1 KƆ̀RƐ̀ŊTYƐŊ 12:27 - Bafia Nouveau Testament

²⁷ Ɓì rì nyoo ì Kiris, mum ǹcèm ànɛ ɓi mìni à rì kìkàɓ kii lɛ rì mum, à ɓa ɓi rìɓa ɗii.

1 KƆ̀RƐ̀ŊTYƐŊ 12:27 ပူးပေါင်းရင်းမြစ်များ

RÒMƐŊ 12:5

fɔlɔɔ nnɛ ɓìsi ɓɛ tì rì kìtuu, tì ri nyoo bog ɓi Kiris ɓi ɗùm; tì ki ɓa ti ɓikàɓ ɓi ɓi nyoo bog,

1 KƆ̀RƐ̀ŊTYƐŊ 1:2

Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

1 KƆ̀RƐ̀ŊTYƐŊ 10:17

Nni yɛ̀ɛ bìrɛs ì rì lɔŋ bog, tyàa soo tèghɛɛ, tì rì lɔŋ nyoo bog ɓisuulɛ ɓìsiìcèm ti teteɗ gàɓ ɓi m̀bobog à bìrɛs ànɛ̀n.

1 KƆ̀RƐ̀ŊTYƐŊ 12:12

Ɓisuulɛ nyoo ì mum ì rì lɔŋ bog, wɔ̀lɛ ì teghɛ̀n ɓìkàɓ; kìɓan kifog, nsoò yɛ̀ɛ ɓìkàɓ ɓiǹ ɓìcèm ɓi teghɛɛ bàlì, ɓyɛɛ toŋi lɔŋ mbobog à nyoo, fɔlɔɔ nnɛ Kiris à rì girig.

1 KƆ̀RƐ̀ŊTYƐŊ 12:26

I kìkàɓ kìfog ki ɓi nyoo ì mum kɛɛ̀ wowog rikɛŋ, ɓìkàɓ ɓìcèm ɓi wog rìkɛŋ nɗaŋ ri kìkàɓ kiǹ. I ɓɛɛ̀ nyaanyaàsì kìkàɓ kìfog ɓi nyoo ì mum, ɓìkàɓ ɓimbog ɓi kaɓɓɛ̀n kìnyàà ki kìkàɓ kiǹ kɛɛ̀ wowòg.

1 KƆ̀RƐ̀ŊTYƐŊ 6:15

Ɓì yii ɓi lɛ nyoo yin yi ri ɓìkàɓ ɓi Kiris? Nni ǹɗì nya lɛ ǹteɗ ɓìkàɓ ɓi Kiris lɛ nghaasi ɓyɔ ɓìkàɓ ɓi giɓ a rìɓàmɓà?

EFÈZYƐŊ 1:23

ki ki ri nyoo yìì, miì nnɛ Kiris à rì ǹɗonɛn lɛ pisa, nyi ànɛ à mɛ ron zi bimiɗ à sòsòɓ.

EFÈZYƐŊ 4:12

À kìghà fɔlɔɔ lɛ di ɓɛ̀gherɛ̀n ɓɛɛ tɔɔ̀ ɓɛ kpaŋ ɓi nɗɛli wu ɓɛ ri lɛ ɓɛ ki kìsay ɓi rìtoŋ ɗi nyoo ì Kiris.

EFÈZYƐŊ 5:23

Ɓisuulɛ, baŋì ì làmii giɓ wiì fɛlɛ yɛ̀ɛ Kiris à làmii kìseŋi kìì; nyimiɗ yɛɛ ti ǹghɛɓsì à kìseŋi ki ki ri nyoo yìì.

EFÈZYƐŊ 5:30

Lɛ ɓì rì ɓìkàɓ ɓi ɓi nyoo yìì.

KÒLÒSYƐŊ 1:18

Nnyɛɛ ri nto wu ɓi nyoo ìnɛ ì rì lɛ kìseŋi kii; nnyɛɛ ri rìtumɛ̀n, à ki ɓa ti man à ǹtonto ànɛ à lokà kìghèmɓɛɛ a ɓìloŋ lɛ di a ɓa beèbɛ̀y ɓi ɓìɓan ɓìcèm.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

KÒLÒSYƐŊ 2:19

Rìkuu ɗi mum ɗìn ɗi yin ɗi ràrɛn ri ǹto wu wu ɓanɓani nyoo bimiɗ, wu ki kì lɛ nyoo ìnɛ̀n yɛ̀ɛ rarag lɛ syeesyee ɓi jàŋ yi ì rì miì ǹwògakɛn ì ki tɔɔtɔɔ kitɔɔ ki Bɛ̀ll a fafa yɔ̀.