1 KƆ̀RƐ̀ŊTYƐŊ 13:1 - Bafia Nouveau Testament

¹ Nsoò màa tòtòg ɓìtòkì lɛ rì ɓi ɓum, rì ɓi ɓum ɓɛ titom, i ǹ-yin ɗi ǹkɔ̀nɛ̀n ǹɗì lɔŋ yɛ̀ɛ ǹkeŋ wu wɛɛ̀ tòtòg, nsoò lɛ jeŋi inɛ yɛɛ̀ yooyòò.

1 KƆ̀RƐ̀ŊTYƐŊ 13:1 ပူးပေါင်းရင်းမြစ်များ

MATYOO 25:45

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓi ɓèngà kì kìi kibog ki ɓi ɓɔɔɓɔɓti ɓɛ fɔlɔɔ, mɛ̀ nnɛ ɓì ɓèngà kì kìi lɔɔ.

MARIKUS 16:17

Dàm yi ɓiɓan yi ɓumɓɛ ɓɛ gherɛɛ ɓɛ ɓiì kìkii, yi ri lɛ: Ɓɛ ri ɓiì nànaɓi ɓiɓeɓtàg ɓi mɛghay rì ɗii ɗyɛ̀m, ɓɛ ki tòtog ɓìkènekènè ɓi ɓitòkì.

RÒMƐŊ 14:15

I ù ɓeɓsii goni ǹɗem ɓi rìkuu ɗi ɓiɗilàg ɗidɛŋ ɗi u ɗiɗi, di ù rèsii tì ɓi ǹkɔ̀nɛ̀n yɛ̀ɛ ki ghɛɛ̀sɛɛ; ù ghɛ̀ɛ̀sɛɛ kì kɔ̀rii ɗyomzɛ̀n lɛ kɔ̀ɔ kì lɛ, ŋwaànɛ Yeesus Kiris à wughà ɓisu wii a ɗyaŋ̀ lɛ kìɓan ki ɓiɗilàg.

1 KƆ̀RƐ̀ŊTYƐŊ 12:10

À fa ŋwaàdɛŋ ìtèɗ wu kìkiyɛn dàm, à fa roàmbog ìtèɗ wu kpaakpaŋzìyɛ̀n ɓìɓan ɓi Bɛ̀ll à rèsii nyi; à fa roàdɛŋ ìtèɗ wulɛ a yi rìghasì ɗi lɛ, rì ɓìɓeɓtàg ɓi mɛghay, rì syeesyee à Ǹghay, à fa tì roàdɛŋ ìtèɗ wu tòtoghɛn ɓìkènekènè ɓi ɓitòkì à ki fa roàdɛŋ ìtèɗ wulɛ a tɛɛ̀zi ɓìɓan ɓi ɓyɛɛ̀ kpaakpaàrɛ̀n ɓi ɓìtòkì ɓiǹ.

1 KƆ̀RƐ̀ŊTYƐŊ 12:16

I ìreè wu kpaa lɛ: Yɛ̀ɛ mɛ̀ ǹ-yin ɗis, ǹ-yin kikàɓ ki nyoo, fɔlɔɔ a yin lɛ à règ wɔ lɛ wɛɛ ɓa lɔŋ kìkàɓ ki nyòò.

1 KƆ̀RƐ̀ŊTYƐŊ 12:8

Lɛ Nghay à ti à falàg ŋwaàdɛŋ ɗyomzɛ̀n, m̀bobog à Ǹghay ànɛ̀n à fa roàmbog ɓìtòkì ɓi riyi ɗi ɓiɓan.

1 KƆ̀RƐ̀ŊTYƐŊ 13:8

Ǹkɔ̀nɛ̀n à yin ɗi rìlèg; rìkpaŋzì ɗi ɓiɓan ɓi Bɛ̀ll ɗi ri lèg, rìtòtòg ɗi ɓìkènekènè ɓi ɓitòkì ɗi leg, rìyi ɗi ɓiɓan ɗi sugtɛ̀n,

1 KƆ̀RƐ̀ŊTYƐŊ 14:2

Ɓisuulɛ ŋwaànɛ a tòtog ɓìkènekènè ɓi ɓitòkì, à yin ɓiì tòtoogh ri ɓum, lɔŋ rì Bɛ̀ll nnɛ a tòtòg ɓisuulɛ à yin lɛ à wog com ki a kpaakpàà; rì ǹghay innɛ a kpaakpaa ɓiɓan ɓi rim.

