1 KƆ̀RƐ̀ŊTYƐŊ 12:13 - Bafia Nouveau Testament

¹³ Lɛ ɓìsi ɓɛ̀sɛ̀ɛ̀ ɓɛ̀cèm, tì ɓàɓtɛ̀ngà ɓi mbobog à Nghay, lɛ ti ɓa nyoo bogtɛ̀n nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n, nsoò ɓɛ̀kpàn, nsoò ɓumɓɛ ɓɛ yin ɓɛkpàn, fɔɔnnɛ ɓìsiìcèm tì nɔghà m̀bobog à Nghay ànɛ̀n.

1 KƆ̀RƐ̀ŊTYƐŊ 12:13 ပူးပေါင်းရင်းမြစ်များ

MATYOO 3:11

Mɛ̀ɛ m̀ɓàaɓaɓtì mìni rì mɛ̀nig lɛ ɓì lɔ̀ɔ̀ghrɛɛ mɛ̀rem, kìɓan kifog roànɛ à rìì mɛ̀ ajɛ̀m à cee mɛ̀ ɓi-tèɗ; nyii ri mìni ɓiì ɓàɓtii lɛ rì Kìtɛntɛ̀ɛ̀n ki Nghay, rì ɗuu. Mɛ̀ ǹkpaŋi gì ɓi ɓi ǹkoŋ wulɛ ǹsɔ̀ŋì nyi gòò ɓi mɛ̀kòò.

LUKAS 3:16

Fɔɔnnɛ à kpaaghà ɓɔɔ̀cèm lɛ: Mɛ̀ɛ m̀ɓàaɓaɓtì mìni rì mɛ̀nig, kìɓan kifog ŋwaànɛ à cee mɛ̀ ɓi-tèɗ à tiì, ǹkpaŋi gì ɓi ɓi ǹkoŋ wulɛ m̀fùmì ǹɗig wii wu gòò. Nnyɛɛ ri mìni ɓiì ɓàɓtii ri Kìtɛntɛ̀ɛ̀n ki Nghay, rì ɗuu.

ZYAŊ 1:16

Ɓìsiìcèm tì mɛ teɗ ɓɛmààgh ɓɛ ɓi rìɓa ɗii ɗi à rì ǹɗonɛn, à saàsàgtàg ɓìsi geesɛ̀n.

ZYAŊ 1:33

Mɛ̀ ǹ-yighà ɓi nyi, wɔ̀lɛ roànɛ à romgày mɛ̀ lɛ mɓààɓàɓtì ɓum rì mɛ̀nig, à kpaaghà mɛ̀ lɛ: Ŋwaànɛ ù rì ɓiì ghɛɛ̀ di Ǹghay à sɛniì, ɓi nyoo à rɔ̀ɓ ɓi nyi, roànɛ̀n yɛɛ ɓiì ɓàɓtii ɓum rì Kìtɛntɛ̀ɛ̀n ki Nghay.

ZYAŊ 3:5

Yeesus à ɓàg nyi lɛ: Ǹkpaa wɔ̀ kɔɔ̀kɔɔ̀ à rìkpaa lɛ, i mum à yalɛɛ ɓi ri mɛ̀nig rì Ǹghay, à yin lɛ à ɗiŋì ɓi kìlɔ̀ŋ ki Bɛ̀ll.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 6:63

Ǹghay wɛɛ̀ fafa cɛɓ, mɛ̀mùù mɛ yin ɗi gɛɓsɛ̀n. Fɔɔnnɛ ɓìɓan ɓi màa kpaa mìni ɓi ri ɓìɓan ɓi Nghay, rì ɓi cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 1:5

lɛ Zyaŋ à ɓàɓtìghà ɓum ɗì mɛ̀nig, kìɓan kifog mìnii ri ɓiì ɓàɓtɛɛ ri Kìtɛntɛ̀ɛ̀n ki Nghay di ɓɔɔ mɛru ɓɛ ghaghii.

RÒMƐŊ 3:22

kɛɛ ri rìkì ɗi Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n ɗi ɓɛ gherɛɛ Yeesus Kiris, kìɓan kiǹ ki ri ɓisuu ɓum ɓɛ̀cèm ɓɛ ɓɛ gherɛɛ; ǹlànag wu ki yin miì;

RÒMƐŊ 3:29

Bɛ̀ll à cɔ̀ɔ̀ghrɛɛ nya lɔŋ Ɓɛ̀yudɛ̀n ɓɔrìɓɔ gìn, à rì girig Bɛ̀ll ɓìlɔ̀ŋ ɓimbog? À rì girig Bɛ̀ll à ɓìlɔ̀ŋ ɓimbog a tààkaà.

RÒMƐŊ 4:11

Fɔlɔɔ nnɛ ɓɛ faghà nyi kɛ̀rɛ̀n ɓi sìg à kìrèmzɛnà ki lɛ, à rì saaɗ à mum lɛ rìgherɛ̀n, cààmɛ̀n ki à ɓaghà di à ka kɛrɛn ɓi; kìɓan kiǹ kɛɛ̀ki à rì miì seŋi ɓum ɓɛ̀cèm ɓɛ ɓɛ gherɛɛ, nsoò ɓɛ̀roɓɛ ɓɛ yin ɓɛ kɛ̀rɛn, lɛ di ɓɛɛ ɓa lɛ saaɗ ɓi mis mɛ Bɛ̀ll.

1 KƆ̀RƐ̀ŊTYƐŊ 10:2

Fɔɔnnɛ ɓɛ̀sɛ̀ɛ̀ ɓɛ̀cèm ɓɛ ɓaɓtɛ̀ngà ɓi kìkwìɗ azi rì ɓi rìɓày ɓiɗùm, yɛ̀ɛ ɓɛ ɓaghà ɓɛ̀ràrɛn ɗi Moyis.

GÀLAT 3:23

Di rìgherɛ̀n ɗi ka yin, ɓìsii ɓaghà ɓi naà-zày ì ɓìdɔ̀gsɛna, tì ɓoŋɓòŋ lɛ rìgherɛ̀n ɗi ncèm ɗyɛɛ resɛ̀n.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

EFÈZYƐŊ 3:6

Ɓumɓɛ ɓɛ yin Ɓɛ̀yudɛ̀n ɓɛ ti girig ɗì gàɓ ɓi ɓyom ɓi Bɛ̀ll à nyamgà ɓisuu ɓum ɓii, ɓɛ ɓa ɓìkàɓ ɓi nyoo bog, ɓɛ ki ɓa girig ɓumɓɛ ɓɛ ri ɓi nkàg wu Bɛ̀ll à faghà ɓi Yeesus Kiris lɛ Syeesyee à Ɓɔlɛ,

EFÈZYƐŊ 4:5

Kan à rì lɔŋ bog, rìgherɛ̀n ɗifog, bàɓtis bog,

EFÈZYƐŊ 5:26

À kìghà fɔlɔɔ lɛ di Kìseŋi kii kɛɛ ɓa kìtɛnɛn; lɛ à tɛɛ̀zìghà kɔ lɛ rì mɛ̀nig rì jɛ̀ɛ̀;

EFÈZYƐŊ 6:8

Ɓì yi lɛ, nsoò ǹkpàn, nsoò ŋwaànɛ à yin ǹkpàn, mum ǹcèm à rì ɓiì terì mɛ̀lèɓ yɛ̀ɛ Kan ɓi syeesyee wìì a rìkì.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,