lɛ mɛ̀ɛ m̀ɓɔ̀ŋzaagh Bɛ̀ll ɓisu wɔɔ lɛ rìgherɛ̀n ɗyɔɔ ɗyɛ̀ kɛɛ̀ fɔɛy, nni yɛ̀ɛ ù ri ɓa di ù mɛ sugtii tì a lɔ̀ŋkɛm̀, kìya lɛ ɓɛ̀goni ɓɛɛ siirɛn girig.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

1 KƆ̀RƐ̀ŊTYƐŊ 14:1

Kaana ǹkɔ̀nɛ̀n; ɓì keesì girig mɛ̀faà mɛ Kitɛntɛ̀ɛ̀n ki Nghay, à ɓiisɛ̀n rìfa ɗi lɛ ɓi kpaàkpàŋzì ɓìɓan ɓi Bɛ̀ll à rèsii mìni.

1 KƆ̀RƐ̀ŊTYƐŊ 16:14

Kìlaaghna ɓìɓan ɓìcèm ɗì ǹkɔ̀nɛ̀n, ɓi nyìinyìm wìn.

1 KƆ̀RƐ̀ŊTYƐŊ 3:14

Ŋwaànɛ kìtoŋ kii ki ri ɓiì rɔ̀ɓi kɛ̀ kɛɛ̀ ɗig, à ɓiì terì mɛ̀lèɓ.

1 KƆ̀RƐ̀ŊTYƐŊ 8:1

Ɓi ɓɛg ànɛ a ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓìsiìcèm tì yii lɛ, tì rì rì ɓìɓan ɓi tì konaagh kì yiì, nni rìyi ɗi ti ɗi falàg mum ǹcàŋà wɔ̀lɛ ǹkɔ̀nɛ̀n à falàg ìtèɗ ɓi rìgherɛ̀n.

1 KƆ̀RƐ̀ŊTYƐŊ 8:3

Wɔ̀lɛ i ŋwaà keesii Bɛ̀ll, di ŋwaànɛ̀n à rì ŋwaànɛ Bɛ̀ll à yii.

2 KƆ̀RƐ̀ŊTYƐŊ 5:10

Ɓisuulɛ ɓìsi ɓɛ̀sɛ̀ɛ̀ ɓɛ̀cèm, tì ghɛ̀ɛ̀sɛɛ kì rɛlii ɓi mis mɛ Kiris lɛ a yɔm̀ ɓìsi, fɔlɔɔ nnɛ mum ǹcèm à ɓiì terì mɛ̀lèɓ mɛ mɛ ghɛɛ̀sɛɛ rì nyi, ɓi ɓìɓan ɓi à kìghà, nsoò ɓi syeesyee nsoò ɓi ɓeɓtɛn cààmɛ̀n ki à ɓaghà di a ka ghɛghɛɓ ɓi nyoo ì mɛ̀mùù.

2 KƆ̀RƐ̀ŊTYƐŊ 5:15

À wughà ɓisuu ɓum ɓɛ̀cèm lɛ di ɓumɓɛ ɓɛ kaka cem ɓɛ̀ kɛɛ̀ ghɛghɛɓ ti ɓisu waa wu ɓɔmiɗ, ɓɛɛ ghɛɓ lɔŋ ɓisuu roànɛ à wughà, à ki ghèmɓɛn ɓisu wàà.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

FÌLÌPYƐŊ 1:9

Com ki mɛ̀ɛ ntɔtɔg Bɛ̀ll ɓi bɔ̀ŋzɛ̀n yɛm̀ ki ri lɛ, ǹkɔ̀nɛ̀n wìn a kɛn asu à tɔɔtɔ̀ɔ̀, ɓi rìyi ɗi ɓiɓan, rì ɓi syeesyee à rìwog,

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

KÒLÒSYƐŊ 3:14

Wɔ̀lɛ ɓi ɓìɓan ɓiǹ ɓìcèm, ɓaana rì ǹkɔ̀nɛ̀n. Ǹkɔ̀nɛ̀n à rì com ki ki ti ki raɗkì ɓum syeesyee à rìràɗ.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 5:8

Wɔ̀lɛ ɓìsi ɓɛ tì rì ɓɔn ɓɛ ɓi cààmɛ̀n à ŋwos, tì ghɛ̀ɛ̀sɛɛ kì ɓèŋɗɛɛ ɓi kìɓan ki mɛrɔ̀g, tì ghɛ̀ɛ̀sɛɛ kì pùrɛɛ rìgherɛ̀n rì ǹkɔ̀nɛ̀n fɛ lɛ yɛ̀ɛ kìlàà ki bɔŋ tì waatɛ̀n girig dyàɓɛn inɛ ɓi gòri yìs fɛlɛ yɛ̀ɛ tàm.

