1 KƆ̀RƐ̀ŊTYƐŊ 10:14 - Bafia Nouveau Testament

¹⁴ Kìɓan kiǹ kɛɛ̀ki, mìni ɓɛ̀geni ɓɛ̀m ɓɛ nɗem, cèliina ɓìnùn.

1 KƆ̀RƐ̀ŊTYƐŊ 10:14 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 15:20

Tì ghɛ̀ɛ̀sɛɛ lɔŋ ɓɔ kì kàni kaàtà, ti kpaa ɓɔ lɛ, ɓɛ ghɛɛ̀sɛɛ kì cèlii lɛ: rì riɗi ɗi ɓituwe ɓi ɓɛ woli ɓisuu riɓɔgsì ɗi ɓinùn, rì tìsɔ̀mɔ̀g, rì rìɗi ɗi ɓituwe ɓi ɓi wii lɛ swììɗ bwaɓ yɛ̀ kɛɛ̀ kpaŋ.

RÒMƐŊ 12:19

Mìni ɓɛ̀geni ɓɛ̀m ɓɛ nɗem, kɛ̀ ɓi rɔ̀ŋ kiɓan kin miniì ɓɔmìɗ, kìɓan kifog càrina lɛ Bɛ̀ll a saɗ bim yiì, lɛ ki ri kì kànɛn lɛ: Kan lɛ: Mɛ̀ yɛ̀ɛ ghɛɛ̀sɛɛ rì rɔ̀ŋɗɔ̀ŋ, mɛ̀ yɛ̀ɛ ghɛɛ̀sɛɛɛ kì lèɓi.

1 KƆ̀RƐ̀ŊTYƐŊ 10:15

Ntòtog ri mìni yɛ̀ɛ ɓum ɓɛ ɗyomzɛ̀n, mìniìɓɔmiɗ fiɓiina ɓìɓan ɓi nkpaakpàà.

1 KƆ̀RƐ̀ŊTYƐŊ 10:19

Fɔlɔɔ a rèsii nya yɛɛ lɔɔ lɛ nkɔ̀nkɔn lɛ ɓyɛn ɓi ɓɛ funɛɛ ɓi ɓìnùn, nsoò ɓìnùn ɓyɔmiɗ, ɓi ri nya rì bimiɗ à rìɓa àdɛŋ?

1 KƆ̀RƐ̀ŊTYƐŊ 10:7

Kɛ̀ ɓi ghay ɓɛkìì-ɓìnùn fɛlɛ yɛ̀ɛ ɓum ɓɛdɛŋ ɓɛ ɓi nɗaŋ waa ɓɛ ɓaghà, lɔŋ yɛ̀ɛ ki ri kìkànɛn lɛ: Kìlɔ̀ŋ ki kɔrìghà ɓi zi lɛ kɛɛ ɗi, ki nɔ, ajɛ̀m ìnɛ̀n nnɛ ɓɛ pɛsɛ̀ngà aɗyoo lɛ ɓɛɛ nyuŋzɛn.

1 KƆ̀RƐ̀ŊTYƐŊ 5:11

Com ki mɛ̀ɛ nkɔ̀ngi lɛ nkpaà mìni ɓi kaàtà wɛ̀m ki nɗì lɛ, ɓì ghɛ̀ɛ̀sɛɛ ɓi kiràrɛɛ ri ŋwaànɛ à rì lɛ, à reèghrèŋɗɛ̀n lɛ Kìristɛ̀n kìɓan kifog à kìkì tìsɔ̀mɔ̀g, à fa nɗem rì ìkum, à kìkì ɓìnùn, à keesì ɓɔlɛ, nyi kìnɔɔ̀-mɛ̀rɔ̀g nsoò lɛ wiiwìì; ɓì ghɛ̀ɛ̀sɛɛ ɓi gi kì ɗisɛɛ ri rìkuu ɗi mum ɗìn.

2 KƆ̀RƐ̀ŊTYƐŊ 11:11

Ɓisuucɛ nnɛ ǹkpaa fɔlɔɔ? Lɛ yɛ̀ɛ ǹkeesii ɓi mini? Bɛ̀ll yɛɛ yii!

2 KƆ̀RƐ̀ŊTYƐŊ 12:15

Ɓi san wɛ̀m, ǹɗì lɛ ǹwog kìrɔɔ lɛ nkpaŋzi mɔ̀ɔ̀ni mɛ̀cèm mɛ ǹɗì rì mɔ, ǹki kàɓɓɛn mɛ̀ɛmiɗ ɓisuu ɓyɛɓ ɓin; nni i mɛ̀ ǹkeesii mìni fɔlɔɔ ǹcìɓtàg, ɓisuucɛ nnɛ mìnii keesì mɛ̀ lɛsàg?

