1 KƆ̀RƐ̀ŊTYƐŊ 12:18 - Bafia Nouveau Testament

¹⁸ Ɓi saaɗ Bɛ̀ll à fogà kìkàɓ kìcèm ɓi nyoo lɔŋ yɛ̀ɛ ki kɔngà nyi.

1 KƆ̀RƐ̀ŊTYƐŊ 12:18 ပူးပေါင်းရင်းမြစ်များ

LUKAS 10:21

Ɓi cààmɛ̀n kɔm̀ kiǹ, Kìtɛntɛ̀ɛ̀n ki Nghay ki kìghà lɛ Yeesus a wog kìrɔɔ lɛɛ̀gwey, à ki kpaa lɛ: Tààta, wàànɛ ù làmii lɛ, rì ɗyoo rì zi, ǹfaa wɔ̀ ɓìtògsɛ̀n lɛ ù nyamgàkà ɓɛ̀yiì-ɓìɓan, rì ɓum ɓɛ ɗyomzɛ̀n ɓìɓan ɓi; rì tì lɛ, ù kìghà lɛ ɓyɛɛ yilɛn a ɓɔɓti ɓɛsàg. Ɛ̀ɛ̀ Tààta, ǹtògsaagh yɛ̀ɛ ki nɗɔɔ wɔ̀ lɛ kɛɛ kilɛn fɔlɔɔ.

LUKAS 12:32

Maa kìtuu à jɔ̀ɔ̀ ànɛ, kɔ̀ɔ risi com, lɛ ki kɔngà Tààta wìn lɛ, a fa mìni kìlɔ̀ŋ kii.

RÒMƐŊ 12:3

Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

RÒMƐŊ 12:6

lèg ànɛ yɛ̀ɛ geesɛ̀n ì Bɛ̀ll ì ghɛnɛ̀ngà a lɔ̀ŋkis, tì ri lɛ rì mum, rì rìkuu ɗi kiɓan ɗi Bɛ̀ll à faghà nyi lɛ a kilag, fɔɔnnɛ roànɛ Bɛ̀ll à faghà ìtèɗ wulɛ a kpaàkpàŋzì ɓìɓan ɓi Bɛ̀ll à rèsii nyi, à ghɛ̀ɛ̀sɛɛ kì kìi kisay kiǹ lɔŋ yɛ̀ɛ ki ghɛɛ̀sɛɛ ɓi rìgherɛ̀n.

1 KƆ̀RƐ̀ŊTYƐŊ 12:11

Lɔŋ m̀bobog à Nghay ànɛ̀n nnyɛɛ̀ kìki ɓiɓan ɓiǹ ɓìcèm, à ki kàakàɓsì ɓyɔ lɛ rì ŋwaànɛ̀n miì à fa com ki à kɔ̀ni.

1 KƆ̀RƐ̀ŊTYƐŊ 12:17

I nyoo bimiɗ yàa rì lɔŋ lɛ ɗis, di mum àrì lɛ à wog ɓìɓan la? Gìn i nyoo bimiɗ yàa rì lɔŋ lɛ ìreè, di lannɛ mum àrì lɛ à wog mɛ̀rùù mɛ ɓyom?

1 KƆ̀RƐ̀ŊTYƐŊ 12:19

I kìkàɓ kɛɛ ɓa lɔŋ kifog di nyoo ì yin gi lɛ ì ɓa.

1 KƆ̀RƐ̀ŊTYƐŊ 12:24

Kɔmiɗ lɛ ɓìkàɓ ɓi ɓi ri ɓyoo ɓikàɓ ɓyɔɔ tɔɔgh ɓi lɛ ɓɛɛ nyaànyààsì ɓyɔ fɔlɔɔ; kìɓan kifog Bɛ̀ll à kìghà nyoo lèg ànɛ lɛ ɓyom ɓi ɓi yin ɗi rìkem, à fa ɓyɔ coo rikem,

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 15:38

Ajɛ̀m ìnɛn, Bɛ̀ll à fa com kìn nyoo ìnɛ à kɔ̀ni lɛ a fa; fɔɔnnɛ à ti à kìlàg lɛ rì boo ì com ìnɛ̀n miì, rì rìkuu ɗii ɗi nyoo.

1 KƆ̀RƐ̀ŊTYƐŊ 3:5

Cɛ kɛɛ ri min lɛ Apolos? Cɛ kɛɛ ri lɛ Pol? Tì rì lɔŋ ɓɛ̀kìì-ɓìsay ɓɛ ɓɛ kighà lɛ ɓi gherɛn Bɛ̀ll, rìkì ɗi mum ǹcèm ɗi ɓa lɔŋ yɛ̀ɛ Kan à faghà nyi ìtèɗ wulɛ a ki.

EFÈZYƐŊ 1:5

Bɛ̀ll à lokà kì rèni lɛ à ɓiì kìi lɛ, ti ɓa ɓɔn ɓii lɛ Yeesus Kiris. Ki kɔngà nyi lɛ a ki kìɓan kiǹ lɛ ki rɔɔghà nyi fɔlɔɔ,

EFÈZYƐŊ 1:9

À kpàkàkà ɓìsi dwìɗ i rìkɔ̀n ɗii ɗi a rìnyam, ɓi kìɓan ki nɗem wii wu lokà kì renì lɛ à kìi gɛ ɓi Kiris.

ÀPÒKÀLIƁSƐ̀ 4:11

Wɔ̀ Kan wìs, Bɛ̀ll wìs, ù ghɛ̀ɛ̀sɛɛ lɛ, ɗì rìkem, rì bɔgsɛ̀n, rì ìtèɗ, ɓisuulɛ wɔ̀ yɛɛ kighà ɓyom ɓìcèm, yɛ̀ɛ ki kɔngà wɔ̀ lɛ ɓyom ɓìn ɓyɛɛ ɓa, nnɛ ɓi kilɛ̀ngà.