1 KƆ̀RƐ̀ŊTYƐŊ 14:4

Ŋwaànɛ a tòtog ɓìkènekènè ɓi ɓitòkì, a faafàlɛ̀n nyimiɗ itèɗ ɓi rìgherɛ̀n, roànɛ a kpaakpaŋzì ɓìɓan ɓi Bɛ̀ll a kìki lɛ kìseŋi ki Bɛ̀ll kɛɛ ɓa rì ìtèɗ, ɓi rìgherɛ̀n.

1 KƆ̀RƐ̀ŊTYƐŊ 14:5

Nkɔ̀nkɔn lɛ di mìni ɓɛ̀sɛ̀ɛ̀ ɓɛ̀cèm ɓyàa tòtoogh ɓìkènekènè ɓi ɓitòkì, wɔ̀lɛ m̀ɓiisɛɛ tì kìkɔ̀ni lɛ ɓi kpaàkpàŋzì ɓìɓan ɓi Bɛ̀ll lɛ ŋwaànɛ a kpaàkpàŋzì ɓìɓan ɓi Bɛ̀ll à cee ŋwaànɛ a tòtog ɓìkènekènè ɓi ɓitòkì, di ki cee ɓi lɛ roànɛ a tòtog ɓìkènekènè ɓi ɓitòkì à ghagsii ɓum com ki à kpaa, lɛ kɛɛ fa kìseŋi kìcèm ìtèɗ.

1 KƆ̀RƐ̀ŊTYƐŊ 8:1

Ɓi ɓɛg ànɛ a ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓìsiìcèm tì yii lɛ, tì rì rì ɓìɓan ɓi tì konaagh kì yiì, nni rìyi ɗi ti ɗi falàg mum ǹcàŋà wɔ̀lɛ ǹkɔ̀nɛ̀n à falàg ìtèɗ ɓi rìgherɛ̀n.

2 KƆ̀RƐ̀ŊTYƐŊ 12:4

Ŋwaànɛ̀n à ɓɔkà à kpaŋ a pàràɗis, à wog jɛ̀ɛ̀ yidɛŋ yi mum à yin lɛ à yi rìɓììtì, yi ɓɛ ki yin lɛ ɓɛ gherɛ̀n lɛ mum a kpaà.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

TIMOTE 1:5

Rìsyɔn ɗi ɓi kìɓan ki ǹtɔɔgh wɔ̀ kiǹ ɗi ri lɛ, ǹkɔ̀nɛ̀n ànɛ à rìì ɓi nɗem wu wu ri wù tɛnɛn, rì ɓi nɗem wu wu ri lɛ sɛɛghisɛɛghi, rì ɓi rìgherɛ̀n ɗi kɛ̀ɛ̀ tìfyèèrɛnà.

1 PYƐƐRI 4:8

Kìɓan ki asu ki ri lɛ: Ɓaana rì ǹkɔ̀nɛ̀n ànɛ kɛ̀ɛ lɔ̀gtɛn ɓi nyìinyìm wìn, lɛ ǹkɔ̀nɛ̀n à ti à lɔkì ǹkun wu ɓiɓe.

2 PYƐƐRI 2:18

Ɓɛ ti ɓɛ kalàg ɓìɓan ɓi ɓidaŋà ɓi ɓi ri kɛ̀ɛ̀ ìsu, ɓɛ ɓaàdɛ̀n ɓi zày ì ɓìɓan ɓi tifin ɓi ɓi mɛ̀mùù lɛ ɓɛɛ yegsi ɓumɓɛ ɓɛ mɛɛ̀ sɔtɛ̀n yi ɓi nyìinyìm à ɓumɓɛ ɓɛɛ̀ ghɛghɛɓ ɓi rìɗim ɓi ɗùm;

ÀPÒKÀLIƁSƐ̀ 14:2

Fɔɔnnɛ ǹwokày jɛ̀ɛ̀ aɗyoo di yɛɛ̀ wɔ̀ɔ̀wɔɔ yi yɛ̀ɛ ɓìkus ɓi riɓày, ì pisɛ̀n tì coo gom ì baàbàn; gom ìnɛ ǹwokà ìnɛ̀n ì ɓaghà fɛlɛ yɛ̀ɛ fìloŋ fyɛɛ̀ fi ɓum ɓɛɛ̀ ɓoɓòg.