1 KƆ̀RƐ̀ŊTYƐŊ 10:33 - Bafia Nouveau Testament

³³ Fɛlɛ yɛ̀ɛ mɛ̀ɛ ntèeteèsì nyoo lɛ mpuɓsi ɓum ɓɛ̀cèm mɛ̀rem ɓi ɓìɓan ɓicèm; mɛ̀ ǹ-yin ɓiì kaakaa kirɔɔ kɛ̀m ki mɛ̀ɛmiɗ, nkaakaa lɔŋ kirɔɔ ki ɓum lɛɛ̀gwey lɛ di ɓɛɛ ghɛǹ cɛɓ.

1 KƆ̀RƐ̀ŊTYƐŊ 10:33 ပူးပေါင်းရင်းမြစ်များ

RÒMƐŊ 11:14

Lɛ i bee yàa rì lɛ ì ɓa, ǹkì lɛ ɓumɓɛ ɓi kìlɔ̀ŋ kɛm̀ ɓɛɛ wog yɔ̀ɔ̀tì, di gàɓ ìdɛŋ yɛ̀ɛ ghɛ̀ɓ.

RÒMƐŊ 12:5

fɔlɔɔ nnɛ ɓìsi ɓɛ tì rì kìtuu, tì ri nyoo bog ɓi Kiris ɓi ɗùm; tì ki ɓa ti ɓikàɓ ɓi ɓi nyoo bog,

1 KƆ̀RƐ̀ŊTYƐŊ 10:24

Mum kɛ̀ɛ kaaghi kìrɔɔ kii ki nyimiɗ, à kaa lɔŋ ki ɓɛro ɓɛm̀bog.

1 KƆ̀RƐ̀ŊTYƐŊ 13:5

Ǹkɔ̀nɛ̀n à ti kɛ̀ɛ kì kiɓan ki kitɛ̀ŋtɛ̀ŋ, ǹkɔ̀nɛ̀n à ti kɛ̀ɛ pàg ɓi kaagh, kɛ̀ɛ wog bim, kɛ̀ɛ ɓa ri mɛ̀nyaàkà,

2 KƆ̀RƐ̀ŊTYƐŊ 12:14

Ɓì ghɛɛ! Ǹti jàŋbog lɛ n-yutiì foo a lɔ̀ŋkin ɓi gɛ̀n i kìraa, nni ǹtɛ̀g wɛm waa ki syɔn ɓi mini ɓi nto, ɓisuulɛ àa ìkum win wɛɛ̀wu nfɔmfɔ̀m, lɔŋ mìniìɓɔmiɗ ɓɛɛ̀ɓɛ nkɔ̀nkɔ̀n; lɛ àa ɓɔn ɓɛɛ ghɛɛ̀sɛɛ kì taŋzɛɛ ikum ɓisuu ɓɛyalì ɓaa, lɔŋ ɓɛ̀yalì ɓɛɛ ghɛɛ̀sɛɛ kì taŋzɛɛ ikum ɓisuu ɓɔn ɓaa.

2 KƆ̀RƐ̀ŊTYƐŊ 12:19

Kaa finɛn yɛ̀ɛ ɓyaà fèfèg lɛ ɓìsiì kpaakpaàsɛ̀n ɓi mis min. Lɔŋ ɓi mis mɛ Bɛ̀ll, ɓi Kiris ɓiɗùm innɛ ti tòtòg, nni ɓìɓan ɓiǹ ɓìcèm ɓi ri ɓisuu kitɔɔ kiǹ ki ɓi Ǹghay, mìni ɓɔɔseŋi ɓɛ̀m ɓɛ nɗem.

GÀLAT 1:10

Nni ɓigomìnɛ, mɛ̀sɛɛ̀ghsɛɛgh mɛ ɓum mɛɛ̀mɛ ǹkaakàà giǹ mɛ Bɛ̀ll? Rìkɔ̀n ɗyɛm̀ ɗi ri nya lɛ ɓum ɓɛɛ wog kìrɔɔ rì mɛ̀? Èe èe, i màa kaka ǹkaakàà lɛ ɓum, ɓɛɛ wog kìrɔɔ rì mɛ̀ di ǹ-yin nkìì-kìsay a Kiris.

FÌLÌPYƐŊ 2:21

Lɛ ɓum ɓɛ̀cèm ɓɛɛ̀ kaakaa lɔŋ kirɔɔ kaa ki ɓɔmiɗ, ɓɛ̀ kɛɛ̀ kaa ki Yeesus Kiris.

TÈSÀLÒNÌSYƐŊ 2:16

Ɓɛ ti ɓɛ rekì ɓìsi lɛ tyɛ̀ ki ghagsi jɛ̀ɛ̀ ì Bɛ̀ll a ɓumɓɛ ɓɛ yin Ɓɛ̀yudɛ̀n lɛ ɓɛɛ ɓa rì cɛɓ. Rìkì ɗiǹ ɗyɛɛ̀ɗi ɓɛɛ̀ kɛ̀nkɛn beèbɛ̀y ɓɛ teètègsì kìɓe kaa cààmɛ̀n kìcèm rì ɗyɔ̀; wɔ̀lɛ rìbaŋì ɗi Bɛ̀ll ɗi mɛ syɔn ɓɔ kìkòmi.