2 KƆ̀RƐ̀ŊTYƐŊ 12:19

Kaa finɛn yɛ̀ɛ ɓyaà fèfèg lɛ ɓìsiì kpaakpaàsɛ̀n ɓi mis min. Lɔŋ ɓi mis mɛ Bɛ̀ll, ɓi Kiris ɓiɗùm innɛ ti tòtòg, nni ɓìɓan ɓiǹ ɓìcèm ɓi ri ɓisuu kitɔɔ kiǹ ki ɓi Ǹghay, mìni ɓɔɔseŋi ɓɛ̀m ɓɛ nɗem.

2 KƆ̀RƐ̀ŊTYƐŊ 6:17

Kìɓan kiǹ kɛɛ̀ki, pɛ̀sɛɛna ɓi nyìinyìm wàà, ɓi kpaŋdɛ̀n daŋdarààŋ, rìkpaa ɗi Kan ɗyɛɛ̀ ɗìn; kɛ̀ ɓi kòm com ki ki ri rì kìsyeg, di fɔɔnnɛ ǹɗì mìni ɓiì ghàɓi ri kìnyàà.

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

FÌLÌPYƐŊ 4:1

Fɔlɔɔ nnɛ, mìni ɓɛ̀geni ɓɛ̀m ɓɛ nɗem ɓɛ ǹɗì rì coo zày ìnɛ lɛ di màa ghɛɛdii, ɓì rì lɛ, mìni kìnyàà kɛm̀, mìni rìkem ɗyɛ̀m, kɛ̀ɛna lɔŋ asu, ɓi siìrɛn fɔlɔɔ ɓi Kan, mìni ɓum ɓɛm ɓɛ nɗem.

FILEMƆŊ 1:1

Mɛ̀ Pol ànɛ ǹɗì kìmbùŋ ɓisuu Yeesus Kiris ɓɛɛ̀ geni wɛ̀m ànɛ lɛ Timote, ɓìsi yɛɛ kani lɛ rì Filemɔŋ à reŋkàŋ wìs a ǹɗem, ànɛ ti kìki kisay kifog rì nyi,

EBIREEGH 6:9

Mìni ɓum ɓɛm ɓɛ nɗem, nsoò yɛ̀ɛ ti kpaakpaa lɔɔ, tì konaagh kì yiì lɛ ɓì rɛrɛlii ɓi syeesyee à bee, ànɛ à rì bee ì cɛɓ.

1 PYƐƐRI 2:11

Mìni ɓɛ̀geni ɓɛ̀m ɓɛ nɗem, ǹtɔɔgh mìni ɓi rìɓa ɗi lɛ ɓì rì ɓɛ̀kèn ɓɛ ɓɛ ri ɓi rìghaàgh ɓi ziinɛ lɛ ɓi celi ɓìɓan ɓi ɓi ti ɓi yɛɛ̀yì mɛ̀mùù, ɓìɓan ɓiǹ ɓyɛɛ ri ɓi wɛ̀y ri ǹghay wu mum.

1 ZYAŊ 5:21

Mìni ɓɔn ɓɛm ɓì konàg rì ɓìnùn.

ÀPÒKÀLIƁSƐ̀ 13:8

Ɓum ɓɛ̀cèm ɓɛ ɓi ziinɛ, ɓɛ mii maa mɛ ka ɓaghà ɓi mɛ kànɛn ɓi kaàtà à cɛɓ à Man à jɔ̀ɔ̀ ànɛ ɓɛ wolà, à tumɛ̀n a rìyàghɛ̀n ɗi zi, ɓɛ ɓaagh gɛ mɛ̀ɗu ɓi zi ɓɛ ɓɔgsì nyàm ìnɛn.

ÀPÒKÀLIƁSƐ̀ 2:14

Nsoò fɔlɔɔ, ǹɗì rì ɓìɓan ɓidɛŋ ɓi ɓi ɓeɓi mɛ̀ rì wɔ̀; ù rì foo ri ɓum ɓɛdɛŋ ɓɛ ɓɛɛ̀ nɔ̀ɔnɔɔ̀tì dɔgtɛ̀n ì Balam; Balam àa nɗèsàg Balag lɛ a ki com ki lɛ ɓɔn ɓɛ Isirayɛl ɓɛɛ kɛɓtɛn fìɓàg lɛ ɓɛ ɗii ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓɛ ki ɗiŋi ɓi rìkìkì ɗi tisɔ̀mɔ̀g.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.