TIMOTE 1:5

Rìsyɔn ɗi ɓi kìɓan ki ǹtɔɔgh wɔ̀ kiǹ ɗi ri lɛ, ǹkɔ̀nɛ̀n ànɛ à rìì ɓi nɗem wu wu ri wù tɛnɛn, rì ɓi nɗem wu wu ri lɛ sɛɛghisɛɛghi, rì ɓi rìgherɛ̀n ɗi kɛ̀ɛ̀ tìfyèèrɛnà.

2 TIMOTE 1:7

Lɛ àa ǹghay à kìɗyɔn innɛ Bɛ̀ll à faghà ɓìsi, lɔŋ ǹghay à ìtèɗ, rì ǹkɔ̀nɛ̀n rì ɗyomzɛ̀n innɛ à faghà.

EBIREEGH 10:35

Fɔɔnnɛ kɛ̀ ɓi càɗ ntyweeyi win ɓisuulɛ wu ri rì ɓyoo mɛlèɓ.

EBIREEGH 10:39

Ɓìsii yin ɓɛroɓɛ ɓɛ ti ɓɛ sugtàg rì jɛ̀m lɛ ɓɛɛ ɗyaŋ, ɓìsii ri ɓɛ̀roɓɛ ɓɛ gherɛɛ lɛ ɓɛɛ ghɛɓsi ɓyɛɓ ɓyàà.

EBIREEGH 6:11

Ti kɔ̀nkɔn lɛ mum ǹcèm ànɛ ɓi mìni a ɓa rì rìkuu ɗi rifalɛ̀n ɗiǹ à kpaŋ a rìsugtɛ̀n, fɔɔnnɛ ɓìɓan ɓi ɓi ɓoŋɓòŋ ɓi ri ɓiì kìlɛɛ lɛ syeesyee,

EBIREEGH 6:19

Dyàɓɛn inɛ̀n ìrì ɓìsi yɛ̀ɛ com ki ki lenlemi cɛɓ kis, ki ɓa kì bɛ̀lɛn lɛ kpeg-kpeg, kɔ yɛɛ ɗiŋii ki syaà kìlàà ki ɓi naà-Bɛ̀ll, ki kpaŋzɛ̀n ɓi jàŋ i kìcèlì ìnɛ wɔɔ ɓiɗùm,

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 ZYAŊ 2:10

Ŋwaànɛ à keesii geni yɛɛ ri ɓi kìtɛɛtɛn; kìɓan ki kɛ̀ɓtiyɛn nyi fìɓàg ki yin a lɔ̀ŋkii.

1 ZYAŊ 2:14

Ǹkàni mìni ɓɛ̀seŋi, ɓisuulɛ ɓì yii roànɛ à ɓaghà à tumɛ̀n a rìtumɛ̀n; ǹkàn mìni ɓɛ̀dɛlì ɓisuulɛ ɓì tèèsɛɛ, jɛ̀ɛ̀ ì Bɛ̀ll ì ɓa mìni ɓi mɛ̀rem, rì tì lɛ ɓì mɛ yag ghèghey à mum.

1 ZYAŊ 2:24

Ɓi ɓɛg wìn, ɓì ghɛ̀ɛ̀sɛɛ kì ɓèŋi kiɓan ki ɓì wokà kiǹ à tumɛ̀n a rìtumɛ̀n ki ɓa mìni ɓi mɛ̀rem, mìni girig ɓì rì ɓiì kɛ̀nkɛni asu, ɓì ɓa ɓɛ̀ràrɛn ri kìɓɛ̀ɛ̀ ki ɓum ki lɛ, rì Man, rì Seŋi.

1 ZYAŊ 3:3

Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.

1 ZYAŊ 3:9

Mum ǹcèm ànɛ à rì man à Bɛ̀ll à ti kɛ̀ɛ kì ti kiɓe ɓisuulɛ, ìtèɗ wu cɛɓ wu wu riì yɛ̀ɛ Bɛ̀ll wu ri a lɔ̀ŋkii. À yin lɛ à kɛ̀nkɛ̀n asu rì rìkìkì ɗi kiɓe lɛ Bɛ̀ll à rì nyi Seŋì.